୪୮ଲିଟର ବିଦେଶୀ ମଦ ଜବତ କଲା ଖୁଣ୍ଟୁଣୀ ପୋଲିସ |
କଟକ (ଉତ୍କଳ ନ୍ୟୁଜ ) ୨-୯-୨୦୨୪ : ଏକ ବିଶ୍ଵସ୍ତ ସୂତ୍ରରୁ ଖବର ପାଇ ଖୁଣ୍ଟୁଣି ଥାନା ଆଇଆଇସି ରବିନାରାୟଣ ବେହେରା ଓ ଉପନିରୀକ୍ଷକ ବିକାଶଚନ୍ଦ୍ର ସେଠୀ ସଦଳବଳେ ଗତକାଲି ରାତିରେ ପଥରକଟା ଗ୍ରାମରେ ଭଗବାନ ଶତପଥୀ ଙ୍କ ଘରେ ଚଢ଼ାଉ କରିଥିଲେ।ସେଠାରୁ ୪୮ଲିଟର ବିଦେଶୀ ମଦ ଜବତ କରିଥିଲେ।ଦୀର୍ଘ ଦିନ ଧରି ଏଠାରେ ବିନା ଲାଇସେନ୍ସ ରେ ବିଦେଶୀ ମଦ ବିକ୍ରି କରାଯାଇଥିଲା। ବିନା ଲାଇସେନ୍ସ ରେ ମଦ ବିକ୍ରି ଅଭିଯୋଗରେ ଭଗବାନ କୁ ଗିରଫ କରି କୋର୍ଟ ଚାଲାଣ କରାଯାଇଛି। ତେବେ ନୂତନ ଥାନା ଅଧିକାରୀ ଭାବେ ଏଠାରେ ଯୋଗ ଦେବାପରେ ଶ୍ରୀ ବେହେରା ଏବେ ଆକ୍ସନ ମୁଡ ରେ ଚୋରା ବେପାରୀ ମାନଙ୍କ ଆଡ୍ଡା ଉପରେ ଚଢ଼ଉ ଆରମ୍ଭ କରିଛନ୍ତି। ଏ ଅଞ୍ଚଳ ବିଭିନ୍ନ ଦ୍ରବ୍ୟର ଚୋରା ବ୍ୟବସାୟ ପାଇଁ କୁଖ୍ୟାତ।କୋଇଲା, ମଦ,କାଠ ଓ ଅପମିଶ୍ରିତ ପେଟ୍ରୋଲିୟମ ପଦାର୍ଥ ର ଚୋରା ଚାଲାଣର ଏ ଅଞ୍ଚଳ ହେଉଛି ପେଣ୍ଠ ସ୍ଥଳ।ନୂଆ ଆଇଆଇସି ଙ୍କ ଏଭଳି ଚଢାଉରେ ଚୋରା ବେପାରୀ ମାନେ ଭୟଭିତ ହେବା ସହ ସାଧାରଣରେ ତାଙ୍କୁ ପ୍ରଶଂସା କରାଯାଉଛି। ଆଠଗଡ଼ ରୁ ସୌମ୍ୟରଂଜନ ବାରିକ ଙ୍କ ରିପୋର୍ଟ ଉତ୍କଳ ନ୍ୟୁଜ |