ଆଦର୍ଶ ବିଦ୍ୟାଳୟର ଛାତ୍ରଛାତ୍ରୀ ଦୁର୍ଘଟଣାଗ୍ରସ୍ତ।
କଟକ (ଉତ୍କଳ ନ୍ୟୁଜ ) ୩-୦୮-୨୦୨୪ ; ବିଦ୍ୟାଳୟର ସ୍କୁଲ ପିଲାଙ୍କୁ ନେଇ ଆସୁଥିବା ଅଟୋ ରାସ୍ତା କଡରେ ଛିଡା ହୋଇଥିବା ଏକ ଟାଟା ମେଜିକ ଗାଡି ସହ ଧକ୍କା ୨ ଜଣ ଗୁରୁତର ହୋଇଥିବା ବେଳେ ୫ ଜଣ ଆହତ ହୋଇଥିବା ସୃଚନା ମିଳିଛି। ଏଭଳି ଘଟଣା ଘଟିଛି ଭଦ୍ରକ ଜିଲ୍ଲାର ତିହିଡି ଥାନା ଅଧିନସ୍ଥ ଆରୁହା ଛକ ନିକଟ ମରେ। ଆଜି ସନ୍ଥପୁରାସ୍ଥିତ ଆଦର୍ଶ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ଗୋଟିଏ ଅଟୋ ଭଦ୍ରକ ଚାନ୍ଦବାଲି ରାଜ୍ୟ ରାଜପଥରେ ତିହିଡି ଆସୁଥିବା ବେଳେ ହଠାତ ଅଟୋ ଚାଳକ ଜଣଙ୍କ ଅନ୍ୟ ମନସ୍କ ହୋଇ ସାଇକେଲରେ ଯାଉଥିବା ଜଣେ ଛାତ୍ରୀଙ୍କୁ ଧକ୍କାଦେବା ପରେ ସେଠାରେ ଥିବା ଏକ ଟାଟା ମେଜିକ ଗାଡିକୁ ଧକ୍କା ଦେଇଥିଲା। ଫଳରେ ଅଟୋଟି ରାସ୍ତା ତଳକୁ ଖସି ପଡିଥିଲା। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ପ୍ରଥମେ ତିହିଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆମ୍ବୁଲାନ୍ସ ଯୋଗେ ଆଣିଥିଲେ। ସେମାନଙ୍କ ମଧ୍ୟରୁ ଲିପି ପୁଷ୍ପା ଓ ବର୍ଷା ନନ୍ଦ ଗୁରୁତର ହୋଇ ପଡିଥିବାରୁ ଜଣଙ୍କୁ କଟକ ବଡ଼ ଡାକ୍ତରଖାନାକୁ ଚିକିତ୍ସା ପାଇଁ ପଠା ଯାଇଥିଲା ବେଳେ ଅନ୍ଯମାନଙ୍କୁ ପ୍ରାଥମିକ ଚିକିତ୍ସା ପରେ ଘରକୁ ପଠାଯାଇଛି। ପୀରହାଟ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣା ଯାଇଛି। ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |