More News

ପୁରୀରେ ରୋଡ୍ ଶୋ କରିଲେ ମୋଦୀ |

କଟକ (ଉତ୍କଳ ନ୍ୟୁଜ ) ୨୦-୦୫-୨୦୨୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପୁରୀରେ ଏକ ଭବ୍ୟ ରୋଡ୍ ଶୋର ଆୟୋଜନ କରିଥିଲେ। ଏହି ଅବସରରେ ଅନେକ ଲୋକ ତାଙ୍କୁ ଦେଖିବା ପାଇଁ ରାସ୍ତା ଧାରରେ ଭିଡ କରିଥିଲେ। ସକାଳରୁ କର୍ମୀ ମାନେ ତାଙ୍କ ଆସିବା ପଥକୁ ସଜାଇ ରଖିଥିଲେ। ପ୍ରଧାନମନ୍ତ୍ରୀ ମୋଦୀ ତାଙ୍କ ଖାସ ରଥରେ ବସି ଲୋକମାନଙ୍କୁ ନମସ୍କାର କରୁଥିଲେ ଓ ତାଙ୍କ ସହ ଜନସମ୍ପର୍କ ବୃଦ୍ଧି କରିଥିଲେ। ଲୋକମାନେ ତାଙ୍କୁ ଦେଖିବାକୁ ବିଭିନ୍ନ ସ୍ଥାନରୁ ଚାଲି ଆସିଥିଲେ ଓ ମୋଦୀଙ୍କ ସହ ଫଟୋ ତୁଳିବାକୁ ଚେଷ୍ଟା କରୁଥିଲେ। ପୁରୀରେ ମୋଦୀଙ୍କ ଏହି ରୋଡ୍ ଶୋ ଆଗାମୀ ନିର୍ବାଚନକୁ ନଜର ରଖି ଏବଂ ଲୋକମାନଙ୍କ ସମର୍ଥନ ପାଇଁ ଏକ ଦୃଢ଼ ପଦକ୍ଷେପ ଭାବରେ ଦେଖାଯାଉଛି। ମୋଦୀଙ୍କ ଉପସ୍ଥିତିରେ ଲୋକମାନଙ୍କ ଉତ୍ସାହ ଦେଖି ରାସ୍ତା ଉତ୍ସବମୟ ହୋଇଯାଇଥିଲା। ପୁରୀରେ ଏହି ରୋଡ୍ ଶୋର ଆୟୋଜନରେ ସ୍ଥାନୀୟ ପ୍ରଶାସନ ବି ମହତ୍ତ୍ୱପୂର୍ଣ୍ଣ ଭୂମିକା ଥିଲା ଏବଂ ସମସ୍ତଙ୍କୁ ରସ୍ତାରେ ସୁବିଧା ଓ ସୁରକ୍ଷା ଯୋଗାଇ ଦେଇଥିଲା। ପୁରୀରେ ମୋଦୀଙ୍କ ରୋଡ୍ ଶୋ ଜନସମୂଦାୟରେ ଏକ ଅସାଧାରଣ ଉତ୍ସାହ ଜନ୍ମାଇଥିଲା ଏବଂ ଏହାର ପ୍ରଭାବ ଆସନ୍ତା ଦିନରେ ଦୃଶ୍ୟମାନ ହେବାର ଆଶା ରହିଛି। ପୁରୀ ରୁ ଶରତ ମହାପାତ୍ର ଙ୍କ ରିପୋର୍ଟ ଉତ୍କଳ ନ୍ୟୁଜ  ଉତ୍କଳ ନ୍ୟୁଜ |
Read More ...

ବୃଦ୍ଧ ଶ୍ୱଶୁର ବାଡିରେ ଗୋଡେଇ ଗୋଡେଇ ଆକ୍ରମଣ କଲା ପୁଅ ବୋହୁଙ୍କୁ, ଦେଖଣାହାରୀ ସାଜିଲେ ଗ୍ରାମବାସୀ |

କଟକ (ଉତ୍କଳ ନ୍ୟୁଜ ) ୨୭-୦୪-୨୦୨୪ : ପୂର୍ବ ଶତୃତାକୁ କେନ୍ଦ୍ରକରି ଗାଁ ଦାଣ୍ଡରେ ବାଡିରେ ଗୋଡେଇ ଗୋଡେଇ ଆକ୍ରମଣ । ଦେଖଣାହାରୀ ସାଜିଲେ ଗ୍ରାମବାସୀ । ଭିଡିଓ ଭାଇରାଲ ହେବାପରେ ପୋଲିସ ଏକ ମାମଲା ରୁଜୁକରି ୩ ଜଣ ଅଭିଯୁକ୍ତମାନଙ୍କ ମଧ୍ୟରୁ ଜଣକୁ ଗିରଫ୍ କରିଥିବା ସୂଚନା ମିଳିଛି । ସେପଟେ ଆକ୍ରମଣର ଶିକାର ହୋଇଥିବା ଜଣେ ମହିଳା, ତାଙ୍କ ସ୍ୱାମୀ ଓ ଦିଅର ମେଡିକାଲରେ ଭର୍ତ୍ତୀ ହୋଇଥିଲେ । ୨୫ ତାରିଖରେ ସେମାନେ ଘରକୁ ଫେରିଥିବା ସୂଚନା ମିଳିଛି । ଏଭଳି ଅଭାବନୀୟ ଘଟଣା ସାମନା ଆସୁଛି ଭଦ୍ରକ ଜିଲ୍ଲା ବାଂଶଡା ଥାନା ନଳଗୋହିରା ଗ୍ରାମରୁ । ଏହି ଗାଁର ବୃଦ୍ଧ ତ୍ରିଲୋଚନ ସାହୁ ଓ ତାଙ୍କ ବଡ ପୁଅ ସଦାନନ୍ଦ ସାହୁ ମିଳିତଭାବେ ଗାଁ ଦାଣ୍ଡରେ ଏବଂ ସର୍ବସମ୍ମୁଖରେ ନିଜ ପୁଅ ରାଧାଶ୍ୟାମ ସାହୁ, ମଧୁସୂଦନ ସାହୁ ଓ ବୋହୁ ନିଳିମା ସାହୁଙ୍କୁ ବାଡିରେ ଗୋଡେଇ ଗୋଡେଇ ନିର୍ଧୁମ ପିଟି ଚାଲିଥିଲେ । ଦାଣ୍ଡରେ ଏମୁଣ୍ଡରୁ ସେମୁଣ୍ଡ ପର୍ଯ୍ୟନ୍ତ ଖାଲି ବାଡି ପ୍ରହାର ଦେଖିବାକୁ ମିଳିଥିଲା । ତଳେ ପକେଇ ପିଟି ଚାଲିଥିଲେ । ଆଖଡା ସ୍ଥଳର ବାଡିଖେଳ ଠାରୁ ଆହୁରି ପ୍ରଖର ବେଗରେ ବୃଦ୍ଧ ଜଣକ ବାଡିରେ ପୁଅ ବୋହୁଙ୍କୁ ପିଟି ଚାଲିଥିଲା । ଏବଂ ସଦାନନ୍ଦ ସାହୁଙ୍କ ସ୍ତ୍ରୀ କାଞ୍ଚନ ସାହୁ ବାଡି ଯୋଗାଇବାରେ ସହଯୋଗ କରିଥିଲା । ଯାହାର ଭିଡିଓ ସମ୍ପୂର୍ଣ୍ଣ ମାତ୍ରାରେ ଭାଇରାଲ ହେବାରେ ଲାଗିଛି । ଗତ ୨୧ ତାରିଖରେ ଏଭଳି ଘଟଣା ଘଟିଥିବା ବେଳେ ସେହିଦିନ ରାଧାଶ୍ୟାମ ସାହୁଙ୍କ ସ୍ତ୍ରୀ ରଞ୍ଜିତା ସାହୁ ଥାନାରେ ଅଭିଯୋଗ କରିଥିଲେ । ବୃଦ୍ଧଙ୍କ ଭୟଙ୍କର ରୂପ ଏବଂ ଆକ୍ରୋଶ ମୂଳକ ଆକ୍ରମଣ ଯିଏ ବି ଦେଖିଲେ ତାଟକା ହୋଇଯିବ । ଅଭିଯୋଗକୁ ଭିତ୍ତିକରି ପୋଲିସ ଏକ ମାମଲା ରୁଜୁକରି ଅଭିଯୁକ୍ତ ସଦାନନ୍ଦ ସାହୁଙ୍କୁ ଗିରଫ୍ କରିଥିବା ବେଳେ ମୁଖ୍ୟ ଅଭିଯୁକ୍ତ ବୃଦ୍ଧ ତ୍ରିଲୋଚନ ଫେରାର୍ ଥିବା ପୋଲିସ ପକ୍ଷରୁ ସୂଚନା ମିଳିଛି । ତେବେ ଘଟଣା ଯାହା ହେଉନା କାହିଁକି ସାମାନ୍ୟ ଜମିବାଡିକୁ କେନ୍ଦ୍ରକରି ବୃଦ୍ଧ ବାପ ଏପରି ପୁଅ ବୋହୁଙ୍କୁ ଆକ୍ରମଣ କରିବା ଘଟଣା ସାଧାରଣରେ ନିନ୍ଦନୀୟ । ସୂଚନା ମୁତାବକ, ବୃଦ୍ଧ ତ୍ରିଲୋଚନ ସାହୁଙ୍କର ୩ ପୁଅ । ମାତ୍ର ସେ ବଡ ପୁଅ ସଦାନନ୍ଦଙ୍କୁ ନିଜର କରି ଅନ୍ୟ ଦୁଇ ସାନ ପୁଅଙ୍କୁ ଅଣଦେଖା କରୁଛନ୍ତି । କେବଳ ସେତିକି ନୁହେଁ ତାଙ୍କ ନାମରେ ଥିବା ଏକ ପ୍ଲଟକୁ ବଡ ବୋହୁଙ୍କ ନାମରେ ଦଲିଲ କରିଛନ୍ତି । ଏହାକୁ ବିରୋଧ କରି ଦୁଇପୁଅ ଅଦାଲତରେ ଆଶ୍ରୟ ନେଇଛନ୍ତି । ଯାହାକୁ ନେଇ ବୃଦ୍ଧ ବାପ ବଡ ପୁଅକୁ ସାଙ୍ଗରେ ନେଇ ଏପରି ଆକ୍ରୋଶ ମୂଳକ ଭାବେ ବାଡିରେ ଗୋଡେଇ ଗୋଡେଇ ଗାଁ ଦାଣ୍ଡରେ ପିଟିଥିବା ଜଣାଯାଇଛି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ତିହିଡିରେ ବିଜେପିର ୪୫ତମ ପ୍ରତିଷ୍ଠା ଦିବସ ପାଳିତ |

କଟକ (ଉତ୍କଳ ନ୍ୟୁଜ ) ୬-୦୪-୨୦୨୪ : ଭଦ୍ରକ ଜିଲ୍ଲା ତିହିଡିରେ ଭାରତୀୟ ଜନତା ପାର୍ଟି(ବିଜେପି)ର ୪୫ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଏହି ଉପଲକ୍ଷେ ତିହିଡି ଟାଉନହଲ ସାମ୍ନାରେ ଏକ ସଭା ବିଜେପିର ଯୁବନେତା ସୀତାକାନ୍ତ ନାୟକଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା । ଏଥିରେ ବିଜେପିର ଧାମନଗର ନିର୍ବାଚନମଣ୍ଡଳୀ ପ୍ରଭାରୀ ବୁଦ୍ଧଦେବ ଜେନା, ପ୍ରାକ୍ତନ ବ୍ଲକ ଅଧ୍ୟକ୍ଷ ତଥା ବିଜେପି ନେତା ଶୁକଦେବ ମଳିକ, ଭାଟପଡା ସରପଞ୍ଚଶୁଭ୍ରନାରାୟଣ ସେଠୀ, ସାହିତ୍ୟିକ ଯଦୁମଣି ପାଣିଗ୍ରାହୀ, ବିଜେପି ଓବିସି ମୋର୍ଚ୍ଚା ରାଜ୍ୟ ସଂଯୋଜକ ରଘୁନାଥ ପାତ୍ର, ବରିଷ୍ଠ ନେତା ଅଜୟ ମହାପାତ୍ର, ବିଜେପି ଜିଲ୍ଲା ଉପସଭାପତି ଦୁର୍ଗାଚରଣ ନାୟକ, ଯୁବନେତା ପ୍ରତାପ ଜେନା, ମନୋଜ ସେନାପତି, ଦେବେନ୍ଦ୍ର ପଣ୍ଡା, ପ୍ରିୟବ୍ରତ ପାଢୀ, ପଞ୍ଚାୟତ ସଭାପତି ପ୍ରଦୀପ ଜେନା, କେଶବ ବେହେରା, କୈଳାସ ଜେନା, ମାନସ ପୁହାଣ, ଅଭିମନ୍ୟୁ ବେହେରା, ଅଜୟ ନାୟକ ପ୍ରମୁଖ ଯୋଗଦେଇ ବିଜେପି ଭଳି ସର୍ବବୃହତ ରାଜନୈତିକ ଦଳର ପ୍ରତିଷ୍ଠା ରେ ଯେଉଁ ରାଷ୍ଟ୍ରବାଦୀ ନେତାଙ୍କ ଭୂମିକା ରହିଥିଲା ସେମାନଙ୍କ ପ୍ରତି ଗଭୀର ଶ୍ରଦ୍ଧାସୁମନ ଅର୍ପଣ କରିବା ସହିତ ବିଜେପି ତାର ଲକ୍ଷ୍ୟପଥରେ ଜନସାଧାରଣଙ୍କୁ ଦେଇଥିବା ପ୍ରତିଶ୍ରୁତିକୁ ଧୀରେ ଧୀରେ ପୂରଣ କରିବାରେ ସକ୍ଷମ ହେଉଛି ବୋଲି ବକ୍ତାମାନେ ମତପ୍ରକାଶ କରିଥିଲେ । ସେହିପରି ଭାରତକୁ ପରମ ବୈଭବଶାଳୀ ରାଷ୍ଟ୍ର ଭାବେ ଗଢି ତୋଳିବା ପଥରେ ସମସ୍ତ ପ୍ରକାର ପ୍ରୟାସ ଜାରି ରଖିଥିବା ବେଳେ ଆଗାମୀ ଦିନରେ ପୃଥିବୀରେ ତୃତୀୟ ଅର୍ଥନୈତିକ ଶକ୍ତି ଭାବରେ ଉଭା ହେବା ପାଇଁ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରୟାସକୁ ବକ୍ତାମାନେ ପ୍ରଶଂସା କରିଥିଲେ । ଆଗାମୀ ନିର୍ବାଚନରେ ଡବଲ ଇଞ୍ଜିନ ସରକାର ଗଠନ ଦିଗରେ ବିଜେପି କର୍ମୀମାନେ ନିଷ୍ଠାପର ଓ ନିରନ୍ତର ଭାବେ ଉଦ୍ୟମ ଜାରି ରଖିବାକୁ ବକ୍ତାମାନେ ପରାମର୍ଶ ଦେଇଥିଲେ । ସର୍ବଶେଷରେ ସମସ୍ତଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରାଯାଇଥିଲା । ପ୍ରାରମ୍ଭରେ ବିଜେପି ପ୍ରତିଷ୍ଠାତାଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇଥିଲା । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ତିହିଡିକୁ ଏନଏସି ଘୋଷଣା କରାନଗଲେ ରାଜରାସ୍ତାକୁ ଓହ୍ଲାଇବ ବିଜେପି |

କଟକ (ଉତ୍କଳ ନ୍ୟୁଜ ) ୨୮-୦୨-୨୦୨୪: ଭଦ୍ରକ ଜିଲ୍ଲା ତିହିଡିକୁ ଏନଏସି ଘୋଷଣା କରାନଗଲେ ରାଜରାସ୍ତାକୁ ଓହ୍ଲାଇବ ବିଜେପି । ଏନେଇ ଏକ ସମ୍ବାଦଦାତା ସମ୍ମିଳନୀ ଜରିଆରେ ସପ୍ତାହ ମଧ୍ୟରେ ଦାବି ପୂରଣ ନହେଲେ ପ୍ରତିବାଦ ସହ ରାଜରାସ୍ତାକୁ ଉହ୍ଲାଇବ ବୋଲି ଚେତାବନି ଦିଆଯାଇଛି । ମଙ୍ଗଳବାର ଅପରାହ୍ନରେ ଦୀନଦୟାଲ ଭବନ ପରିସରରେ ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ପୂର୍ବତନ ଜିଲା ସଭାପତି ଦୀନବନ୍ଧୁ ପତିଙ୍କ ଆବାହକତ୍ୱରେ ଆୟୋଜିତ ସାମ୍ବାଦିକ ସମ୍ମିଳନୀରେ ଦୁର୍ଗାଚରଣ ନାୟକ, ରଘୁନାଥ ପାତ୍ର, ସୁଧାଂଶୁ ପାଣିଗ୍ରାହୀ, ପ୍ରମୋଦ ଦାସ, ସୀତାକାନ୍ତ ନାୟକ, ଶୁଭ୍ରନାରାୟଣ ସେଠୀ, ପ୍ରଦୀପ ବଳ, ରତିକାନ୍ତ ଦାସ, କେଶବ ବେହେରା ଓ ଦେବବ୍ରତ ପାଢ଼ୀ ପ୍ରମୁଖ ବହୁ ବରିଷ୍ଠ ବିଜେପି ନେତା ଉପସ୍ଥିତ ରହି ତିହିଡ଼ିକୁ ଏନଏସି କରାନଯିବା ଘଟଣାର ତୀବ୍ର ନିନ୍ଦା କରିଥିଲେ । ରାଜ୍ୟ ବିଜେଡି ସରକାରର ତିହିଡ଼ି ପ୍ରତି ଭୀଷଣ କୁଠାରଘାତ, ତିହିଡ଼ିବାସୀଙ୍କ ଦୀର୍ଘଦିନର ଦାବିକୁ ପ୍ରତ୍ୟାଖ୍ୟାନ । ବ୍ଲକର ଦୁଇଜଣ ଲୋକ ପ୍ରତିନିଧି ବିଧାୟକଙ୍କର ଅପାରଗତା ଓ ଅପରିଣାମଦର୍ଶିତା ପାଇଁ ତିହିଡ଼ି ଆଜି ଅବହେଳିତ । ଏହି ଅଞ୍ଚଳ ହରାଇଛି ତାହାର ସୌର୍ଯ୍ୟ, ସୌନ୍ଦର୍ଯ୍ୟ ଓ ସମୃଦ୍ଧି । ନାହିଁ ନାହିଁରେ ତିହିଡ଼ି ମୁଖ୍ୟଦପ୍ତରର ମୁଖଶାଳା । ଅଭିଯୋଗ ଅନୁଯାୟୀ ରାଜ୍ୟ ସରକାର ୩୫ ଗୋଟି ଏନଏସି ଘୋଷଣା କରିଛନ୍ତି । ତିହିଡ଼ି ଦୀର୍ଘବର୍ଷ ହେଲା ସମସ୍ତ ଯୋଗ୍ୟତା ହାସଲ କରିଥିଲେ ମଧ୍ୟ ଭଦ୍ରକ ଜିଲାକୁ ଗୋଟିଏ ଏନଏସି ମିଳିଥିବା ବେଳେ ତିହିଡ଼ିକୁ ଘୃଣାଚକ୍ଷୁରେ ମଧ୍ୟ ଦେଖିଲେ ନାହିଁ । ତିହିଡ଼ି ଗୋଟିଏ ବ୍ଲକ ଓ ତହସିଲ ସଦରମହକୁମା ତଥା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ପୁରୁଣା ଥାନା, ବିଭିନ୍ନ ନିର୍ମାଣ ବିଭାଗର ଅଧିକାରୀଙ୍କ ବହୁ ସଂଖ୍ୟକ କାର୍ଯ୍ୟାଳୟ, ବିଦ୍ୟୁତ ବିଭାଗ ଠାରୁ ଆରମ୍ଭ କରି ଅଗ୍ନିଶମ କେନ୍ଦ୍ର, ମୁଖ୍ୟ ପ୍ରାଣୀ ଚିକିତ୍ସାଳୟ, ଏକାଧିକ ସରକାରୀ ଉଚ୍ଚ ବିଦ୍ୟାଳୟ, ସରକାରୀ ମହାବିଦ୍ୟାଳୟ ତିହିଡ଼ି ବଜାରରେ ରହିଛି । ଖୁବ ଶୀଘ୍ର କୋର୍ଟ ମଧ୍ୟ ପ୍ରତିଷ୍ଠା ହେବାକୁ ଯାଉଛି । ତିହିଡ଼ିର ସଦର ଭାଟପଡ଼ା ପଞ୍ଚାୟତ ଏକ ବୃହତ ପଞ୍ଚାୟତ ଓ ଯାହାର ଲୋକସଂଖ୍ୟା ୧୦ ହଜାରରୁ ଉର୍ଦ୍ଧ୍ୱ । ତେବେ ପଞ୍ଚାୟତ ଗଠନ ବେଳେ ଏହାକୁ ଭାଗ କରାଇଦିଆଗଲା ନାହିଁ । ସେତେବେଳେ ଯୁକ୍ତି ଦର୍ଶାଯାଇଥିଲା ଭାଟପଡ଼ା ଓ ଅନ୍ୟ କେତେକ ପଞ୍ଚାୟତକୁ ନେଇ ତିହିଡ଼ି ଏନଏସି ଗଠନ ହେବ । କୁଆଡ଼େ ଗଲା ସେ ପ୍ରତିଶ୍ରୁତି ବୋଲି ପ୍ରଶ୍ନ କରିଛି ବିଜେପି । ରାଜ୍ୟ ସରକାରଙ୍କ ମାତ୍ରାଧିକ ବୈମାତୃକ ମନୋଭାବ ଯୋଗୁ ତିହିଡ଼ି ଏନଏସିରୁ ବଞ୍ôଚତ ହୋଇଛି । ଏଥିପାଇଁ ନବୀନ ସରକାର, ସରକାରୀ ଦଳର ସମସ୍ତ ଅଯୋଗ୍ୟ ପ୍ରତିନିଧି ଓ କାର୍ଯ୍ୟକର୍ତା ଙ୍କୁ ବିଜେପି ଦାୟୀ କରିଛି । ୭ ଦିନ ମଧ୍ୟରେ ତିହିଡ଼ିକୁ ଏନଏସି ଘୋଷଣା କରାନଗଲେ ବିଜେପି ରାଜରାସ୍ତାକୁ ଓହ୍ଲାଇବ ବୋଲି ଚେତାବନୀ ଦିଆଯାଇଛି । ତିହିଡ଼ିରେ ଡାକ୍ତରଖାନା, ଡାକବଙ୍ଗଳା, ବଷଷ୍ଟାଣ୍ଡ, ଡ୍ରେନେଜ, ଆଲୋକୀକରଣ ପରି ବହୁ ସମସ୍ୟା ରହିଛି ଯାହା ପ୍ରତି ଶାସକ ଦଳ ସଂପୂର୍ଣ୍ଣ ଉଦାସୀନ ରହିଛି ବୋଲି ଆରୋପ କରାଯାଇଛି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଐତିହ୍ୟ ଓ ପରମ୍ପରାର ଗାଥା ବହନ କରିଛି ବିରଂଚିନାରାୟଣଙ୍କ ପୀଠରେ ଗୁଣ୍ଡୁଣୀ ମେଳା |

କଟକ (ଉତ୍କଳ ନ୍ୟୁଜ ) ୨୬-୦୨-୨୦୨୪ : ଭଦ୍ରକ ଜିଲ୍ଲା ତିହିଡି ବ୍ଲକ ପାଳିଆବିନ୍ଧା ପଞ୍ଚାୟତ ପାଳିଆସ୍ଥିତ ବିରଞ୍ôଚନାରାୟଣଙ୍କ ପୀଠରେ ଗୁଣ୍ଡୁଣୀ ମେଳା ଅନୁଷ୍ଠିତ ହୋଇ ଯାଇଛି । ବହୁ କିମ୍ବଦନ୍ତି ସମ୍ମଳିତ ଇତିହାସ ଓ ଲୋକକଥା ବହନ କରିଥିବା ଏହି ସର୍ବପ୍ରାଚୀନ ଅର୍କକ୍ଷେତ୍ରର ଐତିହାସିକ ବିରଂଚିନାରାୟଣ ପୀଠ ଯେଉଁଠି ଚର୍ତୁମୂଖି ବ୍ରହ୍ମା ପୂଜା ପାଇଥାନ୍ତି । ଏହାକୁ ସୂର୍ଯ୍ୟ ଉପାସନା କେନ୍ଦ୍ର ବୋଲି ଐତିହାସିକମାନେ ମତ ରଖିଛନ୍ତି । ଅଘିରା ପୂର୍ଣ୍ଣମୀ ପରଦିନ ଏଠାରେ ଏହି ପର୍ବ ପାଳନ କରାଯାଇଥାଏ । ଅର୍କକ୍ଷେତ୍ର ଭାବେ କୋଣାର୍କକୁ ନିଆଗଲେ ୧୩ଶ ଶତାଦ୍ଧିରେ କିନ୍ତୁ ବିରଂଚିନାରାୟଣ ମନ୍ଦିର ୯ମ ଶତାଦ୍ଧିରେ ନିର୍ମାଣ କରାଯାଇଥିବା ଐତିହାସିକ ତଥ୍ୟ ରହିଛି । ଐତିହ୍ୟ ଓ ପରମ୍ପରାର ଗାଥା ବହନ କରିଛି ବିରଞ୍ôଚନାରାୟଣ ପୀଠରେ ଏହି ଗୁଣ୍ଡୁଣୀ ମେଳା । ପ୍ରଭୁଙ୍କର ଚୂଳଚଢା ପର୍ବ ପାଳନ ପରଠାରୁ ମନୋହରି ଭୋଗ ଲାଗିଥାଏ । ଗୁଣ୍ଡୁଣି ଯାତ୍ରାରେ ପ୍ରଭୁ ବିରଞ୍ôଚ ନାରାୟଣ ବଡସିଂହାର ବେଶରେ ବିଭୂଷିତ ହୋଇଥାନ୍ତି । ଭକ୍ତମାନେ ଦର୍ଶନ କରିବା ସହିତ ପ୍ରସିଦ୍ଧ ମନୋହରୀ ଭୋଗ ଦିଅଁଙ୍କୁ ଅର୍ପଣ କରିଥାନ୍ତି । ଏହି ମେଳାରେ ଭକ୍ତମାନେ ଫୁଲଛତା ମାନସିକ କରି ବିଭିନ୍ନ ଚର୍ମ ରୋଗରୁ ମୁକ୍ତ ହୋଇଥାନ୍ତି । ଏହି ଯାତ୍ରାରେ ଓଡ଼ିଶାର ବିଭିନ୍ନ ସ୍ଥାନରୁ ଭକ୍ତମାନେ ଆସି ମାନସିକ ରଖିଥିବା ଫୁଲ ଛତା ସମର୍ପଣ କରିଥାନ୍ତି । ପୂରାଣ ମତେ, ଦ୍ୱାପର ଯୁଗରେ ଶ୍ରୀକୃଷ୍ଣଙ୍କ ପୁତ୍ର ଶାମ୍ବ କୁଷ୍ଠ ରୋଗରୁ ମୁକ୍ତି ପାଇବାକୁ ଆସି ପୂର୍ବରୁ ଏଠାରେ ଥିବା ସମୂଦ୍ର କୂଳରେ ସୂର୍ଯ୍ୟ ଉପାସନା କରି ଆରୋଗ୍ୟ ହୋଇଥିଲେ । ଚୂଳଚଢା ପର୍ବରେ ଉପାସନା କରି ଗୁଣ୍ଡୁଣି ମେଳା ଦିନ ଫେରିଥିଲେ । କୌଣସି ଲୋକର ଚର୍ମ ରୋଗ ହେଲେ ଲୋକେ ବିରଞ୍ôଚନାରୟଣଙ୍କ ଉଦ୍ଦେଶ୍ୟରେ ଫୁଲଛତା ମାନସିକ କରିଥାନ୍ତି ବୋଲି ଏକ ବିଶ୍ୱାସ ଆଜି ସୁଦ୍ଧା ରହି ଆସିଛି । ଏହି ମନ୍ଦିରରେ ଚାରୋଟି ଦ୍ୱାରଦେଶ ରହିଛି । ଶ୍ରୀଜଗନ୍ନାଥ ଓ ଶିବ ମନ୍ଦିର ମଧ୍ୟ ଏହାର ବେଢାରେ ରହି ପୂଜିତ ହୋଇ ଆସୁଛନ୍ତି । ଏକଦା କଳାପାହାଡ ଆକ୍ରମଣରେ ଏହି ମନ୍ଦିର ଶିକାର ହୋଇଥିଲା । ସହରୀକରଣ ସତ୍ୱେ ବିରଞ୍ôଚନାରାୟଣ ମନ୍ଦିର ନିକଟରେ ପାଳିତ ହେଉଥିବା ପୂଜା ପର୍ବାଣୀରେ ଅଧିକରୁ ଅଧିକ ଯାତ୍ରୀଙ୍କ ସମାଗମ ହୋଇଥାଏ । ଚଳିତ ବର୍ଷ ଏହା ୫ ଦିନ ବ୍ୟାପୀ ଚାଲିବ । ମନ୍ଦିର କମିଟିର ମେନେଜିଙ୍ଗ୍ ଟ୍ରଷ୍ଟି ମୁଖ୍ୟ ବସନ୍ତ କୁମାର ନାୟକଙ୍କ ସମେତ ପରିଚାଳନା କମିଟିର ସଭାପତି ଚକ୍ରଧର ରାଉତ, ସମ୍ପାଦକ ବିଜୟ ପାତ୍ର, ଗୋପିନାଥ ମହାଳିକ, ତପନ ମହାଳିକ, ସଞ୍ଜୟ ନାୟକ, ବାବାଜୀ ମହାଳିକ, ତାରାକାନ୍ତ ପଲେଇ, ହାସିମ କାଜିର ସାହା, ସୁଶାନ୍ତ ଦାସ ଓ ନଣ୍ଡା ପାତ୍ର ପ୍ରମୁଖ ପ୍ରମୁଖ ପରିଚାଳନା କରୁଥିବା ଜଣାଯାଇଛି । ଏହି ମନ୍ଦିରର ପୂର୍ଣ୍ଣବିନ୍ୟାଶ ତଥା ପର୍ଯ୍ୟଟନ ଭିତ୍ତିିଭୂମିର ବିକାଶ କ୍ଷେତ୍ରରେ ରାଜ୍ୟ ସରକାର ଅତିଥି ଭବନ, ପାର୍କିଂସ୍ଥଳ ନିର୍ମାଣ ସହ ପାଚେରୀ ମରାମତି ଆଦି କେତେକ ପ୍ରମୂଖ ଭୂମିକା ଗ୍ରହଣ କରିଥିବା ବେଳେ ମନ୍ଦରକୁ ବଜ୍ରପାତ ନିରୋଧ ଲାଗି ୨୫ ଲକ୍ଷ ଓ ଫାଇଭ-ଟି ଯୋଜନାରେ ୨୫ ଲକ୍ଷ ଟଙ୍କା ବ୍ୟୟବରାଦ କରାଯାଇଥିବା ଜଣାଯାଇଛି । ଏହି ସର୍ବ ପ୍ରାଚୀନ ମନ୍ଦିରର ଭୌଗଳିକ ଓ ପ୍ରାଚୀନତା ଉପରେ ଯଦି ପ୍ରତ୍ନତତ୍ୱ ବିଭାଗ ଗବେଷଣା କରନ୍ତି ତେବେ ଇତିହାସରୁ ବାଦ୍ ପଡୁଥିବା ବହୁ ପୃଷ୍ଟା ଉନ୍ନୋଚିତ ହୋଇ ପାରନ୍ତା ବୋଲି ମତପ୍ରକାଶ ପାଉଛି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଆଇନ ସହାୟକ ତଥା ଜଣ ଅଭୀରକ୍ଷକ କାର୍ଯ୍ୟାଳୟ ଉଦ୍ଘାଟନ |

କଟକ (ଉତ୍କଳ ନ୍ୟୁଜ ) ୨୪-୦୨-୨୦୨୪ : ଓଡିଶା ରାଜ୍ୟ ଆଇନ ସେବା ପ୍ରାଧିକରଣ (ଆଇନସେବା ଭବନ ) କାର୍ଯ୍ୟାଳୟ ର ସମ୍ମିଳନୀ କକ୍ଷ ରେ ରାଜ୍ୟ ରେ ୧୦ ଗୋଟି ଜିଲ୍ଲା ରେ " ଆଇନ ସହାୟକ ତଥା ଜଣ ଅଭୀରକ୍ଷକ କାର୍ଯ୍ୟାଳୟ " (Legal Aid Defense Council System Office ) ର ଉଦଘଟାନ କାର୍ଯ୍ୟକ୍ରମ ୨୨-୦୨-୨୦୨୪ ରିଖ ଦିନ ଅନୁଷ୍ଠିତ ହୋଇଯାଇଛି | ଉକ୍ତ ଉଦ୍ଘାଟନ କାର୍ଯ୍ୟକ୍ରମ ରେ ଓଡିଶା ଉଚ୍ଚ ନ୍ୟାୟଳୟ ର ମୁଖ୍ୟ ବିଚାରପତି ତଥ ରାଜ୍ୟ ଆଇନ ସେବା ପ୍ରାଧିକରଣ ର ଧ୍ୟକ୍ଷ ମାନ୍ୟବର ନ୍ୟାୟମୂର୍ତ୍ତି ଶ୍ରୀଯୁକ୍ତ ଚକ୍ରଧାରୀ ଶରଣ ସିଂ ଯୋଗଦେଇ ରାଜ୍ୟ ର ବରଗଡ଼ , ଭଦ୍ରକ , ବୌଦ୍ଧ , ଗଜପତି , ଜଗତସିଂପୁର , ନବରଙ୍ଗପୁର , କେନ୍ଦ୍ରାପଡା , ଝାରସୁଗୁଡା ପୁରୀ ଓ ସୋନପୁର ଆଦି ଜିଲ୍ଲା ରେ ଉକ୍ତ " ଆଇନ ସହାୟକ ତଥା ଜଣ ଅଭୀରକ୍ଷକ କାର୍ଯ୍ୟାଳୟ " ଗୁଡିକର , ଓଡିଶା ଉଚ୍ଚ ନ୍ୟାୟଳୟ ର ବରିଷ୍ଠ ବିଚାରପତି ତଥା ରାଜ୍ୟ ଆଇନ ସେବା ପ୍ରାଧିକରଣର କାର୍ଯ୍ୟକାରୀ ଅଧ୍ୟକ୍ଷ ]ମାନ୍ୟବର ନ୍ୟାୟମୂର୍ତ୍ତି ଡକ୍ଟର ବିଦ୍ୟୁତ ରଞ୍ଜନ ଷଡ଼ଙ୍ଗୀ ଓ ଉଚ୍ଚ ନ୍ୟାୟଳୟ ର ଅନ୍ୟ ମାନ୍ୟବର ବିଚାରପତି ବୃନ୍ଦ ଙ୍କ ଉପସ୍ଥିତି ରେ ଆଭାସୀ କାର୍ଯ୍ୟକ୍ରମ , ମାଧ୍ୟମ ରେ ଉଦ୍ଘାଟନ କରିଥିଲେ ଓ ରାଜ୍ୟ ରେ ପ୍ରତ୍ୟେକ ଅପରାଧିକ ମାମଲା ରେ ଗୁଣାତ୍ମକ ଏବଂ ଦକ୍ଷ ଆଇନ ସେବା ଯୋଗାଇ ଦେବା ଓ ବୃତ୍ତିଗତ ଢଙ୍ଗ ରେ ଆଇନଗତ ସହାୟତା ବ୍ୟବସ୍ଥା କୁ ପରିଚାଳନା କରି କାର୍ଯ୍ୟକାରୀ କରିବା ଉପରେ ଗୁରୁତ୍ୱ ଆରୋପ କରିଥିଲେ | ଉକ୍ତ କାର୍ଯ୍ୟକ୍ରମ ରେ ଓଡିଶା ଉଚ୍ଚନ୍ୟାୟଳୟ ର ବରିଷ୍ଠ ବିଚାରପତି ତଥା ରାଜ୍ୟ ଆଇନ ସେବା ପ୍ରାଧିକରଣର କାର୍ଯ୍ୟକାରୀ ଅଧ୍ୟକ୍ଷ ମାନ୍ୟବର ନ୍ୟାୟମୂର୍ତ୍ତି ଡକ୍ଟର ବିଦ୍ୟୁତ ରଞ୍ଜନ ଷଡ଼ଙ୍ଗୀ ସ୍ୱାଗତ ଭାଷଣ ପ୍ରଦାନ କରିଥିଲେ | ଉକ୍ତ କାର୍ଯ୍ୟକ୍ରମ ରେ ଓଡିଶା ଉଚ୍ଚନ୍ୟାୟଳୟ ର ରେଜିଷ୍ଟ୍ରି ବୃନ୍ଦ ଓ ସମସ୍ତ ଜିଲ୍ଲା ର ଜିଲ୍ଲା ଜଜ ଓ ଅନୁ ବିଚାର ବିଭାଗୀୟ ଅଧିକାରୀ , ଉପରୋକ୍ତ ଜିଲ୍ଲ ର ଅଧିବକ୍ତା ସଂଘର ସଦସ୍ୟ ଗଣ ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ | ଓଡିଶା ରାଜ୍ୟ ଆଇନ ସେବା ପ୍ରାଧିକରଣ ର ସଦସ୍ୟ ସଚିବ ସୁଦୀପ୍ତ ଆଚାର୍ଯ୍ୟ ଙ୍କ ପ୍ରତ୍ୟେକ୍ଷ ତତ୍ୱାବଧାନ ଓ ଉପସଚିବ ସୃତି ରଞ୍ଜନ ମହାପାତ୍ର ଏବଂ ସହ ସଚିବ ଶ୍ରୀ ସୃଜନ ସାରସ୍ୱତ ଙ୍କ ମିଳିତ ସହଯୋଗ ରେ କାର୍ଯ୍ୟକ୍ରମ ପରିଚାଳିତ କରଯାଇଥିଲା | ରାଜ୍ୟ ଆଇନ ସେବା ପ୍ରାଧିକରଣ ର ସମସ୍ତ କର୍ମଚାରୀ ବୃନ୍ଦ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହାୟତା କରିଥିଲେ |
Read More ...

ରାଜ୍ୟ ରେ ପୁଣି ମୁଣ୍ଡ ଟେକିଲାଣି କରୋନା , ୩ କରୋନା ଆକ୍ରାନ୍ତ ଚିହ୍ନଟ |

କଟକ (ଉତ୍କଳ ନ୍ୟୁଜ ) ରାଜ୍ୟ ରେ ଧୀରେ ଧୀରେ ପୁଣି ମୁଣ୍ଡ ଟେକିଲାଣି କରୋନା | ରାଜ୍ୟ ରେ କରୋନା ଆକ୍ରାନ୍ତ ଙ୍କ ସଂଖ୍ୟା ଧୀରେ ଧୀରେ ବୃଦ୍ଧି ପାଇବା ରେ ଲାଗିଲାଣି | ଗୁରୁବାର ରାଜ୍ୟ ରୁ ୩ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବର୍ତ୍ତମାନ ସୁଦ୍ଧା ରାଜ୍ୟ ରେ ଆକ୍ରାନ୍ତ ଙ୍କ ସଂଖ୍ୟା ୮ ରେ ପହଂଚିଛି | ଗତ ୨୪ ଘଣ୍ଟା ମଧ୍ୟ ରେ ୬୯୦ ଜନନଙ୍କ ର ରକ୍ତ ନମୁନା ପରୀକ୍ଷା କରାଯାଇଥିଲା | ସେଥିମଧ୍ୟ ରୁ ୩ ଜଣ ନୂଆ କରୋନା ଆକ୍ରାନ୍ତ ରୋଗୀ ଚିହ୍ନଟ ହୋଇଛନ୍ତି | ଉକ୍ତ ରୋଗୀ ମାନଙ୍କୁ ଆଇସୋଲେସନ ରେ ରଖାଯାଇଛି | ତେବେ ଆକ୍ରାନ୍ତ ଙ୍କୁ ନେଇ କେହି ଆତଙ୍କିତ ନ ହେବ ପାଇଁ ଜନସ୍ୱାସ୍ଥ୍ୟ ନିର୍ଦେଶକ ସୂଚନା ଦେଇଛନ୍ତି |
Read More ...

ସ୍ମାର୍ଟ୍ ସିଟି ଭୁବନେଶ୍ୱର ରେ ଶୌଚାଳୟ ବ୍ୟବସ୍ଥା ସମ୍ପୂର୍ଣ୍ଣ ଖରାପ ନେଇ ଅଭିଯୋଗ ।

କଟକ (ଉତ୍କଳ ନ୍ୟୁଜ ) ୧୮-୧୨-୨୦୨୩ : ସ୍ମାର୍ଟ୍ ସିଟି ବୋଲାଉଥିବା ଭୁବନେଶ୍ୱର ଡମଣା ହାଟ ଶୌଚାଳୟ ର ଅବସ୍ଥା ସମ୍ପୂର୍ଣ୍ଣ ଖରାପ ହୋଇ ପଡ଼ିରହିଛି | ଯଦି ଆପଣଙ୍କ ତାର ଭିତରକୁ ପ୍ରବେଶ କରିବେ ସତେ ଯେମିତି ଲାଗିବ ଆପଣ ଶୌଚାଳୟ ଯାଉନାହାନ୍ତି ତ କେଉଁ ନାଳ ଭିତରେ ପାଦ ଦେଇଛନ୍ତି। ଜନସାଧାରଣ ମାନେ ଖୋଲା ସ୍ଥାନରେ ପରିସ୍ରା ନ କରିବା ପାଇଁ ଶୌଚାଳୟ କରାଯାଇ କର୍ମଚାରୀ ମଧ୍ୟ ରଖିଛନ୍ତି ସରକାର। ହେଲେ ଜନସାଧାରଣ ରେ ଆଲୋଚନା କରାଯାଉଛି ଯେ ବିଏମସି କତ୍ତୃପକ୍ଷ ନଜର ଦେଉନଥିବା ବେଳେ ସରକାର ମଧ୍ୟ କିଛି ନଜର ରଖୁନାହାନ୍ତି। ଯାହାଫଳରେ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଭୁବନେଶ୍ୱର ରୁ ଜିତେନ କୁମାର ସାମନ୍ତରାୟ ଙ୍କ ରିପୋର୍ଟ ଉତ୍କଳ ନିୟୁଜ
Read More ...

ଘଣ୍ଟେଶ୍ୱର ମାଧ୍ୟମିକ ବିଦ୍ୟାଳୟରେ ସାମାଜିକ ସଚେତନତା କାର୍ଯ୍ୟକ୍ରମ |

କଟକ (ଉତ୍କଳ ନ୍ୟୁଜ ) ୧୨-୧୨-୨୦୨୩ : ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅଧିନ ଘଣ୍ଟେଶ୍ୱର ମାଧ୍ୟମିକ ବିଦ୍ୟାଳୟରେ ସମ୍ୱନ୍ୱିତ ଯୁବ ବିକାଶ କାର୍ଯ୍ୟକ୍ରମରେ ବିଭିନ୍ନ ସାମାଜିକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶତାଧିକ ଛାତ୍ରଛାତ୍ରୀମାନେ ଘଣ୍ଟେଶ୍ୱରସ୍ଥିତ ପ୍ରସିଦ୍ଧ ମହିମାମଣି ମନ୍ଦିରକୁ ଏକ ଶୋଭାଯାତ୍ରାରେ ପହଂଚି ମନ୍ଦିର ପ୍ରାଙ୍ଗଣ ଓ ଏହାର ଆଖପାଖ ଅଞ୍ଚଳ ପରିଷ୍କାର କରିଥିଲେ । “ଭାଇ ଭଉଣୀଙ୍କୁ ଯାଉଛୁ କହି ପଲିଥିନ ଆଉ ପଡିବ ନାହିଁ” ଭଳି ସ୍ଲୋଗାନ ଦେଇ ଜନସାଧାରଣଙ୍କୁ ପଲିଥିନ ମୁକ୍ତ ଜୀବନ ପାଇଁ ଆହ୍ୱାନ ଦେଇଥିଲେ । ସାମାଜିକ ସଚେତନତା କାର୍ଯ୍ୟ ନିର୍ବାହୀ ଅଧିକାରୀ ପ୍ରାଧ୍ୟାପକ ଗୋପାଳ ପ୍ରସାଦ ମହାପାତ୍ର ଓ ଅଧ୍ୟାପକ ମୁକ୍ତିକାନ୍ତ ସେଠିଙ୍କ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ଅଧ୍ୟକ୍ଷ ରମାକାନ୍ତ ପାଣିଗ୍ରାହୀ ଓ ପୂର୍ବତନ ଜିଲ୍ଲା ପରିଷଦ ସଭ୍ୟ ବିବେକାନନ୍ଦ ଦୀକ୍ଷିତ, ସମିତି ସଭ୍ୟ ପପୁ ସାହୁ, ସମାଜସେବୀ ଦିଲୀପ ପ୍ରଧାନ, ସାମ୍ବାଦିକ ନିଶିକାନ୍ତ ବେହେରା ଯୋଗଦେଇ ସାଧନା ହିଁ ସିଦ୍ଧିର ମୂଳ ସୋପାନ ବୋଲି ମତ ପୋଷଣ କରିଥିଲେ । ଏହି ଅବସରରେ ଛାତ୍ର ଛାତ୍ରୀ ମାନେ ରମାକାନ୍ତ ପାଣିଗ୍ରାହୀ ଓ ବିବେକାନନ୍ଦ ଦୀକ୍ଷିତଙ୍କୁ ସମ୍ବଦ୍ଧିତ କରିଥିଲେ । ସେହିପରି ନୂଆ ଓଡିଶା ଓ ଯୁବ ଓଡିଶା କାର୍ଯ୍ୟକ୍ରମ ଅନ୍ତର୍ଗତ ସାମାଜିକ ସଚେତନତା କାର୍ଯ୍ୟକ୍ରମରେ ଯୋଗ ଓ ନିଶା ନିବାରଣ ସମ୍ପର୍କୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାମାଜିକ ସଚେତନତା କାର୍ଯ୍ୟ ନିର୍ବାହୀ ଅଧିକାରୀ ପ୍ରାଧ୍ୟାପକ ଗୋପାଳ ପ୍ରସାଦ ଅଧିକାରୀ ଓ ଅଧ୍ୟାପକ ମୁକ୍ତିକାନ୍ତ ସେଠିଙ୍କ ପରିଚାଳନାରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ଅଧ୍ୟକ୍ଷ ରମାକାନ୍ତ ପାଣିଗ୍ରାହୀ ଓ ଅରୁଣ ଭାରତୀ ବିଦ୍ୟାଳୟର ଶିକ୍ଷୟତ୍ରୀ ସୁଜାତା ଦାଶ ଅତିଥି ରୂପେ ଯୋଗଦେଇ ଛାତ୍ରଛାତ୍ରୀମାନଙ୍କୁ ସୂର୍ଯ୍ୟ ନମସ୍କାର, ମଣ୍ଡୁ୍କାସନ, ସର୍ବାଙ୍ଗସାନ ପ୍ରଭୁତି ଶିଖାଇଥିବା ବେଳେ ନିଶା ସେବନର ଭୟାବହତା ସମ୍ପର୍କରେ ଆଲୋଚନା କରାଯାଇ ନିଶା ନିରାକରଣ ଉପାୟମାନ ଆଲୋଚନା କରାଯାଇଥିଲା । ଅଧ୍ୟକ୍ଷ ଅକ୍ଷୟ କୁମାର ଗିରି, ନୋଡାଲ ଅଫିସର ସୁବ୍ରତ ପରିଡା, ଅଧ୍ୟାପକ ମୃତ୍ୟଞ୍ଜୟ ଦାସ, ବବ୍ରୁବାହନ ଖିଲାର, ତିମିର ବରଣ ଦାସ, ଅଧ୍ୟାପିକା ସଂଯୁକ୍ତା ଭାରତୀ, ସ୍ୱର୍ଣ୍ଣ ଶୋଭା ମହାପାତ୍ର, ମାନସୀ ମହାଳିକ, ଉମାରାଣୀ ପଣ୍ଡିତ, ପ୍ରଭୁତି ପରିଚାଳନାରେ ସହଯୋଗ କରିଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ନଳାଙ୍ଗରେ ସରକାରୀ ଜମି ଜବର ଦଖଲ କରିଥିବା ବିଧାୟକଙ୍କ ବିରୋଧରେ ତାତିଲେ ଭଦ୍ରକବାସୀ |

କଟକ (ଉତ୍କଳ ନ୍ୟୁଜ ) ୮-୧୨-୨୦୨୩: ସରକାରୀ ଜମି ଜବର ଦଖଲ କରିଥିବା ବିଧାୟକଙ୍କ ବିରୋଧରେ ତାତିଲେ ଭଦ୍ରକବାସୀ । ସିଧାସଳଖ ଅଙ୍ଗୁଳି ନିର୍ଦ୍ଦେଶ ହୋଇଛି ଭଦ୍ରକ ବିଧାୟକଙ୍କୁ । ଭଦ୍ରକ ବିଧାୟକ ଓ ବିଜେଡିର ତାଙ୍କ ବିଦ୍ରୋହୀ ଗୋଷ୍ଠିଙ୍କ ମଧ୍ୟରେ ଲାଗି ରହିଥିବା ବିବାଦ ସଂପ୍ରତି ଉଗ୍ରରୂପ ନେବାରେ ଲାଗିଛି । ବିଶେଷକରି ବିଧାୟକଙ୍କ ବିଦ୍ରୋହୀ ଗୋଷ୍ଠି ପୌରଧ୍ୟକ୍ଷା ପଦବୀ ହାତେଇବା ପରେ ବିଧାୟକଙ୍କ ମୁଣ୍ଡ ଗୁଡୁମ୍ । କଳେବଳେ କୌଶଳେ ପୌରାଧ୍ୟକ୍ଷାଙ୍କ କ୍ଷମତାକୁ ସଙ୍କୁଚିତ କରି ନିଜକୁ ଭଦ୍ରକବାସୀଙ୍କ ଆଗରେ ବାଃବାହା ନେବାକୁ କରୁଛନ୍ତି ଉଦ୍ୟମ । ଭଦ୍ରକବାସୀଙ୍କ ଉନ୍ନତିକୁ ଧୂଳିସାତ କରିବା ସହିତ ନୀତିନିୟମ ଉର୍ଦ୍ଧରେ ରହି ସରକାରୀ ଯୋଜନାକୁ କାର୍ଯ୍ୟକ୍ଷମ କରାଇ ନଦେବାକୁ ବିଭିନ୍ନ ସମୟରେ ପ୍ରୟାସ କରୁଛନ୍ତି । ଯାହାକୁ ନେଇ ବ୍ୟକ୍ତିଗତ ଭାବେ ବିଧାୟକଙ୍କ ସହ ଭଲ ସମ୍ପର୍କ ଥିବା ସମର୍ଥକ ମଧ୍ୟ ଧିରେଧିରେ ପଛକୁ ଫେରିଗଲେଣି । ଆଗାମି ନିର୍ବାଚନରେ ଦଳୀୟ ପ୍ରାର୍ଥିତ୍ୱକୁ ନେଇ ଯେତେବେଳେ ପ୍ରଶ୍ନ ଉଠୁଛି ସେଇଠୁ ଆରମ୍ଭ ହୋଇ ଯାଇଛି ବିଜେଡିର ଆଗଧାଡିର ଥିବା ନେତାଙ୍କ ଗୋଡଟଣା । ସେପଟେ ପୂର୍ବତନ ମନ୍ତ୍ରୀ ତଥା ବିଜେଡିର ବରିଷ୍ଠ ନେତାଙ୍କ ପୁଅ ଅସିତ ପଟ୍ଟନାୟକ ଭଦ୍ରକବାସୀଙ୍କୁ ନେଇ ରାଜନୈତିକ ଅଭିସନ୍ଧି ମଧ୍ୟରେ ମାଡି ଚାଲିଛନ୍ତି । ତାଙ୍କ ପଥରେ ଚେକ୍ ଦେବାଲାଗି ଲାଗି ବିଧାୟକ ଅଣ୍ଟା ଭିଡିଥିବା କୁହାଯାଉଛି । ତାଙ୍କ ଇସାରାରେ ପ୍ରଶାସନିକ କଳ ବ୍ୟବହାର କରାଯାଉଥିବା ଅଭିଯୋଗ କରି ଅସିତ ପଟ୍ଟନାୟକଙ୍କ ସମର୍ଥନମାନଙ୍କ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଜିଲ୍ଲା ପ୍ରଶାସନକୁ ଚେତାବନି ଦିଆଯାଇଛି । ସାଧାରଣ କାର୍ଯ୍ୟରେ ବିଧାୟକଙ୍କ ଇସାରାରେ ପ୍ରଶାସନିକ କଳ ପରିଚାଳିତ ହେଉଛି ଏବଂ ବଳି ପଡୁଛନ୍ତି ସାଧାରଣ ଜନତା । ବିଧାୟକଙ୍କ ଦଳୀୟ ବିବାଦ ଏବେ ଭଦ୍ରକବାସୀ ଜାଣି ସାରିଲେଣି । ଖୋଦ୍ ବିଧାୟକ ନଳାଙ୍ଗସ୍ଥିତ ଏକ ସରକାରୀ ଜମିକୁ ଜବର ଦଖଲ କରି ବ୍ୟବହାର କରୁଥିବା ସେମାନେ ଆରୋପ କରିଛନ୍ତି । ରକ୍ଷକ ହୋଇ ଭକ୍ଷକ ହେଉଥିବା ବିଧାୟକକଙ୍କ ବିରୋଧରେ ପୂର୍ବରୁ ଜିଲ୍ଲା ପ୍ରଶାସନ ନିକଟରେ ଅଭିଯୋଗ ହୋଇଥିଲେ ହେଁ ଏଯାବତ କୌଣସି ପଦକ୍ଷେପ ନିଆଯାଇ ନାହିଁ । ବିଧାୟକଙ୍କ ହସ୍ତକ୍ଷେପରେ ପୂର୍ବରୁ ମଧ୍ୟ ବିନା କାରଣରେ ମଧ୍ୟ ପୌରାଧ୍ୟକ୍ଷ ଓ ଅସିତ ପଟ୍ଟନାୟକଙ୍କ ସମର୍ଥକମାନଙ୍କ ବିରୋଧରେ ବିଭିନ୍ନ ମାଲିଲୋକଦ୍ଦମା ରୁଜୁ କରାଯାଇଛି ଯାହାକୁ ନେଇ ରାଜନୈତିକ ପାଣିପାଗ ଦିନକୁଦିନ ବିଗିଡିବାରେ ଲାଗିଛି । ଅନ୍ୟପଟେ ନିକଟରେ ଅସିତ ପଟ୍ଟନାୟକଙ୍କ ଜନ୍ମଦିନ ପାଳନ ଅବସରରେ ସମର୍ଥକମାନଙ୍କ ଦ୍ୱାରା ଆୟୋଜିତ ଭବ୍ୟ ସମ୍ବର୍ଦ୍ଧନା ଓ ଉତ୍ସବ ପାଳନକୁ ବିରୋଧ କରି ଆୟୋଜକଙ୍କ ବିରୋଧରେ ଉପଜିଲ୍ଲାପାଳଙ୍କ ଦ୍ୱାରା ଥାନାରେ ଏତଲା ଦିଆଯାଇଛି । ଯାହାକୁ ନେଇ ଉକ୍ତ ସାମ୍ବାଦିକ ସମ୍ମିଳନୀରେ ଖୋଦ୍ ବିଧାୟକଙ୍କ ବିରୋଧରେ ତୁମ୍ଭିତୋଫାନ ହୋଇଛି । ଏଭଳି କରାଗଲେ ବିଧାୟକଙ୍କୁ ସିଧାସଳଖ ବିରୋଧ କରି ଅସିତ ପଟ୍ଟନାୟକଙ୍କ ରାଜନୈତିକ କାର୍ଯ୍ୟକ୍ରମରେ ସମ୍ପୂର୍ଣ୍ଣ ସହଯୋଗ କରାଯିବ । ସରକାରୀ ଜମି ଜବର ଦଖଲ ବିରୋଧରେ ବିଧାୟକଙ୍କ ବିରୋଧରେ ଦୃଷ୍ଟାନ୍ତ ମୂଳକ ପଦକ୍ଷେପ ନିଆନଗଲେ ଆଗାମି ଦିନରେ ସମର୍ଥକମାନେ ଆନ୍ଦୋଳନକୁ ଉହ୍ଲାଇବେ ବୋଲି ଚେତାବନି ଦିଆଯାଇଛି । ଭଦ୍ରକରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଗଣତନ୍ତ୍ର, ଗଣମାଧ୍ୟମ, ଗଣସାମ୍ବାଦିକ ମାନଙ୍କର ଅଭିବ୍ୟକ୍ତିର ରାଜନେତା ମାନଙ୍କର ଗଣତାନ୍ତ୍ରିକ ସ୍ୱର ଓ ସାମ୍ବିଧାନିକ ଅଧିକାର ଉପରେ ଆକ୍ରମଣ ଏବଂ ଗିରଫଦାରି ବିରୋଧରେ ଭୁବନେଶ୍ୱରରେ ଗଣ ପ୍ରତିବାଦ।

କଟକ (ଉତ୍କଳ ନ୍ୟୁଜ ) ୭-୦୮-୨୦୨୩: ଗଣତନ୍ତ୍ର, ଗଣ ମାଧ୍ୟମ, ଗଣ ସାମ୍ବାଦିକ ମାନଙ୍କର ଅଭିବ୍ୟକ୍ତି ର ସ୍ୱାଧୀନତା ଏବଂ ବିରୋଧୀ ରାଜନେତା ମାନଙ୍କର ଗଣତାନ୍ତ୍ରିକ ସ୍ୱର ଓ ସାମ୍ବିଧାନିକ ଅଧିକାର ଉପରେ ଆକ୍ରମଣ ଏବଂ ଗିରଫଦାରି ବିରୋଧରେ ଭୁବନେଶ୍ୱରରେ ଗଣ ପ୍ରତିବାଦ। ନରେନ୍ଦ୍ର ମୋଦି ସରକାରକୁ ସିଧାସଳଖ ଟାର୍ଗେଟ କରିଛି ସିପିଆଇ। ଅକ୍ଟୋବର ୩ ତାରିଖ ରେ ଦିଲ୍ଲୀସ୍ଥିତ "ନ୍ୟୁଜ କ୍ଲିକ" ଅନ ଲାଇନ ସମ୍ବାଦ ପତ୍ରର ପ୍ରତିଷ୍ଠାତା ଏବଂ ମୁଖ୍ୟ ସମ୍ପାଦକ ପ୍ରବୀର ପୂରକାୟସ୍ଥଙ୍କ ବାସଗୃହ ଉପରେ ଇଡ଼ି ତରଫରୁ ଚଢ଼ାଉ କରିବା ସହିତ ତାଙ୍କର ଲାପଟପ, ମୋବାଇଲ ଫୋନ ଇତ୍ୟାଦି ଜବତ କରା ଯାଇଛି l ଏହା ସହିତ ବହୁ ବରିଷ୍ଠ ସାମ୍ବାଦିକ, ପ୍ରଖ୍ୟାତ ଇତିହାସବିଦ, ବ୍ୟଙ୍ଗ ଚିତ୍ରକାର ସମେତ ନ୍ୟୁଜ କ୍ଲିକ ପ୍ରତିଷ୍ଠାନର ସାମ୍ବାଦିକ ଏବଂ କର୍ମଚାରୀ ମିଶି ମୋଟ ୪୬ରୁ ଉର୍ଦ୍ଧ୍ୱ କର୍ମଚାରୀଙ୍କର ଲାପଟପ, ମୋବାଇଲ ଫୋନ ଏବଂ ନାନାଦି ଡକ୍ୟୁମେଣ୍ଟ, ଆଦି ଜବତ କରିବା ସହିତ ସେମାନଙ୍କୁ ଘଣ୍ଟା ଘଣ୍ଟା ଜେରା କରାଯାଇ ଅଟକ ରଖାଯିବା ଭଳି ଅଗଣତାନ୍ତ୍ରିକ ପଦକ୍ଷେପ ନିଆଯାଇଛି l ନ୍ୟୁଜ କ୍ଲିକ ର ମୁଖ୍ୟ ସମ୍ପାଦକ ପ୍ରବୀର ପୁରକାୟସ୍ଥ ଏବଂ ମାନବ ସମ୍ବଳ ମୁଖ୍ୟ ଅମିତ ଚକ୍ରବର୍ତ୍ତୀଙ୍କୁ ଅତି ସଙ୍ଗୀନ ଆଇନ ୟୁ ଏ ପି ଏ(ଵେଆଇନ କାର୍ଯ୍ୟ କଳାପ ପ୍ରତିରୋଧ ଆଇନ) ରେ ଗିରଫ କରାଯାଇଛି l ଦେଶର ଐତିହାସିକ ଚାଷୀ ଆନ୍ଦୋଳନ, ସାହିନବାଗର ନାଗରିକ ଅଧିକାର ଆନ୍ଦୋଳନ, ଜବହାରଲାଲ ବିଶ୍ୱ ବିଦ୍ୟାଳୟ ଛାତ୍ର ଆନ୍ଦୋଳନ, ଶ୍ରମିକ ଆନ୍ଦୋଳନ ଆଦି ଜନ ଆନ୍ଦୋଳନ ର ପ୍ରକାଶନ ଏବଂ ପ୍ରସାରଣ କରିଥିବା ସାମ୍ବାଦିକ ଏବଂ ସମ୍ବାଦପତ୍ର ମାନେ ସରକାରଙ୍କ ଆକ୍ରୋଶ ର ଶିକାର ହୋଇଛନ୍ତି l ଏହି ପ୍ରକ୍ରିୟାରେ ଅନେକ ସାମ୍ବାଦିକ ମାନଙ୍କ ବିରୋଧରେ ମଧ୍ୟ ଅଭିଯୋଗ ପତ୍ର ଏବଂ ଏଫ ଆଇ ଆର ଦରଜ ହୋଇଛି l ତଥ୍ୟ ଏବଂ ସତ୍ୟ ଉପରେ ଆଧାରିତ ଜନସାଧାରଣଙ୍କ ସ୍ୱାର୍ଥ ପାଇଁ ଅନବରତ କାମ କରି ସମ୍ବାଦ ପରିବେଷଣ କରୁଥିବା ଗଣ ସାମ୍ବାଦିକ ଏବଂ ଗଣ ସମ୍ବାଦପତ୍ର ଉପରେ ଏହିଭଳି ଆକ୍ରମଣ ଅଗଣତାନ୍ତ୍ରିକ ଏବଂ ଅସାମ୍ବିଧାନିକ ଅଟେ । ଏହା ପୂର୍ବରୁ ମୋଦି ସରକାର ବି ବି ସି, ନ୍ୟୁଜ ଲଣ୍ଡ୍ରି, ୱାୟାର, ଦୈନିକ ଭାସ୍କର, ଭାରତ ସମାଚାର ଆଦି ସମ୍ବାଦ ସରବରାହ ସଂସ୍ଥା ବିରୋଧରେ ଅନୁରୂପ କାର୍ଯ୍ୟାନୁଷ୍ଠାନ ଗ୍ରହଣ କରି ସେମାନଙ୍କ କଣ୍ଠରୋଧ କରିବାକୁ ଅପଚେଷ୍ଟା କରିଛନ୍ତି। ସେହିଭଳି ଆମ ଆଦମୀ ପାର୍ଟିର ସାଂସଦ ସଞ୍ଜୟ ସିଂହଙ୍କ ବିରୋଧରେ ପ୍ରତିଶୋଧ ପରାୟଣ ହୋଇ ଗିରଫ କରାଯାଇଛି । ଏହା ପୂର୍ବରୁ ସରକାରଙ୍କ ଜନ ବିରୋଧୀ ନିତୀକୁ ବିରୋଧ କରୁଥିବା ପ୍ରମୁଖ ବିରୋଧୀ ଦଳର ଅନେକ ନେତାଙ୍କୁ ଇ ଡ଼ି ଦ୍ୱାରା ଜେରା କରାଯାଇଛି ଏବଂ ଏବେ ମଧ୍ୟ ଅନେକ ବିରୋଧୀ ରାଜନେତା, ସାମାଜିକ କର୍ମୀ ଏବଂ ବୁଦ୍ଧିଜୀବୀ ଜେଲ ରେ ବନ୍ଦୀ ଜୀବନ ବିତାଉଛନ୍ତି। ସାମଗ୍ରିକ ଭାଵେ ଏହା ସମ୍ବିଧାନ ପ୍ରଦତ୍ତ ଗଣତାନ୍ତ୍ରିକ, ନାଗରିକ ଅଧିକାର, ଅଭିବ୍ୟକ୍ତି ର ସ୍ୱାଧୀନତା ଏବଂ ମତବ୍ୟକ୍ତ କରିବାର ଅଧିକାର ଉପରେ ନଗ୍ନ ଆକ୍ରମଣ। ଏହା ଅଘୋଷିତ ଜରୁରୀ ପରିସ୍ଥିତି ସହିତ ସମାନ। ଏହି ଆକ୍ରମଣ ଏବଂ ଗିରଫଦାରି କୁ ଇଣ୍ଡିଆ ମେଣ୍ଟଭୁକ୍ତ ଓଡିଶାର ବିରୋଧୀ ରାଜନୈତିକ ଦଳ ମାନେ ତୀବ୍ର ପ୍ରତିବାଦ କରି ଆଜି ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକ ଠାରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଏହି ପ୍ରତିବାଦ ଆନ୍ଦୋଳନରେ ସି ପି ଆଇ ରାଜ୍ୟ ସମ୍ପାଦକ ଅଭୟ ସାହୁ, ଜାତୀୟ ସମ୍ପାଦକ ରାମକୃଷ୍ଣ ପଣ୍ଡା, ରାଜ୍ୟ ସମ୍ପାଦକମଣ୍ଡଳୀ ସଦସ୍ୟ ଆଶୀଷ କାନୁନଗୋ, ସି ପି ଆଇ(ଏମ) ରାଜ୍ୟ ସମ୍ପାଦକ ଅଳି କିଶୋର ପଟ୍ଟନାୟକ, ରାଜ୍ୟ ସମ୍ପାଦକ ମଣ୍ଡଳୀ ସଦସ୍ୟ ସୁରେଶ ପାଣିଗ୍ରାହୀ, ଆଞ୍ଚଳିକ କମିଟି ସମ୍ପାଦକ ପ୍ରଦୀପ୍ତ ନାୟକ, ସି ପି ଆଇ-ଏମ ଏଲ(ଲିବେରେସନ) ରାଜ୍ୟ ନେତା ମହେନ୍ଦ୍ର ପରିଡା, ବଂଶୀଧର ପରିଡା, ସର୍ବେଶ୍ୱର ଭାରତୀ, ଅଲ ଇଣ୍ଡିଆ ଫରୱାର୍ଡ଼ ବ୍ଲକ ରାଜ୍ୟ ସାଧାରଣ ସମ୍ପାଦକ ଜ୍ୟୋତି ରଞ୍ଜନ ମହାପାତ୍ର, ରାଜ୍ୟ ନେତା ଲକ୍ଷ୍ମୀ ଦୋରା, ଲକ୍ଷ୍ମୀ ବାରିକ, ସମାଜବାଦୀ ପାର୍ଟି ରାଜ୍ୟ ସଭାପତି ରବି ବେହେରା,ସାଧାରଣ ସମ୍ପାଦକ ସଞ୍ଜୟ ନାୟକ,ବିଜୟ ବେହେରା। ଆମ ଆଦମୀ ପାର୍ଟି ରାଜ୍ୟ ଆବାହକ ନିଶିକାନ୍ତ ମହାପାତ୍ର, ରାଜ୍ୟ ମୁଖପାତ୍ର ସୌମ୍ୟ ରଞ୍ଜନ ସ୍ୱାଇଁ, ସଂଜୀବ ମହାନ୍ତି, ସମତା କ୍ରାନ୍ତି ଦଳରାଜ୍ୟ ସାଧାରଣ ସମ୍ପାଦକ ପ୍ରଭାସ ସାମନ୍ତରାୟ,ରାଜ୍ୟ ନେତା ତୁଷାରକାନ୍ତି ପଣ୍ଡା, ହରିହର ସ୍ୱାଇଁ,ସି ପି ଆଇ-ଏମ ଏଲ(ରେଡ ଷ୍ଟାର) ରାଜ୍ୟ ନେତା ଗୋପୀନାଥ ବାରିକ, ଯୋଗିନ୍ଦ୍ର ବେହେରା, ଛାତ୍ର ନେତା ବିକାଶ ନାଥ, ସଂଘମିତ୍ରା ଜେନା ପ୍ରମୁଖ ବହୁ ରାଜ୍ୟ ନେତୃବୃନ୍ଦ ଏହି ପ୍ରତିବାଦ ଆନ୍ଦୋଳନରେ ନେତୃତ୍ୱ ନେଇଥିଲେ। ଦେଶର ଏହି ସଂକଟ ସମୟରେ ଗଣତନ୍ତ୍ର, ଗଣତାନ୍ତ୍ରିକ ଅଧିକାର ଏବଂ ସମ୍ବାଦପତ୍ର ର ସ୍ୱାଧୀନତା କୁ ରକ୍ଷା କରିବା ପାଇଁ ଓଡିଶାବାସୀ ଆଗେଇ ଆସିବା ନିମନ୍ତେ ମିଳିତ ବିରୋଧୀ ରାଜନୈତିକ ଦଳ ମାନଙ୍କର ରାଜ୍ୟ ନେତୃବୃନ୍ଦ ଆହ୍ୱାନ କରିଛନ୍ତି l ବ୍ୟିରୋ ରିପୋର୍ଟ ।
Read More ...

କଟକ ରେ ରିଜର୍ଭ ବ୍ୟାଙ୍କ ଲୋକପାଳ ଙ୍କ କାର୍ଯ୍ୟାଳୟ ଆନୁକୂଲ୍ୟରେ ଗ୍ରାହକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ |

କଟକ ( ଉତ୍କଳ ନ୍ୟୁଜ ) ୨୧-୦୭-୨୦୨୩ : ଭାରତୀୟ ରିଜର୍ଭ ବ୍ୟାଙ୍କ ଲୋକପାଳ ଙ୍କ କାର୍ଯ୍ୟାଳୟ ପକ୍ଷ ରୁ କଟକ ସାରଳାଭବନ ଠାରେ ବ୍ୟାଙ୍କ ଗ୍ରାହକ ମାନଙ୍କ ସଚେତନତ ନିମନ୍ତେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା | ଉକ୍ତ କାର୍ଯ୍ୟକ୍ରମ ରେ ରିଜର୍ଭ ବ୍ୟାଙ୍କ ର ଲୋକପାଳ ( Ombudsman ) ଶ୍ରୀମତୀ ଏନ ମୋହନା ଅଧ୍ୟକ୍ଷତା କରିଥିଲେ | ନିଜ ଅଭିଭାଷଣ ରେ "ରିଜର୍ଭ ବ୍ୟଙ୍କ ସମନ୍ବିତ ଲୋକପାଳ ଯୋଜନା " ୨୦୨୧ ଉପରେ ଆଲୋଚନା କରି ଶ୍ରୀମତୀ ମୋହନା ସ୍ପଷ୍ଟ କରିଛନ୍ତି ଯାହାକି ଗ୍ରାହକ ଙ୍କ ଅଭିଯୋଗ ର ଶୀଘ୍ର ସମାଧାନ ପାଇଁ ଅଭିପ୍ରେତ ତାହା ଆରବିଆଇ ଦ୍ୱାରା ସ୍ଥାପିତ ଏକ ବିକଳ୍ପ ଅଭିଯୋଗ ସମାଧାନ ପ୍ରଣାଳୀ | ସେ କହିଲେ ଯେ ବ୍ୟାଙ୍କ NBFC ଓ ପେମେଣ୍ଟ ସିଷ୍ଟମ ଅଂଶଗ୍ରହଣ କାରୀ ପରି ରିଜର୍ଭ ବ୍ୟାଙ୍କ ଦ୍ୱାରା ନିୟନ୍ତ୍ରିତ ସଂସ୍ଥାମାନଙ୍କ ର ଗ୍ରାହକ ଙ୍କ ପ୍ରଦତ୍ତ ସେବା ରେ ଅଭାବ ଜନିତ ଯଦି କୌଣସି ଅଭିଯୋଗ ଥାଏ , ତେବେ ଗ୍ରାହକ ପ୍ରଥମେ ସମ୍ପୃକ୍ତ ସଂସ୍ଥା ନିକଟରେ ଅଭିଯୋଗ କରିବେ | ଯଦି ୩୦ ଦିନ ମଧ୍ୟ ରେ ଉକ୍ତ ସଂସ୍ଥା ଗ୍ରାହକ ଙ୍କୁ ସମସ୍ୟା ର ସମାଧାନ ନ କରେ କିମ୍ବା ଉକ୍ତ ସଂସ୍ଥା ଦ୍ୱାରା ପ୍ରଦତ୍ତ ସମାଧାନ ରେ ଗ୍ରାହକ ସନ୍ତୁଷ୍ଟ ନ ଥାନ୍ତି , କିମ୍ବା ୩୦ ଦିନ ମଧ୍ୟ ରେ ଉକ୍ତ ସଂସ୍ଥା ଗ୍ରାହକ ଙ୍କୁ କୌଣସି ଉତ୍ତର ନ ଦିଅନ୍ତି , ତେବେ ଅସନ୍ତୁଷ୍ଟ ଗ୍ରାହକ ଆରବିଆଇ ଲୋକପାଳ ଙ୍କ ନିକଟରେ ଅଭିଯୋଗ କରିପାରିବେ | ଅଭିଯୋଗ ଦାଖଲ କରିବା ନିମନ୍ତେ ଏହି https://cms.rbi.org.in ପୋର୍ଟାଲ ମାଧ୍ୟମ ରେ ଅନଲାଇନ ଫାଇଲ କରିବାକୁ ପଡିଥାଏ | ଅଭିଯୋଗକାରୀ ତୁରନ୍ତ ଅଭିଯୋଗ ନମ୍ବର ସହିତ ଏକ ସ୍ୱକୃତି ପତ୍ର ପାଇଥାନ୍ତି , ଯାହା ସେ ତାଙ୍କ ଅଭିଯୋଗ ର ଅଗ୍ରଗତି ଜାଣିବା ପାଇଁ ବ୍ୟବହାର କରିପାରିବେ | ଅଭିଯୋଗ ଦାଖଲ କରିବା ସମୟ ରେ ଅଭିଯୋଗକାରୀ ତାଙ୍କ ମୋବାଇଲ ନମ୍ବର ଏବଂ ଇମେଲ ଆଇଡି ଦେବା ଜରୁରୀ ଯାହାଦ୍ୱାରା ଆର.ବି.ଆଇ ଲୋକପାମ ଅଫିସ ତାଙ୍କ ସାହିଯାତ ସହଜ ରେ ଯୋଗାଯାଗ କରିପାରିବେ | ବ୍ୟାଙ୍କ ଗ୍ରାହକ ମାନେ ସମ୍ମୁଖୀନ ହେଉଥିବା ବିଭିନ୍ନ ସାଇବର ଜାଲିଆତି ବିଷୟ ରେ ଆଲୋଚନା କାରୀ ଶ୍ରୀମତୀ ମୋହନା କହିଲେ ଯେ , ସାଇବର ଠକମାନେ ଏବେ ଏଟିଏମ କାର୍ଡ କ୍ଲୋନିଂ ନ କରି ମୋବାଇଲ ବ୍ୟାଙ୍କିଙ୍ଗ ଏବଂ ଇଣ୍ଟରନେଟ ବ୍ୟାଙ୍କିଙ୍ଗ ମାଧ୍ୟମ ରେ ଗ୍ରାହକ ଙ୍କୁ ଠକିବ କାମ ଆରମ୍ଭ କରିଛନ୍ତି | ସାଇବର ଠକମାନେ ବିଭିନ୍ନ କଳକୌଶଳ ବ୍ୟବହାର କରି , ସରଳ ଗ୍ରାହକ ଙ୍କ ଠାରୁ ବ୍ୟାଙ୍କ ଖାତା ସମ୍ବନ୍ଧୀୟ ଗୋପନୀୟ ତଥ୍ୟ ସଂଗ୍ରହ କରିବା ସହ ସେମାନଙ୍କ ଆକାଉଣ୍ଟ ରୁ ଜାଲିଆତି କରି ଟଙ୍କା ହଡପ କରୁଥିବା ଦେଖାଯାଉଛି | ସେ ଡିଜିଟାଲ ବ୍ୟାଙ୍କିଙ୍ଗ ସମ୍ବନ୍ଧୀୟ ଅନେକ ଉପାଦେୟ ଟାଟାହ୍ୟା ଉପସ୍ଥାପନା କରିବା ସହ ଉପସ୍ଥିତ ସ୍ରୋତ ମାନଙ୍କୁ ସର୍ଚ୍ଚଇଂଜିନ ବ୍ୟବହାର କରି ଇଣ୍ଟରନେଟ ରୁ କଷ୍ଟମର -କେୟାର ଫୋନ ନମ୍ବର ନଖୋଜି ଡେବିଟ କାର୍ଡ / କ୍ରେଡିଟ କାର୍ଡ ରେ ଦିଆଯିଆଥିବା ଫୋନ ନମ୍ବର କିମ୍ବା ବ୍ୟାଙ୍କ / ଅନୁଷ୍ଠାନ ର ୱେବସାଇଟ ,. ଯାହାର URL ରେ https ଅଛି , ବ୍ୟବହାର କରିବାକୁ ପରାମର୍ଶ ଦେଇଥିଲେ |
ବୈଠକ ରେ ଆରବିଆଇ ଅଧିକାରୀ ମାନେ RB -IOS , ୨୦୨୧ ଆଵାନାଂ ଡିଜିଟାଲ ଠକେଇ ଉପରେ ଏକ ବିସ୍ତୃତ ଉପସ୍ଥାପନା କରିବା ସହ ଶ୍ରୋତା ମାନଙ୍କ ପ୍ରସନ୍ନ ର ଉତ୍ତର ଦେଇଥିଲେ | ଶ୍ରୀ ଗୌତମ ପତ୍ର , ସାଧାରଣ ପରିଚାଳକ ୟୁକୋ ବ୍ୟାଙ୍କ , ଶ୍ରୀ ସୁଭାଷ ଚନ୍ଦ୍ର ବେହେରା , ଆଞ୍ଚଳିକ ପରିଚାଳକ ଏସବିଆଇ , ତଥା ଅନ୍ୟାନ୍ୟ ବ୍ୟାଙ୍କ ଅଧିକାରୀ ମଧ୍ୟ ଉପସ୍ଥିତ ରହି ଆଲୋଚନା ରେ ଭାଗ ନେଇଥିଲେ | ଏହି କାର୍ଯ୍ୟକ୍ରମ ରେ ବିଭିନ୍ନ ବ୍ୟାଙ୍କ ର ପ୍ରାୟ ପ୍ରାୟ ୩୦୦ ଗ୍ରାହକ ଭାଗ ନେଇଥିଲେ | ଖୋଲାମଞ୍ଚ ଅଧିବେଶନ ରେ ଆରବିଆଇ ଅଧିକାରୀ / ଲୋକପାଳ ଶ୍ରୋତା ମାନଙ୍କ ବିଭିନ୍ନ ପ୍ରଶ୍ନ ର ଉତ୍ତର ଦେଇଥିଲେ | ଶ୍ରୀ ରାଜେଶ ବେହେରା , ଜିଲ୍ଲା ଲିଡ଼ବ୍ୟାଙ୍କ ପରିଚାଳଙ୍କ ସକ୍ରିୟ ସହଯୋଗ ଦ୍ୱାରା ଆରବିଆଇ ଲୋକପାଳ ଙ୍କ ଦ୍ୱାରା ଆୟୋଜିତ ସଚେତନତା କାର୍ଯ୍ୟକ୍ରମ କଟକ ରେ ସୁଚାରୁରୂପେ ସମ୍ପାଦିତ ହୋଇଥିଲା |

Read More ...

କାଉଡିଆଙ୍କ ଜଳାଭିଷେକ, ହରହର ମହାଦେବ ଧ୍ୱନୀରେ ପ୍ରକମ୍ପିତ ଗାଁରୁ ସହର |

କଟକ (ଉତ୍କଳ ନ୍ୟୁଜ ) ୧୭-୦୭-୨୦୨୩ : କାଉଡିଆଙ୍କ ଜଳାଭିଷେକ, ହରହର ମହାଦେବ ଧ୍ୱନୀରେ ପ୍ରକମ୍ପିତ ଗାଁରୁ ସହର । ଆଜିଥିଲା ଶ୍ରାବର ମାସର ପ୍ରଥମ ସୋମବାର । ଗତକାଲି ଠାରୁ ବୋଲବମ୍ ଭକ୍ତଙ୍କ କାଉଡିଆ ବେଶ ପୂରପଲ୍ଲୀରେ ଛାଇ ହୋଇ ଯାଇଥିଲା । ସକାଳୁ ଜଳଲାଗି କରିବା ପରେ ଘରକୁ ଫେରିଛନ୍ତି । ଏଠି ସେଠି ସବୁଠି ହରହର ମହାଦେବର ଧ୍ୱନୀ । ଭଦ୍ରକ ଜିଲ୍ଲା ତଥା ଓଡିଶାର ପ୍ରସିଦ୍ଧ ଶୈବପୀଠ ଆରଡିସ୍ଥିତ ବାବା ଆଖଣ୍ଡଳମଣୀଙ୍କ ପୀଠରେ ସର୍ବାଧିକ କାଉଡିଆଙ୍କ ସମାଗମ ହୋଇଥିଲା । ଆଖଣ୍ଡଳମଣୀଙ୍କ ପୀଠରେ ଶହସ୍ରାଧିକ ଭକ୍ତଙ୍କ ଭିଡ ଜମିଥିଲା । ନଦୀ ଠାରୁ ଆରମ୍ଭ କରି ବିଭିନ୍ନ ସ୍ଥାନରେ ପ୍ରଶାସନ ଓ ମନ୍ଦିର ପରିଚାଳନା କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଆରଡି ଧାମ୍ ବ୍ୟତିତ ଜିଲ୍ଲାର ବିଭିନ୍ନ ଶୈବପୀଠରେ କାଉଡିଆମାନଙ୍କ ଭିଡ ଜମିଥିଲା । ଏହି କାଉଡିଆମାନେ ଶ୍ରାବଣ ମାସ ସାରା ନିରାମିଶ ଭୋଜନ ଠାରୁ ଦୂରେଇ ରହିବା ସହିତ ପ୍ରତି ସୋମବାର ମହାଦେବ ଶିବଙ୍କୁ ଜଳାଭିଷେକ କଲେ ମହାପୁଣ୍ୟ ମିଳେ ବୋଲି କେଉଁ କାଳରୁ ଏଭଳି ପ୍ରଥା ଓ ବିଶ୍ୱାସ ରହିଆସିଛି । ତାହା ପୁଣି ନଦୀରୁ ପାଣି ଭାରନେଇ ପଦଯାତ୍ରା କଲେ ବହୁ ଗୁଣରେ ବୃଦ୍ଧି ପାଇଥାଏ । ଏହି ପ୍ରଥାକୁ ଏକ ପ୍ରକାର ବିଶ୍ୱାସକୁ ନେଇ ବୋଲବମ୍ ଭକ୍ତଙ୍କର ମହାଦେବ ମନ୍ଦିରକୁ ଯାତ୍ରାରେ ଅଂଶ ଗ୍ରହଣ କରିବା ପାଇଁ ସଂପ୍ରତି ଅଧିକରୁ ଅଧିକ ଭକ୍ତଙ୍କ ସମାଗମ ପରିଲକ୍ଷିତ ହେଉଛି । ବୋଲବମ୍ ଭକ୍ତମାନେ ନଦୀରୁ ଜଳନେଇ ଶିବ ମନ୍ଦିରକୁ ନିରାଡମ୍ବର ଭାବେ ଯାତ୍ରା କରିଥାନ୍ତି । ତିହିଡି ବ୍ଲକର ପୂରାତନ ଶୈବ ପୀଠ ନୂଆଶାସନ ଗାଁର କୁମାରେଶ୍ୱର ମହାଦେବ, ଶଙ୍ôଖଡାର ଶଙ୍ଖଡେଶ୍ୱର ମହାଦେବ, ଲିଙ୍ଗାଡି ଗାଁର ଲିଙ୍ଗେଶ୍ୱର ମହାଦେବ, ମହାଦେବଡିହର ପିମ୍ପଳେଶ୍ୱର, ସୟା ପଞ୍ଚାୟତର ବାଂଶବାଗ ଗାଁର ବୁଢା ମହାଦେବ ବା ମୁକ୍ତେଶ୍ୱର ମହାଦେବ, ସିନ୍ଦୋଳ ପଞ୍ଚାୟତ ଅଧିନ କମାରିଆରେ ଶିବ ମନ୍ଦିର, ଷାଟିବାଟିରେ ଗଙ୍ଗେଶ୍ୱର ମହାଦେବ, ମହାଦେବସାହିର ମହେଶ୍ୱର, ମହରମପୁରରେ ମହାଲିଙ୍ଗେଶ୍ୱର, ତିହିଡିରେ ସ୍ୱପ୍ନେଶ୍ୱର ଓ ବଟେଶ୍ୱର, ହରିପୁରରେ ଷେଣ୍ଡେଶ୍ୱର, ବଡଗାଲୋରେ ବକ୍ରେଶ୍ୱର, ଗଳଗଣ୍ଡପୁରରେ ଗଜନ୍ଦ୍ରେଶ୍ୱର, ଝିଙ୍କିରିଆରେ ଅମରେଶ୍ୱର, କାଳିମେଘାରେ ନିଳକଣ୍ଠେଶ୍ୱର, ଅଲ୍ଲୀନଗରରେ ମହାଦେବ ଓ ଆରୁହାସ୍ଥିତ ମୁକ୍ତେଶ୍ୱର ଆଦି ସମସ୍ତ ପୀଠ ଚଳଚଞ୍ଚଳ ହୋଇଛି । କାଉଡିଆମାନେ ଭକ୍ତପୂତ ସମର୍ପଣ କରିବା ସହିତ ପାଣି ଢାଳି ବ୍ରତ ପାଳନ କରିଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ  ।
Read More ...

ALL NEWS