୧୬ ଚକିଆ ଟ୍ରକ୍ ସହ ଚୋରା କୋଇଲା ଜବତ, ଡ୍ରାଇଭର ଫେରାର |
କଟକ (ଉତ୍କଳ ନ୍ୟୁଜ ) ୧୮-୦୭-୨୦୨୪ : ଏକ ୧୬ ଚକିଆ ଚୋରା କୋଇଲା ବୋଝେଇ ଟ୍ରକକୁ ଭଦ୍ରକ ଜିଲ୍ଲା ତିହିଡ଼ି ପୁଲିସ ଜବତ କରିଛି । ଗତକାଲି ରାତ୍ରିରେ ପୁଲିସ ପେଟ୍ରୋଲିଂ କରୁଥିବା ବେଳେ ବିରଞ୍ôଚନାରାୟଣ ମନ୍ଦିର ନିକଟସ୍ଥ ଭର୍ତ୍ତିଆ ପଦାରେ ସଂପୃକ୍ତ ଟ୍ରକରେ କୋଇଲା ବୋଝେଇ ହେଉଥିବା ଦେଖିବାକୁ ପାଇଥିଲା । ପୁଲିସ ପହଂଚିବାରୁ ଡ୍ରାଇଭର ଓ ଲୋଡ଼ କରୁଥିବା ଶ୍ରମିକମାନେ ଘଟଣା ସ୍ଥଳରୁ ଚମ୍ପଟ ମାରିଥିଲେ । ତେବେ ପୁଲିସ ଏହି ଗାଡ଼ିଟିକୁ(ୟୁପି ୩୧ବିଟି ୩୩୧୬) ଜବତ କରି ଥାନାକୁ ନେଇ ଆସିଛି । ଗାଡ଼ିରେ ୫୦ରୁ ୬୦ ବସ୍ତା କୋଇଲା ରହିଥିବା ପୁଲିସ କହିଛି । ଏନେଇ ଥାନାରେ ଏକ ମାମଲା ୩୩୦/୨୪ ହୋଇଛି । ଗାଡ଼ିର ମାଲିକ ଓ ଏହାକୁ କିଏ ଆଣି କୋଇଲା ଲୋଡ଼ କରୁଥିଲା ସେ ନେଇ ଅନୁସନ୍ଧାନ ଚାଲିଛି ବୋଲି ତିହିଡ଼ି ଥାନା ଅଧିକାରୀ ପ୍ରସନ୍ନ କୁମାର ନାୟକ କହିଛନ୍ତି । ସୂଚନା ଯୋଗ୍ୟ, ଚୋରା କୋଇଲା ରାକେଟ ଗୁଡ଼ିକ ଏତେ ମଜଭୁତ ଓ ସଂଗଠିତ ହୋଇ ଉଠିଲେଣି କେହି ସ୍ୱର ଉଠାଇଲେ ସେମାନେ ତାଙ୍କୁ ଆକ୍ରମଣ କରିବାକୁ ମଧ୍ୟ ପଛାଉନାହାନ୍ତି । ଗାଳିଗୁଲଜ ମଧ୍ୟ କରୁଛନ୍ତି । ସଂପ୍ରତି ଚୋରା କୋଇଲା ବ୍ୟବସାୟ କୋଟି କୋଟି ଟଙ୍କାରେ ପହଂଚଲାଣି । ଏହା କିପରି ଚାଲିଛି ଓ ଏହା ପଛରେ କେଉଁମାନେ ଅଛନ୍ତି ସେ ନେଇ ତଦନ୍ତ କରାଗଲେ ବହୁ ଗୁମର ପଦାରେ ପଡ଼ନ୍ତା ବୋଲି ଆଲୋଚନା ହେଉଛି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |