More News
ଘରଗଳାକୁ ହଣା ଘଟଣାରେ ତଣ୍ଡ ଗଣିଲେ ମହିଳା |
କଟକ (ଉତ୍କଳ ନ୍ୟୁଜ ) ୨୨-୦୪-୨୦୨୪ : ଘରଗଳାକୁ ହଣା ଘଟଣାରେ ତଣ୍ଡ ଗଣିଲେ ମହିଳା । କଥାଟା ବିଶ୍ୱାସ ନହେଲେ ବି ସତ୍ୟ । ସ୍ୱାମୀଙ୍କ ଅନୁପସ୍ଥିତିରେ ମହିଳାଙ୍କ ସହ ଅନୈତିକ ସମ୍ପର୍କ ସ୍ଥାପନ କରିବାକୁ ଯାଇଥିବା ଜଣେ ପୁରୁଷ ମହିଳା ସମେତ ତାଙ୍କ ପରିବାର ଲୋକଙ୍କ ଦ୍ୱାରା ହଣା ଖାଇଥିଲା । ମୁଣ୍ଡରେ କଟୁରୀ ଚୋଟରେ ଗୁରୁତର ଆହତ ହୋଇ ପ୍ରଥମେ ତିହିଡି ପରେ ଭଦ୍ରକ ଏବଂ ଶେଷରେ କଟକ ସ୍ଥାନାନ୍ତର ହୋଇଥିଲା । କୌତୁହଳର କଥା ଏହିଯେ ମହିଳା ଜଣଙ୍କ ନିଜକୁ ସୁରକ୍ଷିତ ହେବା ପାଇଁ ଥାନାରେ ପ୍ରଥମେ ଦ୍ୱାରସ୍ଥ ହୋଇଥିଲା । ଘଟଣାଟି ଭିନ୍ନ ମୋଟ ନେବା ପୂର୍ବରୟ ହଣା ଖାଇ ଅସୁସ୍ଥ ଥିବା ପୁରୁଷ ବି ଅଭିଯୋଗ କଲା । ଉଭୟ ପକ୍ଷରୁ ଥାନାରେ ଏତଲା ହେବାପରେ ଗତକାଲି କୌଣସି ପରିସ୍ଥିତିରେ ଏହାର ଆପୋଷ ବୁଝାବଣା ହୋଇଛି ଏବଂ ସଂପୃକ୍ତା ମହିଳା ଜଣକ ପୁରୁଷଙ୍କ ପରିବାର ଲୋକଙ୍କୁ ୩୦ ହଜାର ଟଙ୍କା ତଣ୍ଡ ଦେଇଥିବା ଶୁଣିବାକୁ ମିଳୁଛି । ତେବେ ଘଟଣାର ଖୋଳତାଡ କରିବା ପରେ ବହୁ ଗୁମର କଥା ପଦାକୁ ଆସିିଛି । ଭଦ୍ରକ ଜିଲ୍ଲା ତିହିଡି ବ୍ଲକର ଏକ ତଳିଆ ଗାଁରୁ ଏପରି ଖବର ଆସିଛି । ସେହି ଗାଁର ଜନୈକା ବିବାହିତ ମହିଳା ସହିତ ଜଣେ ପୁରୁଷଙ୍କ ମଧ୍ୟରେ ସହମତିରେ ସୁସମ୍ପର୍କ ସ୍ଥାପିତ ହୋଇଥିଲା । ମନ ଦିଆନିଆ ପରେ ଦୈହିକ ସମ୍ପର୍କ ସ୍ଥାପନ ହୋଇଥିଲା । ଏହାରିି ମଧ୍ୟରେ ମହିଳା ଜଣଙ୍କ ବିଭିନ୍ନ ଆଳ ଦେଖାଇ ସେହି ପୁରୁଷ ଠାରୁ କେଇବାର କରଜ ଆକାରରେ ଟଙ୍କା ନେଇଥିଲେ । ଯାହାକୁ ଫେରସ୍ଥ ପାଇଁ ପୁରୁଷ ଜଣଙ୍କ କିଛିଦିନ ହେଲା ସଂପୃକ୍ତ ମହିଳାଙ୍କୁ ତାଗିଦ୍ କରିଆସୁଥିଲେ । ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ଏପରିକି ପାଟିତୁଣ୍ଡ ମଧ୍ୟ ହୋଇଥିଲା । କିଛିଦିନ ତଳେ ପୂର୍ବ ପ୍ରସ୍ତୁତିକ୍ରମେ ମହିଳା ଜଣକ ସେହି ପୁରୁଷଙ୍କୁ ନିଜ ଘରକୁ ଡାକିଥିଲା ଏବଂ ନିଜ ଯାଆ, ଦେଢଶୂର ଓ ଶ୍ୱଶୁରଙ୍କ ସହଯୋଗରେ କଟୁରୀରେ ହାଣିଥିଲା । ହେଲେ ନିଜକୁ ସତୀ ତୁଳସୀର ପ୍ରମାଣ ଦେବାକୁ ଯାଇ ଥାନାରେ ପୁରୁଷଙ୍କ ବିରୋଧରେ ଘରଗଳା ଅଭିଯୋଗ ଦର୍ଶାଇବା ସହିତ ନିଜର ଆତ୍ମରକ୍ଷା ଲାଗି ହାଣିଥିବା ଏତଲା ଦେଇଥିଲା । ସେପଟରେ ଆଇସିୟୁରେ ଚିକିତ୍ସାଧିନ ପୁରୁଷ ଜନୈକ ସାମାଜିକ କର୍ମୀଙ୍କ ଦ୍ୱାରା ମହିଳାଙ୍କ ତାଙ୍କର ଭିଡିଓ ପ୍ରସ୍ତୁତ କରି ଅଭିଯୋଗକୁ ଖଣ୍ଡନ କରିଥିବା ଏବଂ ଉଚିତ୍ ନ୍ୟାୟ ପ୍ରଦାନ କରିବାକୁ ଦାବି କରିଥିଲା । ଉଭୟ ଏତଲା ପୋଲିସ ହାତରେ ପଡିବା ପରେ ସ୍ଥାନୀୟ ନେତାଙ୍କ ଭାଳେଣି ପଡିଥିଲା । ଅପକର୍ମ ପାଇଁ ପୁରୁଷ ଯଦି ଗିରଫ୍ ହୁଏ ତେବେ କଲାକର୍ମ ପାଇଁ ମହିଳାଙ୍କ ସମେତ ତାଙ୍କ ପରିବାରର ଆହୁରି ୩ ଜଣ ଗିରଫ୍ ହେବାର ଭୟ ସୃଷ୍ଟି ହୋଇଥିବା ନେଇ ଆପୋଷ ବୁଝାବଣାକୁ ଆପଣେଇ ନେଇଥିଲେ । ଯାହାକୁ ନେଇ ପୋଲିସ ଉପରେ ଚାପ ସୃଷ୍ଟି କରାଯାଇଥିଲା । ପୋଲିସ ମଧ୍ୟ ଏହାକୁ ପରୋକ୍ଷରେ ଗ୍ରହଣ କରିଥିଲା । ସଂଧ୍ୟାରେ ଉଭୟ ପକ୍ଷରୁ ଛାମୁଆ ନେତାଙ୍କ ସମେତ ଦେଶୀବିଦେଶୀ ବୁଧିଆମାନଙ୍କୁ ନେଇ ଥାନା ପରିସରରେ ହୋଇଥିଲା ବିଚାର ବିମର୍ଷ । ଶେଷରେ କଲାକର୍ମ ପାଇଁ ମହିଳା ଜଣକ ୩୦ ହଜାର ଟଙ୍କା ତଣ୍ଡ ଦେଇଥିବା ଜଣାଯାଇଛି । କେବଳ ସେତିକି ନୁହେଁ ବରଂ ଉଭୟଙ୍କ ମଧ୍ୟରେ ଲାଗି ରହିଥିବା ବାଦାନୁବାଦ୍ର ପରିସମାପ୍ତି ଘଟିଛି ଆଉ କେହି କାହାରି ବିରୋଧରେ ଛିଡା ହେବେନି ବୋଲି ହାତକାଟି ଲେଖି ଦେଇଥିବା ମଧ୍ୟ ଚର୍ଚ୍ଚାକୁ ଆସୁଛି । ସେପଟେ ଘରଗଳା ସମ୍ପୂର୍ଣ୍ଣ ସୁସ୍ଥ ହେବାପରେ ସଂପୃକ୍ତା ମହିଳାଙ୍କ ସହିତ ପୂର୍ବପରି ସମ୍ପର୍କ ରଖୁଛନ୍ତି କି ନାହିଁ ତାହା ଉପରେ ସମସ୍ତଙ୍କ ନଜର ରହିଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ବୁଲୁ ପଟ୍ଟନାୟକଙ୍କ ବାଇକ୍ ଶୋଭାଯାତ୍ରାରେ ଦୁଲୁକିଲା ଭଦ୍ରକ ସହର |
କଟକ (ଉତ୍କଳ ନ୍ୟୁଜ ) ୨୨-୦୪-୨୦୨୪ : ବୁଲୁ ଓରଫ୍ ଅସିତ ପଟ୍ଟନାୟକଙ୍କୁ ସ୍ୱାଗତ କରିବା ଲାଗି ଆୟୋଜିତ ବାଇକ୍ ଶୋଭାଯାତ୍ରାରେ ଦୁଲୁକିଲା ଭଦ୍ରକ ସହର । ହଜାର ହଜାର ସମର୍ଥକଙ୍କ ସୁଅ ଛୁଟିଥିଲା । ମାତ୍ର କେଇ ମିନିଟ୍ରେ କିଏ କେଉଁଠୁ ଏତେମାତ୍ରାରେ ଆସିଲେ ତାହାର ହିସାବ କାହାରି ପାଖରେ ନଥିଲା । ଜନସମର୍ଥନରେ ଜନସମୂଦ୍ର ପାଲଟିଥିଲା ପୁରା ଭଦ୍ରକ ସହର ଆଉ ଟ୍ରାଫିକ୍ ଜାମ ମଧ୍ୟ ହୋଇଯାଇଥିଲା । କଂଗ୍ରେସ ଦଳର କର୍ମୀଙ୍କ ବ୍ୟତିତ ଶହଶହ ସମର୍ଥକ ନିଜକୁ ଯୁଗଳ ପଟ୍ଟନାୟକଙ୍କ ଲିଗାସି ବୋଲି ନାରା ଦେଉଥିଲେ । ଏହି ସମୟରେ ଏକାଧିକ ଆମ୍ବୁଲାନ୍ସ ମଧ୍ୟ ଅଟକି ରହିଥିଲା । ଯାହାକୁ ନେଇ ସାଧାରଣ ଲୋକେ ପ୍ରଶାସନ ବିରୋଧରେ ଅସନ୍ତୋଷ ବକ୍ତ କରିଥିଲେ । ପୋଲିସ ବି ବାଟ ପାଇଲେନି ନିୟନ୍ତ୍ରଣ କରିବାକୁ । କିଛି ଘଣ୍ଟା ପାଇଁ ପଥିକ ଠାରୁ ଆରମ୍ଭ କରି ସାଧାରଣ ଲୋକେ ଯାତାୟତ କରିବା କଷ୍ଟକର ହୋଇଯାଇଥିଲା । ପୁରୁଣା ବଜାର, କଚେରୀ ବଜାର ଓ ଚରମ୍ପା ଆଡୁ ଅସଂଖ୍ୟ ସମର୍ଥକ ବାଇକ୍ ଯୋଗେ ଆସି ଗୋଶାଳା ନିକଟରେ ଏକତ୍ରିତ ହୋଇଥିଲେ । ବୁଲୁ ପଟ୍ଟନାୟକଙ୍କ ବାସଭବନ ନିକଟରୁ ବାହାରିଥିବା ବାଇକ୍ ଶୋଭାଯାତ୍ରା ନୂଆ ବସଷ୍ଟାଣ୍ଡରେ ଅଟକିଥିଲା । ଚାରିଆଡୁ ସମର୍ଥକମାନେ ଆସିବା ପରେ ତାରିଣୀ ଛକରୁ ମିଳିତଭାବେ ଶୋଭାଯାତ୍ରା ଆରମ୍ଭ ହୋଇଥିଲା । ଏକ ଖୋଲା ଗାଡିରେ ବୁଲୁଙ୍କ ସମେତ ଭଦ୍ରକ ସାଂସଦ ପ୍ରାର୍ଥ ଅନନ୍ତ ସେଠୀ, ଭଣ୍ଡାରିପୋଖରୀ ପ୍ରାର୍ôଥ ନିରଞ୍ଜନ ପଟ୍ଟନାୟକ, ଜିଲ୍ଲା ସଭାପତି ଅଶୋକ ଦାସ, ଯୁବ ନେତା ନଲିନୀକାନ୍ତ ମହାନ୍ତି, ପ୍ରକାଶଜ୍ୟୋତି ମହାକୁଡ, ସୁବ୍ରତ ଦାସ ଓ ଦଳିତ ନେତା ରାଜେନ୍ଦ୍ର ଜେନା ପ୍ରମୁଖ ସାମିଲ ହୋଇଥିଲେ । ଆଗ ପଛରେ ଶହସ୍ରାଧିକ ସମର୍ଥକ ସେମାନଙ୍କୁ ପାଛୋଟି ନେଇଥିଲେ ପୁରୁଣା ବଜାର ଆଡକୁ । ବଜାର ପରିକ୍ରମା କରିବା ସମୟରେ କଗ୍ରେସ ତାର ନିର୍ବାଚନୀ ଇସ୍ତାହାର ସମ୍ପର୍କିତ ନାରା ଦେଇଥିଲା । ଫେରିବା ପରେ କଂଗ୍ରେସ କାର୍ଯ୍ୟାଳୟରେ ବୁଲୁଙ୍କ ଭବ୍ୟ ସମ୍ବର୍ଦ୍ଧନା ପ୍ରଦାନ କରିବା ସହିତ ବିଜୟୀ କରିବାକୁ କାର୍ଯ୍ୟକର୍ତ୍ତାମାନେ ସଂକଳ୍ପ ନେଇଥିଲେ । ତେବେ ଭଦ୍ରକରେ ମେଡିକାଲ କଲେଜ ଓ ବିଶ୍ୱ ବିଦ୍ୟାଳୟ ଖୋଲିବା ସହିତ ସାଳନ୍ଦି ସଂସ୍କାର ଉପରେ ପ୍ରାଧ୍ୟାନ୍ୟ ଦେବେ ବୋଲି ବୁଲୁ ପଟ୍ଟନାୟକ ପ୍ରତିଶୃତି ଦେଇଥିଲେ । ଅନ୍ୟପଟେ ବିଜେଡି ପ୍ରାର୍ôଥ ପ୍ରଫୁଲ ସାମଲ ବରପଦା ଇଞ୍ଜିନିୟରିଂ କଲେଜ ବିବାଦରେ ଛନ୍ଦି ହୋଇଥିବା ଏବଂ ବ୍ୟାପକ ଦୂର୍ନୀତି ନେଇ ଅର୍ଥନୈତିକ ଅପରାଧ ଶାଖା ଦ୍ୱାର ବାରମ୍ବାର ତଦନ୍ତର ସାମନା କରୁଥିବା ଏବଂ ବିଜେପି ପ୍ରାର୍ଥି ଜଣେ ମଦ ମାଫିଆ ଏବଂ ଘରେ ଘରେ ମଦୁଆ ତିଆରୀ କରିବା ତାଙ୍କର ମୂଳ ମନ୍ତ୍ର ଯାହାକୁ ଭୋଟରମାନେ ଉଚିତ୍ ଦେବେ ବୋଲି ପ୍ରତିକ୍ରିୟାରେ ପ୍ରକାଶ କରିଥିଲେ । ଉକ୍ତ ଶୋଭାଯାତ୍ରାରେ ହଜାର ହଜାର ସମର୍ଥକଙ୍କ ସମାଗମ ରାଜ୍ୟ ରାଜନୀତି ପାଇଁ ଏକ ବିଶାଳ ଝଲକ ବୋଲି କୁହାଯାଉଛି । ଏଠାରେ ସୂଚନା ଥାଉକି, ପୂର୍ବତନ ମନ୍ତ୍ରୀ ଯୁଗଳ କିଶୋର ପଟ୍ଟନାୟକଙ୍କ ପୁଅ ହେଉଛନ୍ତି ବୁଲୁ ଓରଫ୍ ଅସିତ ପଟ୍ଟନାୟକ । ବିଗତ କିଛି ବର୍ଷ ହେବ ଏହି ପରିବାର ବିଜେଡିର ସକ୍ରିୟ ସଂଗଠକଭାବେ କାର୍ଯ୍ୟ କରିଆସୁଛନ୍ତି । ୨୦୧୯ରେ ଦଳୀୟ ଟିକେଟ୍ ପାଇଁ ଆଶାୟୀ ଥିଲେ ବୁଲୁ । ଟିକେଟ୍ ମିଳିନଥିଲେ ମଧ୍ୟ ବିଜେଡି ପ୍ରାଥିଙ୍କୁ ଜିତାଇବାରେ ସହଯୋଗ କରିଥିଲେ । ପୂନଶ୍ଚ ଚଳିତ ବର୍ଷ ପାଇଁ ଆଶାୟୀ ଥିଲେ ମାତ୍ର ଦଳ ପକ୍ଷରୁ ପ୍ରତ୍ୟାଖାନ କରାଯିବାରୁ ସେ କିଛି ଦିନ ପୂର୍ବରୁ ନିଜର ଶହଶହ ସମର୍ଥକମାନଙ୍କ ଗହଣରେ କଂଗ୍ରେସରେ ଯୋଗଦେଇଥିଲେ ଏବଂ କଂଗ୍ରେସ ତାଙ୍କ ଉପରେ ବିଶ୍ୱାସ କରି ଟିକେଟ୍ ଦେଇଛି । ଉଭୟ ଅସିତ ଓ ଯୁଗଳଙ୍କ ପକେଟ୍ ଭୋଟ ରହିଛି ସେମାନେ ଯଦି ସମର୍ଥନ କରନ୍ତି ତେବେ ତାଙ୍କ ବିଜୟ ସହଜସାଧ୍ୟ ବୋଲି ଚର୍ଚ୍ଚା ହେଉଛି । ତେବେ ଆଗକୁ ଭୋଟର କାହା ମୁଣ୍ଡରେ ସୁନ କଳସ ଢାଳିବେ ତାହା ଏବେ ଠାରୁ କହିବା ବାହୁଲ୍ୟ ।
ଭଦ୍ରକରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ତିହିଡିରେ ବିଜୟା ଦଶମୀ ମହୋତ୍ସବ ଓ ନଗର ସଂକୀର୍ତ୍ତନ ଶୋଭାଯାତ୍ରା , ଜୟଶ୍ରୀରାମ ନାରାରେ ପ୍ରକମ୍ପିତ ଓ ଗେରୁଆ ରଙ୍ଗରେ ରଙ୍ଗାୟିତ ହୋଇଥିଲା ସମ୍ପୂର୍ଣ୍ଣ ବଜାର |
କଟକ (ଉତ୍କଳ ନ୍ୟୁଜ ) ୧୯-୦୪-୨୦୨୪ : ପ୍ରଭୁ ଶ୍ରୀରାମଙ୍କ ନବମୀ ଉତ୍ସବ ପାଳନର ପରଦିନ ଭଦ୍ରକ ଜିଲ୍ଲା ତିହିଡିରେ ଶ୍ରୀରାମ ନବମୀ ସମିତି ଆନୁକୂଲ୍ୟରେ ବିଜୟା ଦଶମୀ ମହୋତ୍ସବ ଓ ନଗର ସଂକୀର୍ତ୍ତନ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଆବାଳ-ବୃଦ୍ଧ-ବନିତାଙ୍କ ହାତରେ ଭାରତ ମାତାଙ୍କ ପତାକା ଓ ମୁହଁରେ ଜୟ ଶ୍ରୀରାମର ନାରା । ଜୟଶ୍ରୀରାମ ନାରାରେ ପ୍ରକମ୍ପିତ ଓ ଗେରୁଆ ରଙ୍ଗରେ ରଙ୍ଗାୟିତ ହୋଇଥିଲା ସମ୍ପୂର୍ଣ୍ଣ ବଜାର । ଏହି ଗଣପର୍ବରେ ବିଭିନ୍ନ ଅଞ୍ଚଳରୁ ୩୫ଟି ପ୍ରଜ୍ଞାପନ ମେଢ ଅପରାହ୍ନରେ ଗାଁଗଣ୍ଡାରେ ପରିକ୍ରମା କରିବା ପରେ ସଂଧ୍ୟାରେ ତିହିଡିରେ ଏକତ୍ରିତ ହୋଇଥିଲେ । ସେଠାରୁ କ୍ରମିକ ନମ୍ବର ଅନୁସାରେ ଶୋଭାଯାତ୍ରାରେ ବାହାରି ବଜାର ପରିକ୍ରମା କରିଥିଲେ । ବିଭିନ୍ନ ପାରମ୍ପରିକ ନାଚ ଗୀତ ସହିିତ ଡିଜେର ତାଳେତାଳେ ଭକ୍ତମାନେ ମତୁଆଲା ସାଜିଥିଲେ । ମେଢଗୁଡିକୁ ଶ୍ରୀରାମ ମନ୍ଦିର ନିକଟସ୍ଥ ଭେଟନାରୀ ପୋଖରୀରେ ବିଷର୍ଜନ କରାଯାଇଥିଲା । ଏହି ପର୍ବକୁ ତିହିଡିରେ ଉଭୟ ସଂପ୍ରଦାୟର ଲୋକଙ୍କ ମଧ୍ୟରେ ଭାଇଚାରାର ସମ୍ପର୍କକୁ ମଜବୁତ୍ କରିଥାଏ । ଶ୍ରୀରାମ ନବମୀ ସମିତି ପକ୍ଷରୁ ନଗର ସଂକୀର୍ତ୍ତନ କରାଯାଇଥିଲା । ସେଥିରେ ଶତାଧିକ ଭକ୍ତ ସାମିଲ ହୋଇ ଶ୍ରୀରାମଙ୍କ ନାରା ଦେଇଥିଲେ । ଶାନ୍ତି ଶୃଙ୍ଖଳା ରକ୍ଷା କରିବା ନିମନ୍ତେ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଚାନ୍ଦବାଲି ଏସଡିପିଓ କାର୍ତ୍ତିକ ଚନ୍ଦ୍ର ମଲ୍ଲିକଙ୍କ ସମତେ ତହସିଲଦାର ଜୟଦ୍ରଥ ଆଚାର୍ଯ୍ୟ, ବିଡିଓ ଜ୍ୟୋତିର୍ମୟ କର, ତିହିଡି ଆଇଆଇସି ପ୍ରସନ୍ନ କୁମାର ନାୟକ, ପୀରହାଟ ଆଇଆଇସି ଅଜୟ ମୁର୍ମୁ ପ୍ରମୁଖ ଅ।।ଇନ୍ ଶୃଙ୍ଖଳା ଦାୟିତ୍ୱରେ ନିୟୋଜିତ ରହିଥିବା ବେଳେ ଅତିରିକ୍ତ ତହସିଲଦାର ନମିତା ଧଳ ମାଜିଷ୍ଟ୍ରେଟଭାବେ ଦାୟିତ୍ୱ ନିର୍ବାହ କରିଥିଲେ । ତେବେ ୩ ପ୍ଲାଟୁନ୍ ପୋଲିସ୍ ଫୋର୍ସ ସମ୍ପୂର୍ଣ୍ଣ ତିହିଡି ବଜାରକୁ ଜଗି ରହିଥିଲା । ଶହସ୍ରାଧିକ ଭକ୍ତଙ୍କ ଗହଣରେ ପ୍ରଜ୍ଞାପନ ମେଢ ଗୁଡିକ ଗନ୍ତବ୍ୟ ସ୍ଥଳକୁ ଯାଇଥିଲା । ତିହିଡି ପୋଲିସ ପକ୍ଷରୁ ଥାନା ସମ୍ମୁଖରେ ଜଳଛତ୍ର ଖୋଲା ଯାଇଥିବା ବେଳେ ବଜାର ମଧ୍ୟରେ ବ୍ଲକର ବିଭିିନ୍ନ ସାମାଜିକ ସଂଗଠନ ପକ୍ଷରୁୁ ପଣା, ଗ୍ଲୋକୋଜ୍ ଓ ଓଆରଏସର ପାଣି ପ୍ରଦାନ ସହିତ ପ୍ରସାଦ ବଣ୍ଟନର ବ୍ୟବସ୍ଥା କରାଯାଇଥିଲା । ଧାମନଗର ବିଧାୟକ ସୁରଜ ସୂର୍ଯ୍ୟବଂଶୀ ସ୍ଥିତପ୍ରଜ୍ଞ, ବ୍ଲକ ଅଧ୍ୟକ୍ଷା ଅବନ୍ତୀ ଦାସ, ସାହିତ୍ୟିକ ପବିତ୍ର ମୋହନ ପାଣିଗ୍ରାହୀ, ପ୍ରାକ୍ତନ ଅଧ୍ୟାପକ ଲକ୍ଷ୍ମୀଧର ତ୍ରିପାଠୀ, ସରପଞ୍ଚ ଶୁଭ୍ରନାରାୟଣ ସେଠୀ ଓ ପ୍ରଦୀପ ବଳ, ଅଶୋକ ଦାସ, ଅଭିମନ୍ୟୁ ସେଠୀ, ଦୀନବନ୍ଧୁ ପତି, ସୋମନାଥ ପାଢୀ, ଉଦୟ ନାରାୟଣ ମଲ୍ଲିକ, ଦୁର୍ଗାଚରଣ ନାୟକ, ଅଜୟ ନାୟକ, ସୁରେନ୍ଦ୍ର ନାୟକ, କମଳାକାନ୍ତ ଲେଙ୍କା, ସରୋଜ ଦାସ, ବାଣୀକଲ୍ୟାଣ ମହାପାତ୍ର, ଭାକୁଲା ପୁହାଣ, ପ୍ରଫୁଲ ଦାସ, ବାପୁଜୀ ନାୟକ, ଗଣେଶ ମଲ୍ଲିକ, ସଞ୍ଜିବ ବେହେରା, ଭରତ ସାହୁ, ଝରଣା ଜେନା, ତପନ ପାଢୀ, ରାଜକିଶୋର ନାୟକ, ଅଜୟ ମହାପାତ୍ର, ବିପିନ ବିହାରୀ ପତି, ପ୍ରମୋଦ ଦାସ, ଦୀପକ ସ୍ୱାଇଁ ଓ ବୁଦ୍ଧଦେବ ଜେନା ପ୍ରମୁଖ ଅତିଥିଭାବେ ଯୋଗଦେଇ ଆୟୋଜକ କମିଟିକୁ ସାଧୁବାଦ ପ୍ରଦାନ କରିବା ସହିତ ପ୍ରଜ୍ଞାପନ ମେଢ ଦର୍ଶନ କରିଥିଲେ । ଶ୍ରୀରାମ ନବମୀ ସମିତିର ସଭାପତି କିଶୋର କୁମାର ନାୟକ, ଉପସଭାପତି ରବିନ୍ଦ୍ର ଦାସ, ସମ୍ପାଦକ ଯଯାତି କେଶରୀ ଦାସ, ସହସମ୍ପାଦକ ରାଜେଶ ନାୟକ, କୋଷାଧ୍ୟକ୍ଷ ନୀଳମଣି ସାବତ, ସର୍ବବ୍ୟବସ୍ଥା ପ୍ରମୁଖ ସୀତାକାନ୍ତ ନାୟକ, ଉପଦେଷ୍ଟା ବିଶ୍ୱଜିତ ବେହେରା, ରଘୁନାଥ ପାତ୍ର, ଗଗନ ମହାନ୍ତି, ଦେବବ୍ରତ ପାଢ଼ୀ, ଶୁକଦେବ ମଳିକ, ଗଙ୍ଗାଧର ଦତ୍ତ, କାର୍ଯ୍ୟକର୍ତ୍ତା ଅଜୟ ନାୟକ, ପ୍ରଶାନ୍ତ ବଳ, ତପନ ପଣ୍ଡା, ତପୁନ ପାଣି, ହରିଶ୍ଚନ୍ଦ୍ର ନାୟକ, ନିତ୍ୟାନନ୍ଦ ଜେନା, ଚନ୍ଦ୍ରକାନ୍ତ ନାଥ, ପ୍ରିୟବ୍ରତ ପାଢ଼ୀ ଓ ପି.ହୃଷିକେଶ ପ୍ରମୁଖ ପରିଚାଳନା କରିଥିଲେ । ଏଥିସହ ହରିଦ୍ୱାର ଋଷିକେଶ କୈଳାସ ଆଶ୍ରମରୁ ସ୍ୱାମୀ କୈବଲ୍ୟା ନନ୍ଦ ଗିରି ଓ ମହର୍ଷି ବାଲ୍ମିକୀ ଆଶ୍ରମରୁ ବାବା ଶ୍ରୀଗଙ୍ଗାରାମ ଦାସ ଯୋଗଦେଇ ପରିସରକୁ ଉତ୍ସବ ମୁଖର କରିଥିଲେ । ଏଠାରେ ସୂଚନା ଥାଉକି, ଏହି ପର୍ବକୁ ଅଧିକ ସରସ ସୁନ୍ଦର କରିବା ଲାଗି ସପ୍ତାହବ୍ୟାପି ଗଣଦୌଡ, ବାଇକ୍ ଶୋଭାଯାତ୍ରା, ମହିଳାମାନଙ୍କ ଦ୍ୱାରା କଳସ ଶୋଭାଯାତ୍ରା, ଦୈନିକ ସଂଧ୍ୟାରେ ଭଜନ ସମାରୋହ ଓ ସାଂସ୍କୃତିକ କାର୍ଯ୍ୟକ୍ରମ ସହିତ ଆରସାରେ ଗୋମାତା ଓ ସାଧୁସନ୍ଥ ପୂଜନ କରାଯାଇଥିଲା ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ମାରୱାଡି ୟୁବା ମଞ୍ଚ ପକ୍ଷରୁ ସର୍ବତ ବଣ୍ଟନ l
କଟକ (ଉତ୍କଳ ନ୍ୟୁଜ ) ୧୮-୦୪-୨୦୨୪ : ପବିତ୍ର ରାମ ନବମୀ ଅବସର ରେ ପ୍ରତି ବର୍ଷ ଭଳି ଏ ବର୍ଷ ମଧ୍ୟ ଜୁନାଗଡ ମାରୱାଡି ୟୁବା ମଞ୍ଚ ପକ୍ଷରୁ ସହର ସ୍ଥିତ କଲମପୁର ଚକ ନିକଟରେ ରାମ ନବମୀ ଓ ପଣା ସଂକ୍ରାନ୍ତି ଅବସରରେ ପଥ ଚାରି ମାନଙ୍କୁ ସର୍ବତ ପଣା ବଣ୍ଟନ କରାଯାଇଥିଲା l ଏଥିରେ ଜୁନାଗଡ ମାରୱାଡି ଯୁବାମଞ୍ଚର ସଭାପତି ସୂରଜ ଅଗ୍ରୱାଲ, ସମ୍ପାଦକ ଅଙ୍କିତ ଶର୍ମl, କୋଷାଧ୍ଯକ୍ଷ ମୟଙ୍କ ଅଗ୍ରୱାଲ, ଗୋପlଲ ମିତ୍ତଲ, ସନ୍ତୋଷ ଶିଙ୍ଗଲ, ଆଶିଷ ଗୋୟଲ, ଚନ୍ଦନ ଖେମକl, ଅମାନ୍ ଗୋଏଲ, ଶଙ୍କର ବଂଶଲ, ଶୁଭମ୍ ଅଗ୍ରୱାଲ, ରିତେଶ ଅଗ୍ରୱାଲ, ପ୍ରଣବ୍ ଗୋଏଲ ପ୍ରମୂଖ ସାମିଲ ହୋଇ ସହଯୋଗ କରିଥିଲେ l
କଳାହାଣ୍ଡି ରୁ ରବିଶଙ୍କର ସୁନାନୀ ଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଶୁଭମ ପକ୍ଷରୁ ଡ଼. ବି.ଆର ଆମ୍ବେଦକରଙ୍କ ଜୟନ୍ତୀ ପାଳିତ , ସାମ୍ବିଧାନିକ ଦାୟିତ୍ୱ ଓ କର୍ତ୍ତବ୍ୟ ପ୍ରତି ସମସ୍ତେ ସଚେତନ ହେବାକୁ ଆହ୍ୱାନ |
କଟକ ( ଉତ୍କଳ ନ୍ୟୁଜ ) ୧୫-୦୪-୨୦୨୪ : ଭାରତର ସମ୍ବିଧାନ ବିଶ୍ୱର ବିରଳ । ସେହି ପବିତ୍ର ସମ୍ବିଧାନକୁ ପ୍ରଣୟନ କରିଥିବା ଭାରତ ରତ୍ନ ବାବା ସାହେବ ଭୀମ ରାଓ ଆମ୍ବେଦକର ସମାଜର ସବୁ ବର୍ଗର ଲୋକଙ୍କ ହିତ ପାଇଁ ସମ୍ବିଧାନର ବିଭିନ୍ନ ଅନୁଛେଦରେ ଅନେକ କଲ୍ୟାଣକାରି ଆଇନ୍ ପ୍ରଣୟନ କରିଛନ୍ତି । ବିଶେଷ କରି ସମାଜ ଅବହେଳିତ ଦଳିତ ନିଷ୍ପେସିତ ଲୋକଙ୍କ ଉତ୍ଥାନ ପାଇଁ ସେ ଅନେକ କିଛି ନୀତି ନିୟମ ରଖି ଯାଇଛନ୍ତି । ଯାହା ଫଳରେ ବିଭିନ୍ନ ସମୟ ରେ ବିଭିନ୍ନ ସରକାର ତାହାକୁ କାର୍ଯ୍ୟକାରୀ କରୁଥିବାରୁ ଦଳିତ ମାନଙ୍କ ଉତ୍ଥାନ ଏବେ ଆରମ୍ଭ ହୋଇଛି । ତେଣୁ ପ୍ରତେକ ବ୍ୟକ୍ତି ସେହି ସମ୍ବିଧାନ ପଦର୍ତ୍ତ ନୀତି ନିୟମକୁ ପାଳନ ସହିତ ନିଜର ଦାୟିତ୍ୱ ଏବଂ କର୍ତ୍ତର୍ବ୍ୟ ସମ୍ପାଦକ ସଠିକ ଭାବେ କରି ପାରିଲେ ବାବା ସାହେବଙ୍କ ଦ୍ୱାରା ପ୍ରଣିତ ସମ୍ବିଧାନ ରକ୍ଷା ହେବା ସହିତ ତାର ମର୍ଯ୍ୟାଦା ମଧ୍ୟ ଅକ୍ଷୁର୍ଣ୍ଣ ରହି ପାରିବ ବୋଲି ଭଦ୍ରକ ଜିଲ୍ଲା ତିହିଡି ବ୍ଲକ ବୋଡ଼କ ଠାରେ ଅଗ୍ରଣୀ ସାମାଜିକ ସଂଗଠନ ଶୁଭମ ପକ୍ଷରୁ ଆୟୋଜିତ ଡ଼. ବି.ଆର ଆମ୍ବେଦକର ଙ୍କ ୧୩୩ ତମ ଜନ୍ମ ଜୟନ୍ତୀ ସମାରୋହ ବହୁ ବିଶିଷ୍ଟ ବ୍ୟକ୍ତିମାନେ ଯୋଗଦେଇ ମତ ପ୍ରକାଶ କରିଛନ୍ତି । ଏହି ଉପଲକ୍ଷେ ପ୍ରଧାନ ଶିକ୍ଷକ ବୈକୁଣ୍ଠ ବିଶ୍ୱାଳଙ୍କ ସଭାପତିତ୍ୱରେ ଏକ ଜୟନ୍ତୀ ସମାରୋହ ଅନୁଷ୍ଠିତ ହୋଇଥିଲା । ଏହି ସମାରୋହରେ ମୁଖ୍ୟ ଅତିଥି ଭାବେ ତ୍ୟାଗ ଭୂମି ସାଂସ୍କୃତିକ ସମ୍ମେଳନର ସଭାପତି ଅଜୟ କୁମାର ନାୟକ ମୁଖ୍ୟ ବକ୍ତା ଭାବେ, ବିଶିଷ୍ଟ ଆଇନ୍ଜୀବି ଦିବ୍ୟସିଂହ ନାୟକ, ସମ୍ମାନିତ ଅତିଥି ଭାବେ ପୂର୍ବତନ ସରପଞ୍ଚ ଗୋଲକ ଚନ୍ଦ୍ର ସାମଲ, ଶିକ୍ଷାବିତ ସୁବାସ ଚନ୍ଦ୍ର ଦା. ସମାଜସେବୀ ମହେନ୍ଦ୍ର ମଲ୍ଲିକ, ପୂର୍ବତନ ଜିଲ୍ଲା ପରିଷଦ ସଦସ୍ୟ ଦେବେନ୍ଦ୍ର ପୁହାଣ, ଜିଲ୍ଲା ଦଳିତ ମହାସଂଘ ସଭାପତି ରାଜେନ୍ଦ୍ର ଜେନା, ସମିତି ସଭ୍ୟ ଜୟ ପ୍ରକାଶ ମଲ୍ଲିକ ଓ ସରପଞ୍ଚଙ୍କ ପ୍ରତିନିଧି ବିଷ୍ଣୁ ମୋହନ ଜେନାଙ୍କ ସହିତ ବହୁ ବିଶିଷ୍ଟ ବ୍ୟକ୍ତିମାନେ ଯୋଗଦେଇ ବାବା ସାହେବଙ୍କ ବହୁମୁଖୀ ଆଦର୍ଶ, ଦେଶ ପାଇଁ କରିଥିବା କାର୍ଯ୍ୟ ଏବଂ ତାଙ୍କ ସଂଗ୍ରାମମୟ ଜୀବନୀ ଉପରେ ଆଲୋଚନା କରିଥିଲେ । ସଂଗଠନର ସମ୍ପାଦକ ନରେନ୍ଦ୍ର କୁମାର ସାମଲ ପ୍ରଦାନ ଅତିଥି ପରିଚୟ ପ୍ରଦାନ କରିଥିଲା ବେଳେ ସଂଗଠନର କାର୍ଯ୍ୟକ୍ରମ ସଂଯୋଜକ ଆନନ୍ଦ ଚନ୍ଦ୍ର ପଳାଇ ସ୍ୱାଗତ ଭାଷଣ ପ୍ରଦାନ କରିଥିଲେ । ଶେଷରେ ସଂଗଠନର ଉପ ସଭାପତି ଆନନ୍ଦ ଚନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ । ଏହି ଜୟନ୍ତୀ ସମାରୋହରେ ବୋଡ଼କ ପଂଚାୟତ ବିଭିନ୍ନ ଅଂଚଳରୁ କୃଷକ, ଦଳିତ ଓ ସଚେତନ ନାଗରିକମାନେ ଯୋଗଦେଇ ବାବା ସାହେବଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଦେଇ ଶ୍ରଦ୍ଧା ସୁମନ ଅର୍ପଣ କରିଥିଲେ । ବିଭିନ୍ନ କାର୍ଯ୍ୟକ୍ରମକୁ ସଂଗଠନର ବରିଷ୍ଟ ସଦସ୍ୟ ଦେବେନ୍ଦ୍ର ଭଞ୍ଜ, ବୀରେନ୍ଦ୍ର ଭଞ୍ଜ, ଚକ୍ରଧର ଜେନା ଓ ବାବାଜୀ ଚରଣ ଭଞ୍ଜ ପ୍ରମୁଖ ପରିଚାଳନା କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଶିକ୍ଷାବିତ୍ କୃଷ୍ଣଚନ୍ଦ୍ର ପାଣିଗ୍ରାହୀଙ୍କ ପ୍ରଥମ ଶ୍ରାଦ୍ଧ ବାର୍ଷିକ |
କଟକ (ଉତ୍କଳ ନ୍ୟୁଜ ) ୧୫-୦୪-୨୦୨୪ : ଭଦ୍ରକ ଜିଲ୍ଲା ତିହିଡି ବ୍ଲକ ଦୋଳସାହି ପଞ୍ଚାୟତ ଅଧିନ ଗାଜିପୁର ଗ୍ରାମର ଅବସରପ୍ରାପ୍ତ ଶିକ୍ଷକ ତଥା ରାମକୃଷ୍ଣ ପରମହଂସଙ୍କ ଆଜୀବନ ଭକ୍ତ ସ୍ୱର୍ଗତ କୃଷ୍ଣଚନ୍ଦ୍ର ପାଣିଗ୍ରାହୀଙ୍କ ପ୍ରଥମ ଶ୍ରାଦ୍ଧ ବାର୍ଷିକ ତାଙ୍କ ବାସଭବନରେ ପାଳିତ ହୋଇଯାଇଛି । ଏହି ଅବସରରେ ପ୍ରାଧ୍ୟାପକ ଶିବ ଚରଣ ଖାମୁରାଇଙ୍କ ସଭାପତିତ୍ୱରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଉକ୍ତ ଶ୍ରଦ୍ଧାଞ୍ଜଳି ସଭାରେ ଅତିଥିମାନେ ସ୍ୱର୍ଗତ କୃଷ୍ଣଚନ୍ଦ୍ର ପାଣିଗ୍ରାହୀଙ୍କ ଫଟୋ ଓ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରି ପ୍ରଦୀପ ପ୍ରଜ୍ୱଳନ କରିବା ସହିତ ସ୍ୱର୍ଗତ ପାଣିଗ୍ରାହୀଙ୍କ ସ୍ମୃତି ଚାରଣ କରି ତାଙ୍କର ଅମର ଆତ୍ମାର ସଦଗତି କାମନା କରିଥିଲେ । ଉକ୍ତ ଶ୍ରଦ୍ଧାଞ୍ଜଳି ସଭାରେ ଅବସରପ୍ରାପ୍ତ ପୋଲିସ ଅଫିସର ରତ୍ନାକର ବିଶ୍ୱାଳ, ଅବସରପ୍ରାପ୍ତ ବ୍ୟାଙ୍କ ମେନେଜର ସୁଦର୍ଶନ ସାହୁ, ଅବସର ପ୍ରାପ୍ତ ସୈନିକ ରଘୁନାଥ ପଶୁପାଳକ, ଅବସରପ୍ରାପ୍ତ ଶିକ୍ଷକ ଭରତ ବିଶ୍ୱାଳ, ରବିନାରାୟଣ ସାହୁ, ଗଣେଶ ଖାମୁରାଇ, ମହେଶ୍ୱର ସାହୁ, ରବୀନ୍ଦ୍ର ଦୀକ୍ଷିତ, ଅବସର ପ୍ରାପ୍ତ ଶିକ୍ଷକ ଜୟକୃଷ୍ଣ ନାୟକ, ଶିକ୍ଷକ ମୁରଧର ଦାସ, ପ୍ରଭାସ ପଣ୍ଡା, ଦେବବ୍ରତ ଶତପଥୀ, ସାନଭାଇ ମହେଶ୍ୱର ପାଣିଗ୍ରାହୀ, ପୁତୁରା ଜଗବନ୍ଧୁ ପାଣିଗ୍ରାହୀ ଓ ରବିନାରାୟଣ ପାଣିଗ୍ରାହୀ, ବଡ ଜ୍ୱାଇଁ ହାବିଲଦାର ନକୁଳ ସେନାପତି, ମଝିଆ ଜ୍ୱାଇଁ ପ୍ରାଣକୃଷ୍ଣ ପାଣିଗ୍ରାହୀ, ଝିଅ ସୁରୁଜି ସେନାପତି, ଯତନୀ ପାଣିଗ୍ରାହୀ, କଳ୍ପନା ପାଣିଗ୍ରାହୀ ଉପସ୍ଥିତ ରହି ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ । ସ୍ୱର୍ଗତ ପାଣିଗ୍ରାହୀଙ୍କ ଜ୍ୟେଷ୍ଠ ପୁତ୍ର ତଥା ଶିକ୍ଷକ ସନ୍ତୋଷ ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ତିହିଡି ବିଷୁବ ସାହିତ୍ୟ ସାଂସ୍କୃତିକ ସାମ୍ମୁଖ୍ୟ ପକ୍ଷରୁ ବିଷୁବ ମିଳନ |
କଟକ (ଉତ୍କଳ ନ୍ୟୁଜ ) ୧୫-୦୪-୨୦୨୪ : ଭଦ୍ରକ ଜିଲ୍ଲା ତିହିଡି ବିଷୁବ ସାହିତ୍ୟ ସାଂସ୍କୃତିକ ସାମ୍ମୁଖ୍ୟ ପକ୍ଷରୁ ରବିବାର ସଂଧ୍ୟାରେ ବିଷୁବ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ତିହିଡି ଟାଉନହଲ ଠାରେ ସାରସ୍ୱତ ସମାରୋହ ଓ କବିତା ପାଠ ଉତ୍ସବ ଅନୁଷ୍ଠିତ ହୋଇଥିଲା । ସାମ୍ମୁଖ୍ୟର ସଭାପତି ଡ.ଲକ୍ଷ୍ମୀଧର ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ସ୍ତମ୍ଭକାର ଅଭୟ ଦ୍ୱିବେଦୀ ଓ ମୁଖ୍ୟବକ୍ତା ଭାବେ ଗାଳ୍ପିକ ପବିତ୍ର ପାଣିଗ୍ରାହୀ, ସାମ୍ମୁଖ୍ୟର ସଂପାଦକ ରଘୁନାଥ ପାତ୍ର ଓ ସାମ୍ମୁଖ୍ୟର ଉପଦେଷ୍ଟା ଶିକ୍ଷାବିତ ସୋମନାଥ ପାଢୀ ଓ ବିଭୂତିଭୂଷଣ ସେନାପତି, ଚନ୍ଦ୍ରକାନ୍ତ ମହାନ୍ତି, ନାରାୟଣ ବାରିକ ପ୍ରମୁଖ ଯୋଗ ଦେଇ ଆମ ପରମ୍ପରା, ସଂସ୍କୃତି ଓ ଅସ୍ମିତାରେ ପଣା ସଂକ୍ରାନ୍ତିର ମହାନତା ସଂପର୍କରେ ଆଲୋକପାତ କରିଥିଲେ । ଏହି ଅବସରରେ କବି ବିପ୍ଳବ ପତି ଓ କବି କୃପା ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ କବିତା ପାଠ ଉତ୍ସବରେ କବି ମାନେ ସ୍ୱରଚିତ କବିତା ପାଠ କରିଥିଲେ । ଏହି ପରିପ୍ରେକ୍ଷୀରେ ଦୁଇ ଜଣ ପ୍ରତିଭାବାନ ବ୍ୟକ୍ତି ନିତ୍ୟାନନ୍ଦ ନାୟକ ଓ ସନ୍ନ୍ୟାସୀ ଚରଣ ବ୍ରହ୍ମଙ୍କୁ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ପରେ ସମସ୍ତଙ୍କ ଲାଗି ପଣା ସେବନର ବ୍ୟବସ୍ଥା କରାଯାଇଥିଲା । ମନୋଜ ପାଣିଗ୍ରାହୀ ଅତିଥି ମାନଙ୍କୁ ମଞ୍ଚକୁ ଆହ୍ୱାନ କରିଥିବା ବେଳେ ମୁକ୍ତିକାନ୍ତ ନାୟକ ସ୍ୱାଗତ ଭାଷଣ ଦେଇଥିଲେ । ସେହିପରି ବିଶ୍ୱଜିତ ବେହେରା ଅତିଥି ପରିଚୟ ଦେଇଥିବା ବେଳେ ଯଯାତି କେଶରୀ ଦାସ ସମସ୍ତଙ୍କୁ ଧନ୍ୟବାଦ ଦେଇଥିଲେ । ଏହି କାର୍ଯ୍ୟକ୍ରମକୁ ସୀତାକାନ୍ତ ନାୟକ, ଅଜୟ ନାୟକ ଓ ପ୍ରଶାନ୍ତ ବଳ ପ୍ରମୁଖ ପରିଚାଳନା କରିଥିଲେ । ନୀଳମାଧବ ସେନାପତି ଓ ଅମୂଲ୍ୟ ସେନାପତି ମାନପତ୍ର ପାଠ କରିଥିଲେ । ପ୍ରାରମ୍ଭରେ ତିହିଡି ସଙ୍ଗୀତ ମହାବିଦ୍ୟାଳୟର ସୁଧାଂଶୁ ନାୟକ ଓ ସାଥୀ ବନ୍ଦେ ଉତ୍କଳ ଜନନୀ ପରିବେଷଣ କରିଥିଲେ ।
ତିହିଡୁରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଶ୍ରୀ ଅରବିନ୍ଦଙ୍କ ପବିତ୍ର ଶ୍ରୀତନୁ ପ୍ରତିଷ୍ଠା ଦିବସ ପାଳିତ |
କଟକ (ଉତ୍କଳ ନ୍ୟୁଜ ) ୧୫-୦୪-୨୦୨୪ : ଭଦ୍ରକ ଜିଲ୍ଲା ତିହିଡି ବ୍ଲକ କୋହ୍ଲସ୍ଥିତ ଦିବ୍ୟଭୂମି ପରିସରରେ ମାନବ ସମାଜର ଭବିଷ୍ୟତ ଉଦ୍ଗାତା ଦିବ୍ୟଦ୍ରଷ୍ଟା ଶ୍ରୀଅରବିନ୍ଦଙ୍କର ୨୮ତମ ପବିତ୍ର ଦେହାଂଶ ପ୍ରତିଷ୍ଠା ଉତ୍ସବ ରବିବାର ଦିନ ଅନୁଷ୍ଠିତ ହୋଇ ଯାଇଛି । ସକାଳ ୬ଟାରେ ପ୍ରାର୍ଥନା ଗୃହରେ ପ୍ରଦୀପ ପ୍ରଜ୍ଜ୍ୱଳନ କରାଯିବା ପରେ ମାତୃପତାକା ମୁଖ୍ୟଅତିଥି ପ୍ରାଧ୍ୟାପକ ଡ. ଅନୀଲ କୁମାର ମହାପାତ୍ରଙ୍କ ଦ୍ୱାରା ଉତ୍ତୋଳନ କରାଯାଇଥିଲା । ବନ୍ଦେ ମାତରମ ଗାନ ସହ ଛାତ୍ରଛାତ୍ରୀମାନେ ମାତୃ ପତାକାକୁ ସମ୍ମାନ ପ୍ରଦର୍ଶନ କରିଥିଲେ । ଅଧ୍ୟକ୍ଷ ବିଷ୍ଣୁ ପ୍ରସାଦ ମହାପାତ୍ରଙ୍କ ଅଧ୍ୟକ୍ଷତା ଓ ଶିକ୍ଷକ ନିତ୍ୟାନନ୍ଦ ରାଉତଙ୍କ ସଂଯୋଜନାରେ ଅନୁଷ୍ଠିତ ଆଲୋଚନା ଚକ୍ରରେ ଦେହାଂଶ ମନ୍ଦିରର ତାତ୍ପର୍ଯ୍ୟ ସମ୍ପର୍କରେ ଆଲୋଚନା କରାଯାଇଥିଲା । ମୁଖ୍ୟ ଅତିଥିଙ୍କ ସମେତ ମାତୃଭକ୍ତ ଶରତ କୁମାର ପାଣିଗ୍ରାହୀ, ନୃସିଂହ ଚରଣ ମହାପାତ୍ର ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ । ଦ୍ୱିତୀୟ ଅଧିବେଶନରେ ମାସିକ ପାଠଚକ୍ର ଅନୁଷ୍ଠିତ ହୋଇଥିଲା । ଦିନ ୧୧ଟା ୪୫ ମିନିଟ୍ରୁ ୧୨ଟା ୧୫ ପର୍ଯ୍ୟନ୍ତ ସମବେତ ଧ୍ୟାନ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସୂର୍ଯ୍ୟମଣି ନାୟକ, ହରିହର ସେନାପତି, ନରେନ୍ଦ୍ର କୁମାର ଯତି, ଅରୁଣ କୁମାର ଦାଶ, ବିଷ୍ଣୁ ମୋହନ ନାୟକ, ନିରଞ୍ଜନ ନାୟକ, କୃଷ୍ଣାପ୍ରିୟା ପଣ୍ଡା, ସରୋଜିନୀ ସାହୁ,ରତିକାନ୍ତ ଦାସ, ପାର୍ଥସାରଥି ସାହୁ, ସଞ୍ଜୟ ନାୟକଙ୍କ ସମେତ ସମେତ ବାସନ୍ତୀ, ଟିଲି, ଅଜୟ, ଭାରତି, ମିନତି, ମଞ୍ଜୁଳା, ଦୀପକ, ସଞ୍ଜୀବ ପ୍ରମୁଖ ଅପାଭାଇମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ମା ଖରାଖାଇଙ୍କ ବାର୍ଷିକ ଉତ୍ସବ ପାଳିତ, ୫୦ ହଜାରରୁ ଉର୍ଦ୍ଧ ଭକ୍ତଙ୍କ ସମାଗମ |
କଟକ (ଉତ୍କଳ ନ୍ୟୁଜ ) ୧୫-୦୪-୨୦୨୪ ; ଭଦ୍ରକ ଜିଲ୍ଲା ତିହିଡି ବ୍ଲକ ମଙ୍ଗଳପୁର, ସିନ୍ଦୋଳ, ଦୌଲତପୁର ଓ ସାହାପୁର ଗ୍ରାମ ପଞ୍ଚାୟତର ମଧ୍ୟମ ସ୍ଥଳରେ ଖୋଲାମେଲାରେ ପୂଜା ପାଉଥିବା ମା’ ଖରାଖାଇଙ୍କ ବାର୍ଷିକ ଉତ୍ସବ ପାଳିତ ହୋଇ ଯାଇଛି । ଦିନତମାମ ୫୦ ହଜାରରୁ ଉର୍ଦ୍ଧ ଭକ୍ତଙ୍କ ସମାଗମ ପରିସରକୁ ଅଧିକ ଆକର୍ଷିତ କରି ପାରିଛି । ବରଷକ ଥରେ ପଣା ସଂକ୍ରାନ୍ତୀରେ ଏହି ପୂଜା ଉତ୍ସବକୁ ଅଞ୍ଚଳବାସୀ ବେଶ ଧୂମଧାମରେ ପାଳନ କରିଥା’ନ୍ତି । ମା ଙ୍କ ମହିମା ଅପାର, ଯିଏ ଯାହା ମାନସିକ କରିଛି ତାହା ପୂରଣ ହେଉଥିବାର ବହୁ ଉଦାହରଣ ରହିଛି । ଲୋକକଥା ଅନୁଯାଇ, କେଉଁ ଆବାହମାନ କାଳରୁ ବିନ୍ଧାବଜାର-ସାନଲହୁଣୀପାଳ ରାସ୍ତା କଡରେ ମା ପ୍ରତ୍ୟକ୍ଷଭାବେ ବିରାଜମାନ ହୋଇଛନ୍ତି । ବହୁବାର ଭକ୍ତଙ୍କ ସ୍ୱପ୍ନରେ ଆବିର୍ଭାବ ମଧ୍ୟ ହୋଇଛନ୍ତି । ତେବେ ଏହି ଦେବୀଙ୍କୁ ଆନୁଷ୍ଠାନିକ ଗତ ୨୦୦୪-୦୫ ମସିହାରେ ଏକ ଗଛ ମୂଳେ ଅବସ୍ଥାପିତ କରାଯାଇଛି । ମା ଙ୍କ ଉପରେ ଛାତ ପଡିନଥିଲେ ମଧ୍ୟ ପାଚେରୀ ନିର୍ମାଣ କରାଯାଇ ଦୈନିକ ପୂଜାର୍ଚ୍ଚନା କରାଯାଉଛି । କୁହାଯାଏ, ସପ୍ତସତୀ ଚଣ୍ଡିଙ୍କ ମଧ୍ୟରୁ ମା ଖରାଖାଇ ଏକ ସ୍ୱତନ୍ତ୍ର ଶକ୍ତି । ଅପୂର୍ବ ଶକ୍ତିମୟୀ ମା ତାଙ୍କ କଥା ପୂରଣ କରିଥାନ୍ତି । ଏହି ଅଞ୍ଚଳର ସାକ୍ଷାତ ଦେବୀଭାବେ ଶାନ୍ତି ଶୃଙ୍ଖଳା ବଜାୟ ରହିବା ଏହି ମା’ଙ୍କ ଉପରେ ନିର୍ଭର କରିଥାଏ । ସପ୍ତସତୀ ମହାଚଣ୍ଡିର ପ୍ରମାଣ ଅନୁସାରେ ଏହି ମା ହେଉଛନ୍ତି କୃଷ୍ଣ ବିଧବା ଜଣେ ନାରୀ । ତେଣୁ ଭଗବାନ କୃଷ୍ଣଙ୍କର ଅଭିଶାପ ଅନୁଯାଇ ଏହି ସପ୍ତସତୀ ମହାଚଣ୍ଡି ଉପରେ ମନ୍ଦିର ନିର୍ମାଣ କରାଯିବ ନାହିଁ । ଏହି ମା ସର୍ବଦା ଖରାରେ ରହୁଥିବାରୁ ତାଙ୍କର ନାମ ଏପରି ଖରାଖାଇ ହୋଇଥିବା ମଧ୍ୟ କୁହାଯାଉଛି । ତେବେ ଲୋକଙ୍କ ଅଗାଧ ବିଶ୍ୱାସ ରହିଛି ଏହି ମା’ଙ୍କ ଉପରେ । ସେଥିପାଇଁ ପଣା ସଂକ୍ରାନ୍ତୀରେ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ସମାଗମ ହୋଇଥାଏ । ଶାନ୍ତି ଶୃଙ୍ଖଳା ସହ ମା’ଙ୍କ ଦର୍ଶନ ନିମନ୍ତେ କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ସମସ୍ତ ଖର୍ଚ୍ଚ ମାଗଣ କରାଯାଇ କରାଯାଇଥାଏ । କେଉଁଠୁ ଏତେ ଅର୍ଥ ଆସେ ଆଉ ହଜାର ହଜାର ଶ୍ରଦ୍ଧାଳୁ କେମିତି ପ୍ରସାଦ ସେବନ କରନ୍ତି ତାହା କହିବା ବାହୁଲ୍ୟ ବୋଲି କମିଟି ପକ୍ଷରୁ ଶୁଣିବାକୁ ମିଳେ । ଋତିନୀତି ଅନୁଯାଇ ପୂଜାର୍ଚ୍ଚନା ସହିତ ଚଣ୍ଡିପାଠ ଓ ପ୍ରସାଦ ସେବନ କରାଯାଇଥିଲା । ଏଥିସହ ଭକ୍ତଙ୍କ ମନୋରଞ୍ଜନ ଲାଗି ଭଜନ ସମାରୋହ ଅନୁଷ୍ଠିତ ହୋଇଥିଲା । ମାଙ୍କ ସେବକ ଶୁକ ବାରିକ ଓ ବେଦପଣ୍ଡିତ ତନ୍ମୟ ମିଶ୍ର ପୂଜାକାର୍ଯ୍ୟ ତୁଲାଉ ଥିବାବେଳେ କମିଟିର ବାବୁ ଦାସ, ମୁରଲୀ ସାହୁ, ବୁଦ୍ଧିରାମ ସେଠୀ, ପୁଟୁକା ସାହୁ, ବିଜୟ ବଳ, ବାବାଜୀ ଜେନା, ଯଶୋବନ୍ତ ବଳ, ଗୟାଧର ବେହେରା, ଗଗନ ସେଠୀ, ଶ୍ରୀକାନ୍ତ ପରିଡା, ଚଗଲା ଦାସ, ଖଗେଶ୍ୱର ସେଠୀ, ବଟକୃଷ୍ଣ ବେହେରା, ବଳରାମ ଜେନା, ଶିବପ୍ରସାଦ ବଳ, ଅମର ବେହେରା, ପଞ୍ଚାନନ ନାୟକ, ଶିବ ମହାଳିକ, ସୁଶାନ୍ତ ବଳ, ଅକ୍ଷୟ ବେହେରା, ବୈକୁଣ୍ଠ ଚରଣ ବେହେରା ଓ ରଘୁନାଥ ଦାସ ପ୍ରମୁଖ ପରିଚାଳନା କରୁଛନ୍ତି । ମାଙ୍କ ଉତ୍ସବ ଅବସରରେ ଏକ ବିଶାଳ ମେଳ ଅନୁଷ୍ଠିତ ହୋଇଛି ଏବଂ ଏହା ତିନିଦିନ ଧରି ଚାଲିବ ବୋଲି କମିଟି ସୂତ୍ରରୁ ସୂଚନା ମିଳିିଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ସର୍ବ ଭାରତୀୟ ଅଲ ଇଣ୍ଡିଆ ମିଡ଼ିଆ ଆସୋସିଏସନ ତରଫରୁ ବନ୍ଧୁ ମିଳନ ଓ ସମ୍ବର୍ଧନା କାର୍ଯ୍ୟକ୍ରମ |
କଟକ (ଉତ୍କଳ ନ୍ୟୁଜ ) ୧୨-୦୪-୨୦୨୪: ସର୍ବ ଭାରତୀୟ AIMA MEDIA (All India Media Association ) ଅନୁଷ୍ଠାନ ତରଫରୁ ପ୍ରଥମ ବୈଠକ ଗୁରୁବାର ଅପରାହ୍ନ ୫ ଘଟିକା ସମୟରେ ମାଷ୍ଟର କ୍ୟାଣ୍ଟିନି କଂଗ୍ରେସ ଭବନ ପାଖ ରେ ଥିବା ବୁଲନ ଭାଇ ସେବା ଭବନ ଠାରେଏକ ବନ୍ଧୁ ମିଳନ ସ୍ବାଗତ ସମ୍ବର୍ଦ୍ଧନା ଓ ଭୁବନେଶ୍ୱର କମିଟି ଗଠନ ଅନୁଷ୍ଠିତ ହୋଇଯାଇଛି । ଯେଉଁଥିରେ ପ୍ରେସିଡେଣ୍ଟ ସଞ୍ଜିବ ପଟ୍ଟନାୟକ ସମାଜରେ ସାମ୍ବାଦିକ ମାନଙ୍କ ଉପରେ ହେଉଥିବା ନିର୍ଯାତନା ଏବଂ ସୁରକ୍ଷା ବିଷୟରେ ସେଠାରେ ଉପସ୍ଥିତ ଥିବା ସାମ୍ବାଦିକ ମାନଙ୍କ ସହିତ ସମାଲୋଚନା କରିଥିଲେ ।
ଭୁବନେଶ୍ୱର ରୁ ଜିତେନ କୁମାର ସାମନ୍ତରାୟ ଙ୍କ ରିପୋର୍ଟ ଉତ୍କଳ ନିୟୁଜ।
Read More ...
Read More ...
ପ୍ରାକ୍ତନ ଶିକ୍ଷକ ଭାଷ୍କର ଚନ୍ଦ୍ର ପରିଡାଙ୍କ ବିୟୋଗରେ ଶ୍ରଦ୍ଧାଞ୍ଜଳୀ ସଭା |
କଟକ (ଉତ୍କଳ ନ୍ୟୁଜ ) ୧୦-୦୪-୨୦୨୪ : ଭଦ୍ରକ ଜିଲ୍ଲା ତିହିଡି ବ୍ଲକ ସିନ୍ଦୋଳ ପଞ୍ଚାୟତ ଆରୁହାସ୍ଥିତ ଜେ.ବି ନୋଡାଲ ସ୍କୁଲର ପ୍ରାକ୍ତନ ଆଦର୍ଶ ଶିକ୍ଷକ ଭାଷ୍କର ଚନ୍ଦ୍ର ପରିଡାଙ୍କ ବିୟୋଗରେ ପୂରାତନ ଛାତ୍ରମାନଙ୍କ ପକ୍ଷରୁ ଏକ ଶ୍ରଦ୍ଧାଞ୍ଜଳୀ ସଭା ଅନୁୁଷ୍ଠିତ ହୋଇଯାଇଛି । ପୂରାତନ ଛାତ୍ର ତଥା ଶିକ୍ଷକ ପ୍ରାଣକୃଷ୍ଣ ରାଉଳଙ୍କ ପୌରୋହିତ୍ୟରେ ବୁଧବାର ଅପରାହ୍ନରେ ସ୍କୁଲ ପରିସରରେ ଅନୁଷ୍ଠିତ ଶ୍ରଦ୍ଧାଞ୍ଜଳୀ ସଭାରେ ମୁଖ୍ୟ ଅତିଥିଭାବେ ପ୍ରାକ୍ତନ ସ୍କୁଲ ଏସଆଇ ସୁରେନ୍ଦ୍ର ନାୟକ, ପ୍ରଧାନ ଶିକ୍ଷକ ପ୍ରକାଶ ଦାସ, ଶିକ୍ଷକ ଲଲାଟେନ୍ଦୁ ମହାପାତ୍ର ଓ ରାଜେନ୍ଦ୍ର ବାରିିକ ପ୍ରମୁଖ ଯୋଗଦେଇ ଭାଷ୍କର ଚନ୍ଦ୍ର ପରିଡା ଜଣେ ଅମାୟିକ ବ୍ୟକ୍ତି ଥିଲେ ଏବଂ ଏହି ସ୍କୁଲରେ ତାଙ୍କର ଦୀର୍ଘ ୩୬ ବର୍ଷ ଶିକ୍ଷା ପ୍ରଦାନ ଏହି ଅଞ୍ଚଳପ୍ରତି ଏକ ବଡ ଅବଦାନ ବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ଗୟାଧର ନାୟକ, ରଘୁନାଥ ପଣ୍ଡା, ଭାଗିରଥି ନାୟକ, ପ୍ରକାଶ ବଳ, ରାଧାଶ୍ୟାମ ସ୍ୱାଇଁ, ରଘୁନାଥ ମିଶ୍ର, କରୁଣାକର ନାୟକ, ଭାବଗ୍ରାହୀ ମଲ୍ଲିକ, ସୁକାନ୍ତ ନାୟକ, ସୁବାଶ ଦାସ, ନିରଞ୍ଜନ ନାୟକ, ତାପସ ସ୍ୱାଇଁ ଓ ସ୍କୁଲ ପରିଚାଳନା କମିଟିର ସଭାପତି ଚକ୍ରଧର ସ୍ୱାଇଁ ପ୍ରମୁଖ ସ୍ୱର୍ଗତ ଶିକ୍ଷକଙ୍କ ସ୍ମୃତିଚାରଣ କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ବଙ୍ଗାଳିଦପାରେ ଶହେରୁ ଉର୍ଦ୍ଧ ଯୁବକ ବିଜେଡିରେ ସାମିଲ ହେଲେ |
କଟକ (ଉତ୍କଳ ନ୍ୟୁଜ ) ୧୦-୦୪-୨୦୨୪ : ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳି ତିହିଡି ବ୍ଲକ ବାରସର ପଞ୍ଚାୟତ ଅଧିନ ବଙ୍ଗାଳିଦପା ଗାଁରେ ଶହେରୁ ଉର୍ଦ୍ଧ ଯୁବକ ବିଜେଡିରେ ସାମିଲ ହୋଇଥିବା ସୂଚନା ମିଳିଛି । ପ୍ରତାପ ଦାସ, ରତ୍ନାକର ମହାକୁଡ, ଶୁକ ଦାସ ପ୍ରମୁଖଙ୍କ ନେତୃତ୍ୱରେ ଉଭୟ ବିଜେପି ଓ କଂଗ୍ରେସ ଦଳ ପରିତ୍ୟାଗ କରି ଅବିନାଶ ମହାକୁଡ, ତପନ ଦାସ, ଜୟବାଙ୍ଗଲା ପରିଡା, ଶରତ ପରିଡା, ପପୁ ଦାସ, ଶଙ୍କର୍ଷଣ ଦାସ, ସାଗର ଦାସ, ରାଜା ମହାକୁଡ, ପ୍ରେମା ମହାକୁଡ, ସମିର ଦାସ, ପୁପୁନ ମହାକୁଡ, ଗଜେନ୍ଦ୍ର ଗୋଥ, ସୁମନ ଦାସ, ଅଧର ଦାସ, ରାଜା ଦାସ, ଦିପୁନୁ ମହାକୁଡ ଓ ଲକ୍ଷ୍ମୀକାନ୍ତ ଦାସ ପ୍ରମୁଖ ଶହେରୁ ଉର୍ଦ୍ଧ ଯୁବକ ବିଜେଡିରେ ସାମିଲ ହୋଇଥିବା ଜଣାଯାଇଛି । ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଏବଂ ଚାନ୍ଦବାଲି ବିଧାୟକ ଡ. ବ୍ୟୋମକେଶ ରାୟଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଏହି ଯୁବକ ମାନେ ବିଜେଡିରେ ସାମିଲ ହୋଇଛନ୍ତି ଏବଂ ଆଗାମି ନିର୍ବାଚନରେ ବିରୋଧିଙ୍କୁ କଡ୍ଡା ଟକ୍କର ଦେବାକୁ ପ୍ରତିଶୃତି ଦେଇଛନ୍ତି । ଆୟୋଜିତ ଏକ ମିଶ୍ରଣ ପର୍ବରେ ମୁଖ୍ୟ ଅତିଥିଭାବେ ଚାନ୍ଦବାଲି ବିଧାୟକ ଡ. ବ୍ୟୋମକେଶ ରାୟ ଯୋଗଦେଇ ସେମାନଙ୍କୁ ପାଛୋଟି ନେବା ସହିତ ପୁଷ୍ପଗୁଚ୍ଛ ଓ ଦଳୀୟ ଉତ୍ତରୀୟ ପିନ୍ଧାଇ ସ୍ୱାଗତ କରିଥିଲେ ଏବଂ ତୃଣମୂଳ ସ୍ତରରେ ବିଜୁ ଜନତା ଦଳର ସ୍ୱାଭିମାନ ବଜାୟ ରଖିବାକୁ ପରାମର୍ଶ ଦେଇଥିଲେ । ସମ୍ମାନୀତ ଅତିଥିଭାବେ ଜିଲ୍ଲା ପରିଷଦ ସଭ୍ୟ ଅମୁଲ୍ୟ ମାଝୀ, ପୂର୍ବତନ ସରପଞ୍ଚ ମାନସ ସାହୁ, ମାନସ ରଞ୍ଜନ ନାୟକ, ବିପିନ୍ ରାଉତ, ପ୍ରତାପ ଦାସ, କୃଷ୍ଣଚନ୍ଦ୍ର ବାରିକ, ଗୋପିନାଥ ବାରିକ, ବଳଭଦ୍ର ମହାକୁଡ, ଅମିୟ ଦାସ, ନିଳମଣି ମାଝୀ ଓ ଦେବେନ୍ଦ୍ର ଦାସ ପ୍ରମୁଖ ଉପସ୍ଥିତ ଥିଲେ । ଚାନ୍ଦବାଲି ନିର୍ବାଚନ ମଣ୍ଡଳୀ ଅଧିନ ଏହି ତିହିଡି ବ୍ଲକର ୯ ପଞ୍ଚାୟତରେ ଗତ ପଞ୍ଚାୟତ ନିର୍ବାଚନରେ ଭୋଟ ହାର କମ୍ ରହିଥିଲା । ତେବେ ବିଧାୟକ ଶ୍ରୀ ରାୟଙ୍କ ଜନକଲ୍ୟାଣ ଯୋଜନା କାର୍ଯ୍ୟକାରୀ କରିବା ତଥା ମୌଳିକା ସୁବିଧା ସୁଯୋଗ ଯୋଗାଇ ଦେଉଥିବା ନେଇ ଦିନକୁ ଦିନ ଅନ୍ୟଦଳ ଛାଡି ବିଜୁ ଜନତା ଦଳରେ ସାମିଲ ହେଉଛନ୍ତି ଏବଂ ଆଗକୁ ଦଳ ଭଲ ଭୋଟ ବ୍ୟାଙ୍କ ସୃଷ୍ଟି କରିବା ବୋଲି ଆଶାବାଦୀ ଥିବା ଜଣାଯାଇଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...