ବିଜେପି ପକ୍ଷରୁ ରତିକାନ୍ତଙ୍କୁ ୯ ପଂଚାୟତର ଗୁରୁଦାୟିତ୍ୱ |
କଟକ (ଉତ୍କଳ ନ୍ୟୁଜ ) ୨୭-୦୫-୨୦୨୪ : ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀ ତିହିଡି ବ୍ଲକର ମା ଲଙ୍କେଶ୍ୱରୀ ମଣ୍ଡଳ ପକ୍ଷରୁ ଦକ୍ଷ ସଂଗଠକ ରତିକାନ୍ତ ମହାକୁଡଙ୍କୁ ମିଳିଲା ଗୁୁରୁଦାୟିତ୍ୱ । ମଣ୍ଡଳ ଅଧିନ ୯ ପଞ୍ଚାୟତର ସଂଯୋଜକଭାବେ ଦଳ ପକ୍ଷରୁ ନିଯୁକ୍ତ କରାଯାଇଛି । ଆସନ୍ନ ନିର୍ବାଚନରେ ଦଳର ସଂଗଠନକୁ ମଜବୁତ୍ କରିବା ସହିତ ଶାସକ ଦଳକୁ ପ୍ରତିହତ କରିବା ଲାଗି ରବିବାର ପୀରହାଟସ୍ଥିତ ଦଳୀୟ କାର୍ଯ୍ୟାଳୟରେ ଆୟୋଜିତ ଏକ ସମ୍ବାଦଦାତା ସମ୍ମିଳନୀରେ ଶ୍ରୀ ମହାକୁଡଙ୍କୁ ମଣ୍ଡଳ ସଭାପତିି ପରାମର୍ଶ ଦେଇଛନ୍ତି । ମଣ୍ଡଳ ପକ୍ଷରୁ ତାଙ୍କୁ ପୁଷ୍ପଗୁଚ୍ଛ ପ୍ରଦାନ ପୂର୍ବକ ଦଳୀ ଉତ୍ତରୀୟ ପିନ୍ଧାଇ ସ୍ୱାଗତ କରାଯାଇଥିଲା । ଶ୍ରୀ ମହାକୁଡ ପୂର୍ବରୁ ଦଳର ବ୍ଲକ ସମ୍ପାଦକ, ମଣ୍ଡଳର ସାଧାରଣ ସମ୍ପାଦକ, ସାହାପୁର ପଞ୍ଚାୟତର ସଭାପତି ଓ ଜିଲ୍ଲା କାର୍ଯ୍ୟକାରୀ ସଦସ୍ୟ ଆଦି ପଦପଦବୀରେ କାର୍ଯ୍ୟକରି ଦଳର ସ୍ଥିତିକୁ ମଜବୁତ୍ କରିପାରିଥିଲେ । ତେବେ ଚଳିତ ନର୍ବାଚନରେ ଅଧିକରୁ ଅଧିକ ଭୋଟ ହାତେଇବା ଲାଗି ଶ୍ରୀ ମହାକୁଡଙ୍କୁ ଏପରି ଦାୟିତ୍ୱ ପ୍ରଦାନ କରାଯାଇଛି । ତେବେ ଶାସକ ଦଳକୁ କଡ୍ଡା ଟକ୍କର ଦେବା ସହିତ ଦଳର ସ୍ଥିତିକୁ ପୂର୍ବ ନିର୍ବାଚନ ଠାରୁ ଅଧିକ ଲିଡ୍ ଦେବାକୁ ଉଦ୍ୟମ କରିବେ ଏବଂ ରାଜ୍ୟ ସଭାପତି ତଥା ଚାନ୍ଦବାଲିର ପ୍ରାର୍ଥି ମନମୋହନ ସାମଲଙ୍କୁ ବିପୁଳ ସଂଖ୍ୟାରେ ଭୋଟଦେଇ ଜୟଯୁକ୍ତ କରିବା ଲାଗି ପଣ କରିଥିଲେ ଶ୍ରୀ ମହାକୁଡ । ଅନ୍ୟମାନଙ୍କ ମଧ୍ୟରେ ମୁକ୍ତିକାନ୍ତ ନାୟକ, ସଂଗ୍ରାମ ମହାନ୍ତି, ରାମଚନ୍ଦ୍ର ଦାସ, ମୃତ୍ୟୁଞ୍ଜୟ ବଳ, ଆନନ୍ଦ ଶଙ୍କର ଦାସ, ପ୍ରଫୁଲ ବେହେରା ଓ ଅଜୟ ରାଉତ ପ୍ରମୁଖ ଉପସ୍ଥିତ ଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |