ପ୍ରଶ୍ନପତ୍ର ଭଳି ବିବାହ କାର୍ଡ ବନେଇ ଚର୍ଚ୍ଚା ରେ ନାଵ ଦମ୍ପତ୍ତି |
କଟକ (ଉତ୍କଳ ନ୍ୟୁଜ ) ୨୬-୮-୨୦୨୪ : ପ୍ରଶ୍ନପତ୍ର ଭଳି ବିବାହ କାର୍ଡ ବନେଇ ଚର୍ଚ୍ଚା ରେ ନାଵ ଦମ୍ପତ୍ତି | ଲୋକମାନେ ବିବାହ କାର୍ଡରେ ବିଭିନ୍ନ ପ୍ରକାରର ପରୀକ୍ଷଣ କରୁଛନ୍ତି । କିଛି ସମୟ ପୂର୍ବରୁ, ଜଣେ କପଲ ଏକ ପାସପୋର୍ଟ ଲୁକ୍ ବିବାହ କାର୍ଡ ତିଆରି କରିଥିଲେ। ଯାହା ସୋସିଆଲ ମିଡିଆରେ ବହୁ ଧ୍ୟାନ ଆକର୍ଷଣ କରିଥିଲା । ବର୍ତ୍ତମାନ ଆଉ ଏକ କପଲ ଦମ୍ପତି ଗୋଟିଏ ପାଦ ଆଗକୁ ଯାଇ ଏକ ନିଆରା ବିବାହ ନିମନ୍ତ୍ରଣ କାର୍ଡ ବନାଇଛନ୍ତି। ଆନ୍ଧ୍ରପ୍ରଦେଶର ଏହି କପଲ ନିଜ ବିବାହ କାର୍ଡରେ ଲୋକଙ୍କୁ ଆଶ୍ଚର୍ଯ୍ୟ କରିଛନ୍ତି। ପାରମ୍ପାରିକ କାର୍ଡ ବଦଳରେ ସେମାନେ ଏହାକୁ ଏକ ପରୀକ୍ଷା ପ୍ରଶ୍ନ ପେପର ଆକାରରେ ଡିଜାଇନ୍ କରିଛନ୍ତି । ବାହାଘର କାର୍ଡକୁ ନେଇ ଚର୍ଚ୍ଚାରେ ତେଲେଙ୍ଗାନା ପଶ୍ଚିମ ଗୋଦାବରୀ ଜିଲ୍ଲାର ଜଣେ ଶିକ୍ଷୟିତ୍ରୀ । ଏକ ଘରୋଇ ଇଂଜିନିୟରିଂ କଲେଜର ଆସିଷ୍ଟାଣ୍ଟ ପ୍ରଫେସର ଅଛନ୍ତି ପ୍ରତ୍ୟୁଷା ନାରକେଡାମିଲି । ସେ ବିଶାଖାପାଟଣାର ଫନିନ୍ଦ୍ରଙ୍କୁ ବିବାହ କରିବେ । ବିବାହ ପୂର୍ବରୁ ଦୁହେଁ ଦୁହିଁଙ୍କୁ ସେଠାରେ ଭେଟିଥିଲେ । ତେବେ ବାବାହ କାର୍ଡ ପୁରାପୁରି ଭାବେ ପ୍ରଶ୍ନପ୍ରତି ଭଳି ଦେଖିବାକୁ । ଏଥିରେ ସିଙ୍ଗଲ୍ ଆନସର କୋଶ୍ଚିନ, ମଲ୍ଟିପଲ ଚଏସ ପ୍ରଶ୍ନ, ଭଳି ଅଜବ ଗଜବ ଲେଖା ହୋଇଛି। କାର୍ଡ ଡ୍ରେସ, ଡିନର ଠାରୁ ଆରମ୍ଭ କରି ସମସ୍ତ ଜିନିଷ ସ୍ବତନ୍ତ୍ର ଥିଲା । ବର୍ତ୍ତମାନ ସୋସିଆଲ ମିଡିଆରେ ପ୍ରବଳ ଭାଇରାଲ ହେବାରେ ଲାଗିଛି । ଏହି କାର୍ଡରେ ୮ଟି ପ୍ରଶ୍ନ କରାଯାଇଛି । ପ୍ରଥମ ପ୍ରଶ୍ନରେ ବରର ଫଟୋ ଆଗରେ ଲେଖିଛନ୍ତି । ଏହା ପରେ କନିଆଙ୍କ ନାମ, ବିବାହ ଦିନ, ସମୟ, ସ୍ଥାନ, ଡିନର ନେଇ ପ୍ରଶ୍ନ ରହିଛି । ଏବେ ଏହି କାର୍ଡ ପାଇଁ ବର୍ତ୍ତମାନ ଶିକ୍ଷୟିତ୍ରୀଙ୍କୁ ପ୍ରଶଂସା କରାଯାଉଛି ।