ପ୍ରତିଷ୍ଠିତ ବ୍ୟବସାୟୀ ହରେକୃଷ୍ଣ ସାହୁଙ୍କ ଦେହାନ୍ତ |
କଟକ (ଉତ୍କଳ ନ୍ୟୁଜ ) ୨-୯-୨୦୨୪ : ଆଠଗଡ ସହର ର ଜଣାଶୁଣା ବ୍ୟବସାୟୀ ହରେକୃଷ୍ଣ ସାହୁ( ଉଦ) ଙ୍କ ଗତ ଶୁକ୍ରବାର ରାତିରେ ପରଲୋକ ଘଟିଛି।ଶନିବାର ସକାଳେ ତାଙ୍କ ମୃତ୍ୟୁ ଖବର ପ୍ରଚାର ହେବା ପରେ ତାଙ୍କ ଶେଷ ଦର୍ଶନ ପାଇଁ ବିଭିନ୍ନ ସ୍ଥାନରୁ ବହୁ ମାନ୍ୟଗଣ୍ୟ ବ୍ୟକ୍ତି,ବନ୍ଧୁ ଓ ପଡ଼ୋଶୀ ମାନେ ତାଙ୍କ ବାସଭବନ କୁ ଆସି ଶେଷ ଦର୍ଶନ କରିଥିଲେ। ଆଠଗଡ ଦୁର୍ଗା ବଜାର ର ସେ ପୂର୍ବତନ କର୍ମକର୍ତ୍ତା ଥିବାରୁ ସହର ମଧ୍ୟରେ ଶବ ଶୋଭାଯାତ୍ରା ଯିବା ସମୟରେ ବିଭିନ୍ନ ବଜାର କମିଟି ପକ୍ଷରୁ ତାଙ୍କୁ ପୁଷ୍ପମାଲ୍ୟ ଦେଇ ଶେଷ ସମ୍ମାନ ଦିଆଯାଇଥିଲା।ସେ ଦୀର୍ଘ ଦିନ ଧରି ବାର୍ଦ୍ଧକ୍ୟ ରୋଗରେ ପୀଡିତ ଥିଲେ।ମୃତ୍ୟୁ ବେଳକୁ ତାଙ୍କୁ ୯୫ ବର୍ଷ ବୟସ ହୋଇଥିଲା।ସେ ଗଦାସାହି ର ମୂଳ ବାସିନ୍ଦା ଥିଲେ ମଧ୍ୟ ବୀରକିଶୋର ପୁର ଠାରେ ନିଜ ଘରେ ଜୀବନ ଅତିବାହିତ କରୁଥିଲେ। ଗଦାସାହି ଶ୍ମଶାନ ରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଥିଲା। ଆଠଗଡ ବିଜ୍ଞାପିତ ଅଞ୍ଚଳ ପରିଷଦର ପୂର୍ବତନ ଅଧ୍ୟକ୍ଷ ତଥା ଜ୍ୟେଷ୍ଠ ପୁତ୍ର ପର୍ଶୁରାମ ସାହୁ ମୁଖାଗ୍ନି ପ୍ରଦାନ କରିଥିଲେ। ଆଠଗଡ ରୁ ସୌମ୍ୟରଂଜନ ବାରିକ ଙ୍କ ରିପୋର୍ଟ ଉତ୍କଳ ନ୍ୟୁଜ |