୭ ମତ୍ସ୍ୟଜୀବୀ ନିଖୋଜ |
କଟକ (ଉତ୍କଳ ନ୍ୟୂଜ଼ ) ୦୩.୦୮.୨୦୨୪ : ସ୍ଥାନୀୟ ନେହେରୁବଙ୍ଗଳା ମୁହାଣ ମୁହଁରେ ଶୁକ୍ରବାର ଅପଘଟଣା ଘଟିଛି | ୭ ଜଣ ମତ୍ସ୍ୟଜୀବୀ ନିଖୋଜ ହୋଇଛନ୍ତି | ଉଦ୍ଧାରକାରୀ ଟିମ ଦୀର୍ଘ ସମୟ ପର୍ଯ୍ୟନ୍ତ ଉଦ୍ଧାର ପାଇଁ ଉଦ୍ୟମ କରିଛନ୍ତି | ସୂଚନା ଅନୁସାରେ ଆଜି ସନ୍ଧ୍ୟାରେ ଶ୍ରୀ କ୍ଷେତ୍ର-୩ ବୋଟଟି ମାଛ ଧରି ଫେରୁଥିବା ବେଳେ ଏହାର ଇଂଜିନରେ ହଠାତ ତ୍ରୁଟି ଦେଖାଯାଇଥିଲା | ପାଖରେ ଥିବା ବୋଟ ଗୋପାଳଜିଉ ବୋଟ ତାକୁ ଏକ ଦୌଡ଼ି ସାହାଯ୍ୟ ରେ ବାନ୍ଧି ଟାଣି ଆଣିଥିବା ବେଳେ ମୁହାଣ ମୁହଁରେ ହଠାତ ଦୌଡ଼ି ଛିଡି ଯାଇଥିଲା | ବୋଟଟି ଦୂର ସମୁଦ୍ର ଭିତରକୁ ଭାସି ଯାଇଥିବା କୁହାଯାଉଛି | ବୋଟରେ ୭ ଜଣ ମତ୍ସ୍ୟଜୀବୀ ଥିବା ବେଳେ ଅନ୍ଧାର ହୋଇଯାଇଥିବାରୁ ସେମାନଙ୍କର ଖୋଜ ଖବର ମିଳିନାହିଁ | ଉଦ୍ଧାର କାର୍ଯ୍ୟରେ ବାଧା ପ୍ରାପ୍ତ ହୋଇଛି |