ଶ୍ରାବଣ ମାସର ପ୍ରଥମ ସୋମବାରରେ ବାବା ଆଖଣ୍ଡଳମଣିଙ୍କୁ ଜଳଲାଗି କରୁଛନ୍ତି ଶହସ୍ରାଧିକ କାଉଡ଼ିଆ।
କଟକ ( ଉତ୍କଳ ନ୍ୟୁଜ ). ୨୦-୦୭-୨୦୨୬ : ଭଦ୍ରକ ଜିଲ୍ଲା ବାବା ଆଖଣ୍ଡଳମଣି ପୀଠ ଆରଡି ଧାମରେ ଆରମ୍ଭ ହୋଇଛି ଶ୍ରାଵଣୀଯାତ୍ରା। ଆଜି ପ୍ରଥମ ସୋମବାରରେ ଵାଵାଙ୍କୁ ଜଳାଭିଷେକ କରିବା ପାଇଁ ଶହସ୍ରାଧିକ କାଉଡ଼ିଆ ଭକ୍ତଙ୍କର ସମାଗମ ହୋଇଛି ପୀଠରେ । ପୀଠରେ ପ୍ରଚଳିତ ବିରଜା ପଞ୍ଜିକା ଅନୁଯାୟୀ ପ୍ରଥମ ସୋମବାରରେ ଜଳାଭିଷେକ କରିବା ପାଇଁ ରବିବାର ମଧ୍ୟରାତ୍ରରୁ କାଉଡ଼ିଆ ଭକ୍ତମାନେ ଧାଡ଼ିରେ ଯାଇ ଜଳଲାଗି କରୁଛନ୍ତି ।କାଉଡ଼ିଆ ଭକ୍ତଙ୍କ ଆଗମନକୁ ନେଇ ପୀଠରେ କଡ଼ା ସୁରକ୍ଷା ବ୍ୟବସ୍ଥା ସହ ସ୍ଥଳପଥ ଓ ଜଳପଥରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରା ଯାଇଛି।
ଏଥିସହ ଭରା ନଦୀରେ ଯାତ୍ରୀ ପରିବହନ ହେଉଥିବାରୁ ତାଙ୍କର ସୁରକ୍ଷା ନିମନ୍ତେ ବୈତରଣୀ ଓ ସାଳନ୍ଦୀ ନଦୀରେ ଓଡ୍ରାଫ ଓ ଅଗ୍ନିଶମ ବାହିନୀ ପଇଁତରା ମାରୁଛନ୍ତି। ପୀଠକୁ ଆସିବା ବାଟରେ ଧାନକଣିଆ, ତିନିଥର ଓ ମୁଆଁ ଭଳି ୩ଟି ନଦୀ ଘାଟର ଉଭୟ ପାର୍ଶ୍ଵରେ ପୁଲିସ ମୃତୟନ ରହିବା ସହିତ ରାତିରେ ଉଜ୍ବଳ ଆଲୋକ ବ୍ୟବସ୍ଥା କରା ଯାଇଛି। ବିଶେଷକରି କାଉଡିଆଙ୍କ ଭିଡକୁ ଦୃଷ୍ଟିରେ ରଖି ସଂଧ୍ୟା ୭ଟାରୁ ନଦୀ ଘାଟରେ ଯାତ୍ରୀ ପରିବହନ ରହିଥିଲା।
ସେହିପରି ନଦୀ ଦ୍ଵୟରେ ହିଂସ୍ର କୁମ୍ଭୀର ଯାତାୟତ କରୁଥିବାରୁ ନଦୀରେ ଗାଧୋଇଵା ଓ ପାଣି ଭାର ଉଠାଇବା ଉପରେ କଟକଣା ଜାରି କରା ଯାଇଛି। ଅନ୍ୟପଟେ ବାବାଙ୍କ ପାଖରେ ଶୃଙ୍ଖଳିତ ଜଳଲାଗି ପାଇଁ ସ୍ବତନ୍ତ୍ର ବ୍ୟାରିକେଡ଼ ବ୍ୟବସ୍ଥା ସହିତ ମନ୍ଦିର ଭିତରେ ଓ ବାହାରେ ଉଜ୍ଵଳ ଆଲୋକ ବ୍ୟବସ୍ଥା କରା ଯାଇଛି। ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ. |