ପାଣ୍ଡିଆପଥର ଗ୍ରାମ ନିକଟ ପାହାଡ଼ ରେ ପଥର କାଟିଲା ବେଳେ ପାହାଡ଼ରୁ ପଡି ଜଣେ ମୃତ, ଦୁଇ ଆହାତ |
କଟକ (ଉତ୍କଳ ନ୍ୟୂଜ଼ ) ୦୩.୦୮.୨୦୨୪ : ପାହାଡ଼ରେ ପଥର କାଟିବା ଓ ବ୍ଲାଷ୍ଟିଙ୍ଗ ବେଳେ ଶ୍ରମିକ ଙ୍କ ସୁରକ୍ଷା ପ୍ରତି ନାହିଁ ଲିଜ ଧାରୀ ଙ୍କ ନିଘା l ସୁରକ୍ଷା ଅଭାବରୁ ଚାଲିଗଲା ଗୋଟିଏ ନିରୀହ ଜୀବନ l ଗଞ୍ଜାମ ଜିଲ୍ଲା କୋଟିନଡା ଥାନା ପାଣ୍ଡିଆପଥର ଗ୍ରାମ ନିକଟ ପଥର କୁଆରୀ ରେ ପଥର କାଟିଲା ବେଳେ ପାହାଡ଼ ଉପରୁ ପଡି ଜଣେ ଶ୍ରମିକ ଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହାତ ହୋଇଛନ୍ତି l ମୃତ ଶ୍ରମିକ ତାମିଲନାଡୁ ଅଞ୍ଚଳର ଏ. ଗୋବିନ୍ଦ ହୋଇଥିବା ଜଣାପଡିଛି l ଆଜି ସକାଳୁ କିଛି ଶ୍ରମିକ ପାଣ୍ଡିଆପଥର ଗ୍ରାମ ନିକଟ ହାତୀ ପାହାଡ଼ ରେ ଏମଏସ ମିରିଲା ଗ୍ରୁପ ଦ୍ୱାରା ଚାଲିଥିବା ପଥର କଟା କାର୍ଯ୍ୟରେ ନିୟୋଜିତ ହୋଇଥିଲେ l ଏହି ସମୟରେ ପାହାଡ଼ ଉପରେ ରହି ପଥର କାଟିବା ସମୟରେ ପାହାଡ଼ ରୁ ତିରିଶି ଫୁଟ ତଳକୁ ଏ. ଗୋବିନ୍ଦ ଓ କିଛି ଶ୍ରମିକ ଖସି ପଡିଥିଲେ l ଫଳରେ ଏ.ଗୋବିନ୍ଦ ଗୁରୁତର ହୋଇଥିବା ବେଳେ ଅନ୍ୟ ଦୁଇଜଣ ଶ୍ରମିକ ଆହାତ ହୋଇଥିଲେ l ସ୍ଥାନୀୟ ଲୋକେ ସମସ୍ତ ଙ୍କୁ ଉଧାରକରି ଚିକିତ୍ସା ନିମନ୍ତେ ଶନିବାର ଦିନ 11 ଟା ସମୟରେ ଆସିକା ଉପଖଣ୍ଡ ଚିକିତ୍ସାଳୟ ରେ ଭର୍ତି କରିଥିଲେ l ଏଠାରେ ଡାକ୍ତର ଏ. ଗୋବିନ୍ଦ ଙ୍କୁ ମୃତ୍ୟୁ ଘୋଷଣା କରିଥିବା ବେଳେ ଖବର ପାଇ କୋଟିନଡା ଥାନା ପୋଲିସ ପହଞ୍ଚି ଆରମ୍ଭ କରିଛି ତଦନ୍ତ l ତେବେ ଶ୍ରମିକ ମାନଙ୍କୁ କାର୍ଯ୍ୟ ରେ ଲଗାଇଥିବା ସଂସ୍ଥା ର ଖାମଖିଆଲି ମନଭାବ ଯୋଗୁଁ ଶ୍ରମିକ ଙ୍କ ମୃତ୍ୟୁ ହୋଇଥିବା ଆଲୋଚନା ହେଉଥିବା ବେଳେ ପ୍ରଶାସନ ସଂସ୍ଥା ବିରୋଧ ରେ କାର୍ଯ୍ୟାନୁଷ୍ଠାନ ନେବାକୁ ଦାବୀ କରିଛନ୍ତି ଅଞ୍ଚଳବାସୀ | ଗଞ୍ଜାମରୁ ଭଗବାନ ପାଢ଼ୀ ଙ୍କ ରିପୋଟ ଉତ୍କଳ ନ୍ୟୂଜ଼