ସୟାକୁ ଏକ ବିକଶିତ ପଞ୍ଚାୟତରେ ପରିଣତ କରାଯିବ-ବିଷ୍ଣୁବ୍ରତ ରାଉତରାୟ |
କଟକ (ଉତ୍କଳ ନ୍ୟୁଜ ) ୨୧-୦୫-୨୦୨୪ : ଭଦ୍ରକ ଜିଲ୍ଲା ବାସୁଦେବପୁର ନିର୍ବାଚନ ମଣ୍ଡଳୀ ତିହିଡି ବ୍ଲକ ଅଧିନ ସାୟା ପଞ୍ଚାୟତରେ ବିଜେଡିର ଏକ ଆଶୀର୍ବାଦ ସଭା ସ୍ଥାନୀୟ ଧୂଳିପଦା ବାସନ୍ତୀ ପଡ଼ିଆ ଠାରେ ଅନୁଷ୍ଠିତ ହୋଇଯାଇଛି ।ଏହି ଅବସରରେ ବିଜେଡି ବରିଷ୍ଠ ନେତା ଅକ୍ଷୟ କୁମାର ବାରିକଙ୍କ ପୌରହିତ୍ୟରେ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟଅତିଥିଭାବେ ବାସୁଦେବପୁର ନିର୍ବାଚନ ମଣ୍ଡଳୀ ବିଧାୟକପ୍ରାର୍ଥୀ ବିଷ୍ଣୁବ୍ରତ ରାଉତରାୟ ଯୋଗଦେଇ ବିଜେଡି ସରକାର ସମୟରେ ସାୟାପଞ୍ଚାୟତର ସାମଗ୍ରିକ ବିକାଶ କରାଯାଇଛି । ଏଥର ସେ ବିଜୟୀ ହେଲେ ପଞ୍ଚାୟତର ଥିବା ଅଧୁରା କାର୍ଯ୍ୟକୁ ସମ୍ପୂର୍ଣ କରି ସୟାକୁ ଏକ ବିକଶିତ ପଞ୍ଚାୟତରେ ପରିଣତ କରିବେ ବୋଲି କହିଥିଲେ । ସମ୍ମାନିତ ଅତିଥିଭାବେ ବିଧାୟକ ପ୍ରତିନିଧି ବାପୁଜୀ ନାୟକ, ବରିଷ୍ଠ ବିଜେଡି ନେତା ସୁରେନ୍ଦ୍ର ନାୟକ, ଉପାଧ୍ୟକ୍ଷା ପ୍ରତିନିଧି ପ୍ରବୀର ନାୟକ, ଜିଲ୍ଲା ସାଧାରଣ ସମ୍ପାଦକ କମଳାକାନ୍ତ ଲେଙ୍କା, ସମିତିସଭ୍ୟ ପ୍ରିୟବନ୍ଧୁ ମାଝୀ ପ୍ରମୁଖ ଯୋଗଦେଇ ଆସନ୍ତା ଜୁନ ୧ ତାରିଖରେ ସମସ୍ତେ ବିଧାୟକ ପ୍ରାର୍ଥୀ ବିଷ୍ଣୁବ୍ରତ ରାଉତରାୟଙ୍କୁ ଗୋଟିଏ ଶଙ୍ଖଚିହ୍ନରେ ଭୋଟଦେଇ ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରାଇବା ସଙ୍ଗେସଙ୍ଗେ ସାଂସଦ ପ୍ରାର୍ଥୀନୀ ମଞ୍ଜୁ ଲତା ମଣ୍ଡଳଙ୍କୁ ଗୋଟିଏ ଶଙ୍ଖ ଚିହ୍ନରେ ଭୋଟଦେଇ ଦିଲ୍ଲୀ ସଂସଦ ଭବନକୁ ପଠାଇବାକୁ ନିବେଦନ କରିଥିଲେ । ଏହି ସଭାରେ ଜୟଦେବ ନାୟକ, ମଣିଭଦ୍ର ଦାସ, ବସନ୍ତ ନାୟକ ଅନ୍ୟଦକ ଛାଡି ବିଜେଡିର ସାମିଲ ହୋଇଥିଲେ । ବିଧାୟକ ପ୍ରାର୍ଥୀ ଶ୍ରୀ ରାଉତରାୟ ସେମାନଙ୍କୁ ଦଳୀୟ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ୱାଗତ କରିଥିଲେ । ଶେଷରେ ଦୁଷ୍ମନ୍ତ ମଳିକ ଧନ୍ୟବାଦ ଦେଇଥିଲେ । ଏହି ସଭାରେ ବିଜେଡି ନେତା ସୁରେନ୍ଦ୍ର ପ୍ରସାଦ ନାୟକ, ଲଷ୍ମୀଧର ପଣ୍ଡା, ବିଜୟ ପଣ୍ଡା,ପଞ୍ଚାୟତ ସଭାପତି ଲଳିତ ମୋହନ ନାୟକ, ଜିଲା ଯୁବ ଉପସଭାପତି ଶୁଭେନ୍ଦୁ ମଲ୍ଲିକ, ଯୁବନେତା ଅଭୟ ବିଶ୍ୱାଳ, ପ୍ରେମାନନ୍ଦ ମଲିକ, ଜୟପ୍ରକାଶ ପାତ୍ର, ବଂଶୀଧର ପଣ୍ଡା, ପ୍ରଦୀପ ରାଉଳ, ବିଶ୍ୱନାଥ ପୃଷ୍ଟି, ଗଣେଶ ମହାଳିକ, ଜୀବନ ନାୟକ ପ୍ରମୁଖଙ୍କ ସମେତ ଶତାଧିକ ପୁରୁଷ ଓ ମହିଳା ଉପସ୍ଥିତ ଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |