More News
ବାଇକ ଚୋର ଗିରଫ, ୩ ବାଇକ୍ ଜବତ |
କଟକ (ଉତ୍କଳ ନ୍ୟୁଜ ) ୨୪-୦୪-୨୦୨୪ : ଭଦ୍ରକ ଜିଲ୍ଲା ତିହିଡ଼ିରେ ବାଇକ ଚୋରି ବୃଦ୍ଧି ପାଇବାରେ ଲାଗିଛି । ଚୋରି ଅଭିଯୋଗରେ ଗତ ୧୭ ତାରିଖରେ ଜଣେ ଯୁବକକୁ ଗିରଫ କରାଯିବା ସହ ତା ନିକଟରୁ ତିନୋଟି ବାଇକ୍ ଜବତ କରାଯାଇଥିବା ବେଳେ ପୁଣି ଗତକାଲି ଆଉ ଜଣେ ଯୁବକକୁ ଗିରଫ କରାଯାଇ ତା ନିକଟରୁ ମଧ୍ୟ ୩ ଖଣ୍ଡ ବାଇକ ଜବତ କରାଯାଇଛି । ଗିରଫ ଯୁବକ ହେଉଛନ୍ତି ପ୍ରଫୁଲ ନାୟକଙ୍କ ପୁଅ କାଳିଆ ଓରଫ ଦୀପକ ନାୟକ । ତାଙ୍କ ଘର ତିହିଡ଼ି ଥାନା ଅଧୀନ ତାଳପଦା ଗ୍ରାମର । ତାଙ୍କୁ ପଚରା ଉଚୁରା କରାଯିବା ପରେ ଚୋରୀ ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ପଦାକୁ ଆସିଛି । ସୂଚନା ଯୋଗ୍ୟ, ତିହିଡ଼ିରେ ବାଇକ ଚୋରି ସହ ବାଇକରୁ ତେଲ ଚୋରି, ହେଲମେଟ୍ ଚୋରି ଆଦି ଘଟଣା ପ୍ରତିଦିନ ଘଟୁଛି । ବୁଧବାର ଅପରାହ୍ନରେ କାଁପଡ଼ା ଗ୍ରାମର ସଚ୍ଚିଦାନନ୍ଦ ମଲିକ ତାଙ୍କ ବାଇକରେ ହେଲମେଟ ରଖି ଦୋକାନକୁ ଯାଇଥିଲେ । ମାତ୍ର ୫ ମିନିଟ ମଧ୍ୟରେ ଫେରିବା ପରେ ହେଲମେଟଟିକୁ କେହି ଦୁର୍ବୁତ୍ତନେଇଯାଇଛି । ସେହିପରି ଘର ସମ୍ମୁଖରେ ରହୁଥିବା ବାଇକରୁ ମଧ୍ୟ ଦୁର୍ବୁତ୍ତମାନେ ତେଲ କାଢ଼ିନେଇ ପଳାଉଛନ୍ତି । ସେହିପରି ତିହିଡ଼ି ବଜାରରେ ସାଇକେଲ ମଧ୍ୟ ଚୋରି ହୋଇଯାଉଥିବା ନେଇ ପ୍ରତିଦିନ ଖବର ଶୁଣିବାକୁ ମିଳୁଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ବିଜେପି ରୁ ପ୍ରାର୍ଥୀପତ୍ର ଦାଖଲ କଲେ ଜୁନାଗଡ଼ ବିଧାନସଭା ପ୍ରାର୍ଥୀ ମନୋଜ ମେହେର |
କଟକ (ଉତ୍କଳ ନ୍ୟୁଜ ) ୨୪-୦୪-୨୦୨୪ : କଳାହାଣ୍ଡି ଜିଲ୍ଲା ଜୁନାଗଡ଼ ନିର୍ବାଚନ ମଣ୍ଡଳୀ ପାଇଁ ଭାଜପା ବିଧାୟକ ପ୍ରାର୍ଥୀ ମନୋଜ ମେହେର ଧର୍ମଗଡ଼ ସ୍ଥିତ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ ନାମାଙ୍କନ ପତ୍ର ଦାଖଲ କରିଛନ୍ତି | ମନୋଜ ମେହେର ଙ୍କ ନେତୃତ୍ବ ରେ ହଜାର ହଜାର କର୍ମୀ ଓ ସମର୍ଥକଙ୍କ ଗହଣରେ ଏକ ବିରାଟ ଶୋଭାଯାତ୍ରା ରେ ବାହାରି ଜୁନାଗଡ଼ ହନୁମାନ ମନ୍ଦିର ରୁ ଲଙ୍କେଶ୍ୱରୀ ପୀଠ କୁ ଯାଇ ଆଶୀର୍ବାଦ ନେଇଥିଲେ | ଲୋକସଭା ପ୍ରାର୍ଥୀନୀ ମାଳବିକା କେଶରୀ ଦେଓ, ଜୁନାଗଡ ନଗର୍ ପାଲ ମୁକେଶ୍ରେ ଅଗ୍ରୱାଲ, ପୂର୍ବତନ ମନ୍ତ୍ରୀ ହିମାଂଶୁ ମେହେର୍, ପୁର୍ବତନ ନଗର୍ ପାଲ୍ ସୁଧାଂଶୁ ବରାଡ଼, ଜାଗା ମହାନ୍ତି, କୁମ୍ବଲେ ପାଣିଗ୍ରାହୀ, ଅଜୟ ପାଣିଗ୍ରାହୀ, ହିମାଂଶୁ ବରାଡ଼,ସରପଞ୍ଚ ଦିବ୍ୟ ଦୀପ୍, ବିଜୟ ଦଣ୍ଡସେନା ଏବଂ ଶତାଧିକ କର୍ମୀ ଶୋଭା ଯାତ୍ରାରେ ସାମିଲ ହୋଇଥିଲେ | ଶୋଭା ଯାତ୍ରା ପରେ ନାମlଙ୍କନ ପାଇଁ ଧର୍ମଗଡ଼ ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ଅଭିମୁଖେ ଯାତ୍ରା କରିଥିଲେ | ସେଠାରେ ଉପଜିଲ୍ଲାପାଳ ଙ୍କ ଉପସ୍ଥିତି ରେ ନାମାଙ୍କନ ଦାଖଲ କରିଥିଲେ l
କଳାହାଣ୍ଡି ରୁ ରବିଶଙ୍କର ସୁନାନୀ ଙ୍କ ରିପୋର୍ଟ ଉତ୍କଳ ନ୍ୟୁଜ l
Read More ...
Read More ...
ନିଶାରେ କବଳିତ ବ୍ରହ୍ମପୁର ପଞ୍ଚାୟତ, ପ୍ରତିବାଦ କଲା ପ୍ରଗତିଶୀଳ ମହିଳାମଞ୍ଚ |
କଟକ (ଉତ୍କଳ ନ୍ୟୁଜ ) ୨୪-୦୪-୨୦୨୪ : ନିଶାରେ କବଳିତ ଭଦ୍ରକ ଜିଲ୍ଲା ଭଦ୍ରକ ବ୍ଲକ ଅଧିନ ବ୍ରହ୍ମପୁର ପଞ୍ଚାୟତ । ଏହାର ପ୍ରତିବାଦରେ ପ୍ରଗତିଶୀଳ ମହିଳାମଞ୍ଚ ତରଫରୁ ଗ୍ରାମର ଶତାଧିକ ମହିଳା ଜିଲ୍ଲାପାଳ, ଜିଲ୍ଲା ଆରକ୍ଷୀ ଅଧିକ୍ଷ. ଜିଲ୍ଲା ଅବକାରୀ ବିଭାଗ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଓ ସାବବରଙ୍ଗ ଥାନାରେ ଫେରାଦ୍ ହୋଇଛନ୍ତି । ଏହି ପଞ୍ଚାୟତରେ ବହୁଳ ମାତ୍ରାରେ ଚୋରା ମଦ, ବ୍ରାଉନସୁଗାର, ରନ୍ଧା ମଦ, ବିଦେଶୀ ମଦ ବିକ୍ରି ହେଉଥିବା ଏବଂ ଏହାକୁ ବନ୍ଦ କରିବା ସମ୍ପର୍କରେ ଏପରି ପ୍ରତିବାଦ କରାଯାଇଛି । ଏନେଇ ମଞ୍ଚର ପୁଷ୍ପଲତା ଜେନା, ଶକୁନ୍ତଳ ପଲେଇ, ମିନୁଲତା ଜେନା, ଅରୁଣ ନାୟକ, ବାସନ୍ତୀ ଜେନା, ଆରତୀ ଜେନା, ସରୋଜିନୀ ଜେନା, ଭାରତୀ ଜେନା, ସ୍ନେହଲତା ଜେନା ଓ ରୀନା ଜେନା ପ୍ରମୁଖ ଅଧିକାରୀଙ୍କ ଦୃୃଷ୍ଟି ଆକର୍ଷଣ କରିବା ସହିତ ଯଥାଶୀଘ୍ର ନିଶା କାରବାର ବନ୍ଦ କରିବାକୁ ଦାବି କରିଛନ୍ତି । ଏଥିସହ ନିଶା କାରବାରରେ ଜଡିତ ସମସ୍ତ ଅଭିଯୁକ୍ତମାନଙ୍କ ବିରୋଧରେ ଦୃଷ୍ଟାନ୍ତ ମୂଳକ ପଦକ୍ଷେପ ନେବାକୁ ଦାବି କରାଯାଇଛି । ଏହି ଗ୍ରାମରେ ବହୁଳ ମାତ୍ରା ଚୋରା ମଦ, ରନ୍ଧା ମଦ, ଗଞ୍ଜେଇ ଓ ବ୍ରାଉନସୁଗାର ଆଦି ତେଜରାତି ପାନ ଦୋକାନରେ ବିକ୍ରି ହେଉଛି । ଗ୍ରାମର ନାବାଳକ ଠାରୁ ଆରମ୍ଭ କରି ବୟସ୍କ ଆଦି ନିଶା ସେବନ କରି ମାତାଲ ସାଜୁଛନ୍ତି । ପୁରୁଷମାନେ ଯାହାବି ରୋଜଗାର କରୁଛନ୍ତି ସେଥିରେ ଅର୍ଦ୍ଧାଧିକ ନିଶାପାଣିରେ ଯାଉଛି । ପିଲାମାନଙ୍କୁ ପାଠ ପଢାଇବା, ମେଡିକାଲ ଖର୍ଚ୍ଚ ବହନ କରିବା ଏପରିକିି ପରିବାରରେ ଦୁଇଓଳିକୁ ଦୁଇମୁଠା ଖାଇବା ବଡ କଷ୍ଟକର ହେଉଛି । ପାରିବାରିକ ଅଶାନ୍ତି ସୃଷ୍ଟି ହେଉଥିବା ବେଳେ ଗ୍ରାମରେ ଅସାମାଜିକ କାର୍ଯ୍ୟକଳାପ ଦିନକୁ ଦିନ ବୃଦ୍ଧି ପାଉଛି । ପ୍ରତିବାଦ କଲେ ଅଭିଯୁକ୍ତମାନଙ୍କ ଠାରୁ ନାନାଦି ଧମକ ଚମକ ମିଳୁଛି । ଦୈନନ୍ଦିନ ନିଶା ସେବନ ଫଳରେ କିଡନୀ ରୋଗ ଠାରୁ ଆରମ୍ଭ କରି ହୃଦ୍ରୋଗ, ଅଲସର ଓ କ୍ୟାନସର ପରି ମାରାତ୍ମକ ରୋଗରେ ପୀଡିତ ହୋଇ ଅକାରଣରେ ମୃତ୍ୟୁ ବରଣ କରୁଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଗରିବ ବିକାଶ ଯୋଜନା କାର୍ଯ୍ୟକାରୀ ହେବାରେ ବିଫଳ ହେଉଛି । ଏତତ୍ ବ୍ୟତିତ ଗ୍ରାମରେ ଚୋରୀ, ଡକାୟତି, ବାଡିବଗିଚାରୁ ଫସଲ ଚୋରୀ ଆଦି ବୃଦ୍ଧି ପାଉଛି । ଏହିସବୁ ସମସ୍ୟାର ତୁରନ୍ତ ସମାଧାନ କରିବା ସହିତ ଅଭିଯୁକ୍ତମାନଙ୍କ ବିରୋଧରେ କଠୋର ଦଣ୍ଡବିଧାନ କରିବାକୁ ମହିଳାମାନେ ଦାବି କରିଛନ୍ତି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଆଗୁଆ ସ୍କୁଲ ଛୁଟି ପାଇଁ ଛାତ୍ରଛାତ୍ରୀଙ୍କୁ ମିଳିବ ମଧ୍ୟାହ୍ନଭୋଜନ ଖର୍ଚ୍ଚ |
କଟକ (ଉତ୍କଳ ନ୍ୟୁଜ ) ୨୪-୦୪-୨୦୨୪ : ଆସନ୍ତା ଏପ୍ରିଲ ୨୫ରୁ ରାଜ୍ୟର ସବୁ ସ୍କୁଲ ଛୁଟି । ରାଜ୍ୟରେ ବଢ଼ିଚାଲିଥିବା ଖରାକୁ ଦୃଷ୍ଟିରେ ଏପରି ପଦକ୍ଷେପ ନିଆଯାଇଛି । ଏପ୍ରିଲ ୨୫ରୁ ଦ୍ୱାଦଶ ଶ୍ରେଣୀ ଯାଏଁ ସ୍କୁଲରେ ଗ୍ରୀଷ୍ମକାଳୀନ ଛୁଟି ଘୋଷଣା କରିଛନ୍ତି ରାଜ୍ୟ ସରକାର । ଏହି ସମୟରେ ସ୍କୁଲ ପିଲାଙ୍କୁ ଦିଆଯିବ ମଧ୍ୟାହ୍ନଭୋଜନ ଖର୍ଚ୍ଚ ସହ ଚାଉଳ ମଧ୍ୟ ଦିଆଯିବ । ଏନେଇ ପିଏମ ପୋଷଣ ରାଜ୍ୟ ନୋଡାଲ ଅଫିସର ରଘୁରାମ ଆର୍ ଆୟାରଙ୍କ ପକ୍ଷରୁ ସମସ୍ତ ଜିଲ୍ଲାପାଳଙ୍କୁ ଚିଠି କରାଯାଇଛି। ଏପ୍ରିଲ ୨୫ ତାରିଖରୁ ମେ ୪ ତାରିଖ ପର୍ଯ୍ୟନ୍ତ ଅର୍ଥାତ ୯ ଦିନର ଖାଦ୍ୟ ପିଲାଙ୍କୁ ଦିଆଯିବ। ମୋଟ ୧୨ ଦିନର ଛୁଟି ପାଇଁ ଅଭିଭାବକଙ୍କୁ ମଧ୍ୟାହ୍ନଭୋଜନ ସାମଗ୍ରୀର ଖର୍ଚ୍ଚ ସହ ଚାଉଳ ବଣ୍ଟନ କରାଯିବ। ରୋଷେଇ ଖାଦ୍ୟ ସାମଗ୍ରୀର ଖର୍ଚ୍ଚ ସିଧାସଳଖ ପିଲା କିମ୍ବା ଅଭିଭାବକଙ୍କ ବ୍ୟାଙ୍କ ଆକାଉଣ୍ଟକୁ ଯିବ। ୧୫ ଦିନ ମଧ୍ୟରେ ଏହି କାର୍ଯ୍ୟ ସାରିବାକୁ ନିର୍ଦ୍ଦେଶ ଦିଆଯାଇଛି।
ମନୋଜ କୁମାର ରାୟ ଙ୍କ ରିପୋର୍ଟ ଉତ୍କଳ ନିୟୁଜ
Read More ...
Read More ...
ଝିଙ୍କିରିଆରେ ଶହେ ବର୍ଷର ଶ୍ରୀରାମ ନବମୀ ଉତ୍ସବ ପରମ୍ପରା |
କଟକ (ଉତ୍କଳ ନ୍ୟୁଜ ) ୨୪-୦୪-୨୦୨୪: ଭଦ୍ରକ ଜିଲ୍ଲା ତିହିଡି ବ୍ଲକ ମୁକୁନ୍ଦପୁର ପଞ୍ଚାୟତ ଅଧିନ ଝିଙ୍କିରିଆରେ ଶହେ ବର୍ଷର ଶ୍ରୀରାମ ନବମୀ ଉତ୍ସବ ପରମ୍ପରା ବେଶ ଧୂମଧାମରେ ପାଳିତ ହେଉଅଛି । ମଙ୍ଗଳବାର ଗୋଧୂଳିବେଳାରେ ୫ଦିନ ବ୍ୟାପୀ ଚାଲୁଥିବା ଗୀତାଯଜ୍ଞର ପୂର୍ଣ୍ଣାହୂତି ସମୟରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ଶ୍ରଦ୍ଧାଳୁମାନେ ଚରୂଅନ୍ନ ସେବନ କରି ସାନିଦ୍ଧ୍ୟଲାଭ କରିଥିବା ଜଣାଯାଇଛି । ଜାତି, ଧର୍ମ ଓ ବର୍ଣ୍ଣ ନିର୍ବିଶେଷରେ ଆବାଳ-ବୃଦ୍ଧ-ବନିତା ସାମିଲ ହୋଇଥା’ନ୍ତି ଏହି ଉତ୍ସବରେ । ରାମନବମୀ ତିଥିରୁ ଆରମ୍ଭ ହୋଇଥିବା ଏହି ପରମ୍ପରା ଆସନ୍ତା ରବିବାର ସମାହିତ ହେବ । ଏଥିସହ ଏକାଦଶୀ ତିଥିରେ ଗୀତାଯଜ୍ଞ ଆରମ୍ଭ ହୋଇ ପୂର୍ଣ୍ଣମୀରେ ପୂର୍ଣ୍ଣାହୂତି ହୋଇଯାଇଛି । ଦୈନିକ ସଂଧ୍ୟାରେ ଭଜନ, କୀର୍ତ୍ତନ ସହ ପାଲା ପରିବେଷଣ ହେଉଅଛି । ସେହିପରି ଅଷ୍ଟମ ପ୍ରହରୀ କାର୍ଯ୍ୟକ୍ରମ ରହିଛି ଯାହା ଆସନ୍ତା ରବିବାର ପରିସମାପ୍ତି ହେବ ବୋଲି କମିଟି ପକ୍ଷରୁ ସୂଚନା ମିଳିଛି । ଦୈନିକ ହଜାର ହଜାର ଶ୍ରଦ୍ଧାଳୁ ଭକ୍ତ ଶ୍ରୀରାମ, ସୀତା, ଲକ୍ଷ୍ମଣ ଓ ହନୁମାନଙ୍କୁ ଦର୍ଶନ କରିବା ସହ ପ୍ରସାଦ ସେବନ କରୁଛନ୍ତି । ଶହେରୁ ଉର୍ଦ୍ଧ ବର୍ଷ ଉର୍ଦ୍ଧ ଧରି ଏହି ଗାଁରେ ଶ୍ରୀରାମ ନବମୀ ଉତ୍ସବ ପାଳିତ ହେଉଅଛି । ସବୁଠୁ ବଡ କଥା ହେଉଛି ବିଗତ ୩୫ ବର୍ଷ ଧରି ପରମ୍ପରାମତେ ରାମ, ସୀତା, ଲକ୍ଷ୍ମଣଙ୍କ ସମେତ ହନୁମାନଙ୍କ ମୃଣ୍ମୟୀ ମୂର୍ତ୍ତୀ ସ୍ôଥାପନ କରାଯାଇ ପୂଜା ପାଳନ କରାଯାଉଛି । କଳସ ଶୋଭାଯାତ୍ରା ପରେ ପୂଜା ଓ ଗୀତାଯଜ୍ଞ ଆରମ୍ଭ ହୋଇଥିଲା । ଏଠାରେ ସୂଚନା ଥାଉକି, ଏହି ଗ୍ରାମର ପ୍ରାୟ ୮ ଶହ ବର୍ଷ ପୂର୍ବେ ପାତାଳି ସଂକଟମୋଚନ ହନୁମାନଙ୍କ ଆବିର୍ଭାବ ହୋଇଥିବା କୁହାଯାଉଛି । ଜଣେ ଗ୍ରାମବାସୀ ଏହି ମନ୍ଦିର ପାଶ୍ୱର୍ରେ ଏକ ଗର୍ତ୍ତ ଖୋଳୁଥିବା ବେଳେ ମାଟିତଳୁ ଭୟଙ୍କର ଗର୍ଜନ ଶୁଣିବାକୁ ମିଳିଥିଲା । ପରବର୍ତ୍ତୀ ସମୟରେ ପ୍ରାୟ ଶହେ ବର୍ଷ ପୂର୍ବେ ଶ୍ରୀରାମଙ୍କ ପୂଜା ଆରମ୍ଭ ହୋଇଥିଲା । ପ୍ରଥମେ ଗ୍ରାମର ଭାଗବତ ସାହୁ, ପ୍ରଭାକର ପତି, ମାୟାଧର ସାହୁ ଓ ହରିହର ପଣ୍ଡା ପ୍ରମୁଖ ଏକ ଚାଳ ଛପର ଘରେ ଶ୍ରୀରାମଙ୍କ ପୂଜାରମ୍ଭ କରିଥିଲେ । ସେହିପରି ପ୍ରାୟ ୨୩ ବର୍ଷ ପୂର୍ବେ ଗୀତାଯଜ୍ଞ ଆରମ୍ଭ ହୋଇଛି । ରାମନବମୀରେ କର୍ତ୍ତାଭାବେ ବିପ୍ଳବ ରଞ୍ଜନ ପତି ଓ ଇତିଶ୍ରୀ କରଶର୍ମା, ମହାଯଜ୍ଞରେ କର୍ତ୍ତାଭାବେ ବିରେନ୍ଦ୍ର ସାହୁ ଓ ମୌସୁମୀ ସାହୁ, ଅଷ୍ଟମ ପ୍ରହରୀରେ ମୁଖ୍ୟ ନେତୃତ୍ୱ ନେଇଛନ୍ତି ଅମୁଲ୍ୟ ଜେନା । ଶ୍ରୀରାମଙ୍କ ପୂଜକ ଭାବେ ରତ୍ନାକର ମିଶ୍ର ଓ ତାରାକାନ୍ତ ପତି କାର୍ଯ୍ୟ ତୁଲାଉଥିବା ବେଳେ ଯଜ୍ଞରେ ମୁଖ୍ୟ ପୁରୋଧା ଭାବେ ବିରେନ୍ଦ୍ର ମିଶ୍ର, ଗୟାଧର ପଣ୍ଡା, ଜନ୍ମେଜୟ ସାମନ୍ତ, ବିମଳ ସାମନ୍ତ, ମାଧବାନନ୍ଦ ମିଶ୍ର ଓ ତପନ ମିଶ୍ର ପ୍ରମୁଖ ବେଦ ପଣ୍ଡିତ ଦାୟିତ୍ୱ ନିର୍ବାହ କରିଥିଲେ । କମିଟିର ସଭାପତି ଚିନ୍ତାମଣି ଦାସ, ସମ୍ପାଦକ ସୁଧାଂଶୁ ଶେଖର ନାୟକ, ବସନ୍ତ କୁମାର ପତି, ପଦ୍ମଲୋଚନ ପତି, ବିରେନ୍ଦ୍ର ସାହୁ, ବିପ୍ଳବ ରଞ୍ଜନ ପତି, ଭୁବନ ମୋହନ ମହାରଣା, ଶୁସାନ୍ତ ବାରିକ, ରଘୁନାଥ ପତି, କମଳାକାନ୍ତ ମହାଳିକ, ବିଘ୍ନେଶ୍ୱର ପଣ୍ଡା, ଜାମିନୀ ମୋହନ ପାଢୀ, ଚନ୍ଦ୍ରମଣି ତ୍ରିପାଠୀ, ନିଜୟ ରାଉଳ ଓ ଲକ୍ଷ୍ମୀକାନ୍ତ ପତିଙ୍କ ସମେତ ଗ୍ରାମବାସୀ ଓ ଯୁବଗୋଷ୍ଠି ପ୍ରମୁଖ ପରିଚାଳନା କରୁଛନ୍ତି । ବିଭିନ୍ନ ଦିବସରେ ଏହି ଉତ୍ସବକୁ ପୂର୍ବତନ ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳ, କଂଗ୍ରେସ ଜିଲ୍ଲା ସଭାପତି ଅଶୋକ ଦାସ, ବିଜେଡି ନେତା ଦୁର୍ଗାଦତ୍ତ ରାଉତରାୟ, ବିଜେପି ନେତା ଦୀନବନ୍ଧୁ ପତି ପ୍ରମୁଖ ଶ୍ରୀରାମ ନବମୀ, ପାତାଳି ହନୁମାନ ଦର୍ଶନ ପୂର୍ବକ ମହାଯଜ୍ଞର ପୂର୍ଣ୍ଣାହୂତିରେ ଯୋଗଦେଇ ସାନିଧ୍ୟ ଲାଭ କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ପ୍ରେମିକା ନେଇ ପ୍ରେମିିକ ଛୁ ମାରୁଥିବା ବେଳେ ବୃଦ୍ଧଙ୍କ ସହ ଧକ୍କା, ୩ ଗୁରୁତର |
କଟକ (ଉତ୍କଳ ନ୍ୟୁଜ ) ୨୩-୦୪-୨୦୨୪ : ପ୍ରେମିକା ନେଇ ପ୍ରେମିିକ ଛୁ ମାରୁଥିବା ବେଳେ ବୃଦ୍ଧଙ୍କ ସହ ଧକ୍କା, ୩ ଗୁରୁତର । ହଁ ଆଜ୍ଞା ଏପରି ଅଘଟଣ ଘଟିଛି ଭଦ୍ରକ-ଚାନ୍ଦବାଲିି ରାଜ୍ୟ ରାଜପଥ ଦୁର୍ଘଟଣା ପ୍ରବଳ ଅଞ୍ଚଳ ଭାବେ ସପରିଚିତ ପୀରହାଟ କାନପୁର ଘୋଷରାରେ । ଉକ୍ତ ଦୁର୍ଘଟଣାରେ ପ୍ରେମିକ ପ୍ରବର ଓ ବୃଦ୍ଧ ଗୁରୁତର ଆହତ ହୋଇଥିବା ବେଳେ ପ୍ରେମିକା ଆହତ ହୋଇଥିବା ସୂଚନା ମିଳିିଛି । ପୋଲିସ ପହଁଞ୍ôଚ ସେମାନଙ୍କୁ ଉଦ୍ଧାର କରିବା ସହିତ ଆମ୍ବୁଲାନ୍ସ ଯୋଗେ ତିହିଡି ମେଡିକାଲ ପଠାଇଥିଲା । ଆଶୁ ଚିକିତ୍ସା ପରେ ସମସ୍ତଙ୍କୁ ଭଦ୍ରକ ସ୍ଥାନାନ୍ତର କରାଯାଇଥିବା ବେଳେ ଗୁରୁତର ଆହତ ପ୍ରେମିକ ଓ ବୃଦ୍ଧ ସଂପ୍ରତି କଟକ ବଡ ଡାକ୍ତରଖାରେ ଭର୍ତ୍ତୀ ହୋଇଛନ୍ତି । ବିଚରା ପ୍ରେମିକା ଜଣକ ଏକୁଟିଆ ଭଦ୍ରକ ମେଡିକାଲରେ ଚିକତ୍ସାଧିନ ହେଉଥିବା ଜଣାଯାଇଛି । ତେବେ ଦୁର୍ଘଟଣା ଘଟାଇଥିବା ପ୍ରେମିକଙ୍କ ବାଇକ୍ ଓ ପ୍ରେମିକାଙ୍କ ବ୍ୟାଗକୁ ପୋଲିସ ଥାନାରେ ରଖି ତଦନ୍ତ କରୁଥିବା ଜଣାଯାଇଛି । ତେବେ ପ୍ରେମିକା ଓ ପ୍ରେମିକଙ୍କ ପ୍ରକୃତ ପରିଚୟ ପୋଲିସ ଜାଣିନଥିବା ବେଳେ ବୃଦ୍ଧଙ୍କ ପରିଚୟ ମିଳିଛି । ତାଙ୍କ ନାମ ସୁରେନ୍ଦ୍ର ଦାସ ଘର କାନପୁର ବୋଲି ଜଣାଯାଇଛି । ସୋମବାର ସଂଧ୍ୟା ପ୍ରାୟ ୭.୪୦ ଘଟିକାରେ ଘଟିଥିଲା ଦୁର୍ଘଟଣା । ଏକ ବାଇକ୍ ଯୋଗେ ଭଦ୍ରକ ଅଭିମୁଖେ ଯାଉଥିଲେ ପ୍ରେମିକା ଓ ପ୍ରେମିକ । ପ୍ରେମିକାକୁ ଘରୁ ଉଠାଇ ଆଣି ବାହାରକୁ ପଳେଇ ଯାଉଥିବା ଅନୁମାନ କରାଯାଉଛି । ମନରେ ଭୟ ଓ ଅତି ଦୃତଗତିରେ ଯାଉଥିବା ବେଳେ ବୃଦ୍ଧଙ୍କୁ ଧକ୍କା ଦେଇଥିବା କୁହାଯାଉଛି । ତେବେ ସେ ଯାହା ହେଉନା କାହିଁକି ବୃଦ୍ଧ ଜଣଙ୍କ ଗୁରୁତର ହୋଇଥିବା ନେଇ ସ୍ଥାନୀୟ ଅଞ୍ଚଳରେ ଦୁଃଖ ପ୍ରକାଶ ପାଇଛି । ପୂର୍ବରୁ ପୀରହାଟ ପ୍ରଦେଶ ସେବା ସଂଗଠନ ପକ୍ଷରୁ କାନପୁରରୁ ପୀରହାଟ ପର୍ଯ୍ୟନ୍ତ ରାସ୍ତାର ଲାଇଟ୍ ଖଞ୍ଜିବା ଲାଗି ବିଧାୟକଙ୍କ ନିକଟରେ ଦାବି କରାଯାଇଥିଲା । ବିଧାୟକ ଦୁଃଖ ଶୁଣିଲେ ମାତ୍ର ରାଜନୈତିକି ଚକ୍ରାନ୍ତରେ ତାହା ପୀରହାଟ ବଜାରରୁ ଆରମ୍ଭ ହୋଇ ଅଧା ବାଟରେ ରହିଲା । ପୁଣି ଦାବି କରାଗଲା ହେଲେ ଶୁଣିଲେନି କେହି । ଧାମରା ବନ୍ଦର କମ୍ପାନୀ ପକ୍ଷରୁ ଗୋଟିଏ ଲାଇଟ୍ ପୋଷ୍ଟ ଲାଗି କାନପୁର ଆଶ୍ରମ ସ୍କୁଲ ନିକଟରେ ହେଲେ ତାହାବି ଅଚଳ । ଅନ୍ଧାର ପାଇଁ ପ୍ରତି ମୂହୁର୍ତ୍ତରେ ଦୁର୍ଘଟଣା ଘଟୁଛି । ଯାହାକୁ ନେଇ ଭିନ୍ନ ପ୍ରତିକ୍ରିୟା ପ୍ରକାଶ ପାଉଛି । ଦୁର୍ଘଟଣା ପ୍ରବଣ କାନପୁର ଘୋଷରାକୁ ସମ୍ପୂର୍ଣ୍ଣ ଆଲୋକି କରଣ କରାନଗଲେ ଆଗାମି ଦିନରେ ପ୍ରଦେଶ ସଂଗଠନ ଉଚିତ ଜବାବ ଦେବ ବୋଲି ଶୁଣାଯାଉଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...
Read More ...
ଭଦ୍ରକ-ଚାନ୍ଦବାଲି ରାସ୍ତାରେ ଦୁର୍ଘଟଣା, ଜଣେ ମୃତ, ଜଣେ ଗୁରୁତର |
କଟକ (ଉତ୍କ ନ୍ୟୁଜ ) ୨୩-୦୪-୨୦୨୪ : ଭଦ୍ରକ-ଚାନ୍ଦବାଲି ରାସ୍ତାରେ ସୋମବାର ରାତ୍ରି ପ୍ରାୟ ସାଢ଼େ ଦଶଟା ସମୟରେ ଏକ ସଡ଼କ ଦୁର୍ଘଟଣାରେ ଜଣେ ଯୁବକର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁରତ ଆହତ ହୋଇଥିବା ସୂଚନା ମିଳିଛି । ତିହିଡ଼ି ଫତେପୁର ଛକ ତାରିଣୀ ମନ୍ଦିର ସମ୍ମୁଖରେ ଭଦ୍ରକ-ଚାନ୍ଦବାଲି ରାସ୍ତା ପାଶ୍ୱର୍ରେ ଛିଡ଼ା ହୋଇଥିବା ବାଲି ବୋଝେଇ ହାଇୱାକୁ ଏକ ବାଇକ୍ ପଛରୁ ପିଟିଥିଲା । ଘଟଣାସ୍ଥଳରେ ଜଣେ ଯୁବକର ମୃତ୍ୟୁ ହୋଇଯାଇଥିବା ବେଳେ ଅନ୍ୟଜଣେ ଯୁବକ ଗୁରୁତର ଆହତ ହୋଇଥିଲେ । ଆହତଙ୍କୁ କଟକ ସ୍ଥାନାନ୍ତର କରାଯାଇଛି । ମୃତ ଯୁବକ ଜଣକ ହେଉଛନ୍ତି ପ୍ରଫୁଲ ବେହେରାଙ୍କ ପୁଅ ସତ୍ୟବ୍ରତ ବେହେରା (୨୮) । ତାଙ୍କ ଘର ପୁରୀ ଜିଲା ଡେଲାଙ୍ଗରେ ବୋଲି ଜଣାଯାଇଛି । ଆହତ ଯୁବକ ହେଉଛନ୍ତି ଶଂଖାଳି ପାଣ୍ଡବଙ୍କ ପୁଅ ଗଣେଣ ପାଣ୍ଡବ (୨୯) । ତାଙ୍କ ଘର ପୀରହାଟ ଥାନା ଅଧୀନ ହରିସିଂହପୁର ପଞ୍ଚାୟତ ମାଣକାହାଣୀ ଗ୍ରାମ ଚଣ୍ଡିସାହିରେ ବୋଲି ଜଣାପଡ଼ିଛି । ସତ୍ୟବ୍ରତ ପୀରହାଟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଅଧୀନରେ ୧୦୮ ଆମ୍ବୁଲାନ୍ସ ଡ୍ରାଇଭର ଭାବେ କାର୍ଯ୍ୟ କରୁଥିବା ବେଳେ ଗଣେଶ ମଧ୍ୟ ସେହି ସ୍ୱାସ୍ଥ୍ୟକେନ୍ଦ୍ରରେ ୧୦୨ ଆମ୍ବୁଲାନ୍ସର ଡ୍ରାଇଭର ଭାବେ କାର୍ଯ୍ୟକରନ୍ତି । ଉଭୟ ଏକ ବାଇକ୍ରେ ତିହିଡ଼ିରୁ ପୀରହାଟ ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଗୋ ଗ୍ରାମ ଗରିବ ମୁଦ୍ଦାନେଇ ନିର୍ବାଚନ ମୈଦାନରେ ବିକାଶ ଚନ୍ଦ୍ର ସାହୁ |
କଟକ (ଉତ୍କଳ ନ୍ୟୁଜ ) ୨୨-୦୪-୨୦୨୪ : ଗୋ ଗ୍ରାମ ଗରିବ ମୁଦ୍ଦାନେଇ ନିର୍ବାଚନ ମୈଦାନରେ ବିକାଶ ଚନ୍ଦ୍ର ସାହୁ । ପୂର୍ବତନ ରାଷ୍ଟ୍ରୀୟ ସ୍ୱୟଂ ସେବକ ସଂଘର କାର୍ଯ୍ୟକର୍ତ୍ତା ବିକାଶ ଚନ୍ଦ୍ର ସାହୁ ସ୍ୱାଧୀନ ପାର୍ôଥ ଭାବେ ଭଦ୍ରକ ଜିଲ୍ଲା ଚାନ୍ଦବାଲି ବିଧାନସଭା ଆସନ ପାଇଁ ନିର୍ବାଚନ ଲଢ଼ିବେ । ଏନେଇ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି । ବିଜେଡି ଓ ବିଜେପି ମଧ୍ୟରେ ଟଣାଓଟରା ଚାଲିଥିବା ବେଳେ ଏହାରି ମଧ୍ୟରେ କଂଗ୍ରେସ ଫାଇଦା ନେବା ଲାଗି ତୈଆର ହେଉଥିବା ବେଳେ ବିକାଶଙ୍କ ସ୍ୱାଧିନଭାବେ ମୈଦାନରେ ଝାସ ଦେବା ଘଟଣା ସଂପ୍ରତି ବେଶ ଚର୍ଚ୍ଚା ହେଉଛି । ଗୋ ଆଧାରିତ ଗ୍ରାମ ବିକାଶ, ଗୋ ସମ୍ପତ୍ତିର ସୁରକ୍ଷା ଲକ୍ଷ୍ୟନେଇ ରାଜନୀତିରେ ପାଦ ଥାପିବାକୁ ଯାଉଛନ୍ତି । ସଂଘ ପରିବାରର ବିଚାର ଧାରାରେ କାର୍ଯ୍ୟ କରିବା ସହିତ ଲୋକଙ୍କୁ ମୌଳିକ ସୁବିଧା ସୁଯୋଗ ଯୋଗାଇ ଦେବା, ଗୋ ବଂଶର ରକ୍ଷା କରିବା ଏବଂ ଗୋ ଚାଷ କରି ଜୀବିକା ନିର୍ବାହ କରିବା ଆଦି ଅନେକ ବାର୍ତ୍ତା ନେଇ ଆଗେଇ ଆସିଛନ୍ତି । ଜଣେ ସଚ୍ଚା ହିନ୍ଦୁଭାବେ ଦୀର୍ଘ ୨୦ ବର୍ଷ ଧରି ରାଷ୍ଟ୍ରିୟ ସ୍ୱୟଂ ସେବକ ପ୍ରଚାରକ ଭାବେ ଭଦ୍ରକ, ଯାଜପୁର ଓ ବାଲେଶ୍ୱର ଜିଲ୍ଲାରେ କାର୍ଯ୍ୟ କରିଆସୁଛନ୍ତି । ଏଥିସହ ବଜରଙ୍ଗ ଦଳ ହେଉ ଅଥବା ବିଶ୍ୱ ହିନ୍ଦୁ ପରିଷଦର ଆଦର୍ଶରେ ଅନୁପ୍ରାଣିତ ହୋଇ ନିଜକୁ ସୁସଜ୍ଜିତ ହୋଇ ପାରିଛନ୍ତି । ସାଧାରଣ ଲୋକଙ୍କ ସମସ୍ୟାର ସମାଧାନ କରାଯାଉନଥିବାରୁ ବିଭିନ୍ନ ସମୟରେ ସମାଜରେ ବାଦାନୁବାଦ ସୃଷ୍ଟି ହେଉଛି । ଯାହାର ସମାଧାନ କରିବା ନିମନ୍ତେ ସେ ସ୍ୱାଧିନ ଭାବେ ପ୍ରାର୍ଥି ହେବାକୁ ଯାଉଛନ୍ତି ବୋଲି କହିଛନ୍ତି । ବିଗତ କିଛି ମାସ ହେବ ସାମାଜିକ ସଂଗଠକ ଭାବରେ ଗୋ-ଗ୍ରାମ ସେବା ଓ ଗୋ ସୁରକ୍ଷା ଦିଗରେ ପ୍ରଚେଷ୍ଟା ଜାରି ରଖିଛନ୍ତି ବିକାଶ । ଉକ୍ତ ସଂଗଠନରେ ୫ ଶହରୁ ଉର୍ଦ୍ଧ ସେବକଙ୍କ ପରାମର୍ଶକ୍ରମେ ସ୍ୱାଧିନ ଭାବେ ରାଜନୀତି ମୈଦାନରେ ଅବତୀର୍ଣ୍ଣ ହେବାକୁ ଯାଉଛନ୍ତି ବୋଲି କହିଛନ୍ତି । ଆରଏସଏସ, ବଜରଙ୍ଗ ଦଳ ଓ ବିଶ୍ୱ ହିନ୍ଦୁ ପରିଷଦର କର୍ମୀମାନଙ୍କ ସହଯୋଗ ପାଇବେ ବୋଲି ଦୃଢୋକ୍ତି ସହ ପ୍ରକାଶ କରିଛନ୍ତି । ଏତତ୍ବ୍ୟତିତ ସ୍ଥାନୀୟ ଲୋକଙ୍କ ଭଲ ପାଇବା ତାଙ୍କୁ ଏକ ବିକଶିତ ସମାଜ ଗଠନରେ ସହାୟକ ହେବ ବୋଲି ସେ ବେଶ ଆଶାବାଦୀ ଅଛନ୍ତି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
"ପରିବର୍ତ୍ତନ" ନାବାଳକ ନିଶା ମୁକ୍ତି ଓ ପୁନର୍ବାସ କେନ୍ଦ୍ର ର ୯ ଜଣ ଅନ୍ତେବାସୀ ବିଦ୍ୟାଳୟ ଶିକ୍ଷା ଗ୍ରହଣ |
କଟକ (ଉତ୍କଳ ନ୍ୟୁଜ ) ୨୨-୦୪-୨୦୨୪ : ଆଜି ଓଡିଶା କଟକ ଚୌଦ୍ୱାର ରେ ଥିବା ର ଏକମାତ୍ର ନିଶା ସେବନ କାରୀ ନାବାଳକ ଙ୍କ ନିମନ୍ତେ ଥିବା "ପରିବର୍ତ୍ତନ" " କିଶୋର ନିଶାମୁକ୍ତି ଓ ପୁନର୍ବାସ କେନ୍ଦ୍ର" ର ୯ ଜଣ ଅନ୍ତେବାସୀ ଆଜି ଶୁଭ ଦିବସ ରେ ବିଦ୍ୟାଳୟ ଶିକ୍ଷାଦାନ ନିମନ୍ତେ ସ୍ଥାନୀୟ ଜନ୍ମେଞ୍ଜୟ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରେ ନାମ ଲେଖାଇଲେ l ସୂଚନା ଯୋଗ୍ୟ ଯେ ଏହି ପରିବର୍ତନ ନିଶା ମୁକ୍ତି ଓ ପୁନର୍ବାସ କେନ୍ଦ୍ର ଟି ଓଡିଶା ର ଏକମାତ୍ର ନିଶାସେବନ କରୁଥୁବା ନାବାଳକ ଭବିଷ୍ୟତ ଗଠନ ପାଇଁ ଉଦିଷ୍ଟ l ତେଣୁ ଏହି କେନ୍ଦ୍ର ରେ ବର୍ତମାନ ଓଡିଶା ର ପ୍ରାୟତ ଜିଲ୍ଲା ରୁ ୨୬ ଜଣ ରହୁଥିବା ସମୟ ରେ ସୁସ୍ଥ ହୋଇ ୩ ଜଣ ସୁସ୍ଥ ହୋଇ ଘରକୁ ଫେରିଥିବା ସମୟ ରେ ବର୍ତ୍ତମାନ ୨ ୩ ଜଣ ଅନ୍ତେବାସୀ କେନ୍ଦ୍ର ରେ ଅଛନ୍ତି l ସମୁଦାୟ 18 ଜଣ ଅନ୍ତେବାସୀ ଧୀରେ ଧୀରେ ପରିବର୍ତନ ହେବା ସହ ବିଦ୍ୟାଳୟ ଶିକ୍ଷା ଗ୍ରହଣ କରୁଛନ୍ତି l ଏହି ସଫଳତା ର ଶ୍ରେୟ କେନ୍ଦ୍ର ଦାୟିତ୍ୱ ରେ ଥିବା ପ୍ରିୟଙ୍କା ଦାସ, ବଦ୍ରି ନାରାୟଣ ଅଧିକାରୀ ଓ ସୁବ୍ରତ ତ୍ରିପାଠୀ ଙ୍କୁ ଦିଆଯିବ ବୋଲି କେନ୍ଦ୍ର ଅଧ୍ୟକ୍ଷ ଶ୍ରୀଯୁକ୍ତ ନରୋତ୍ତମ ଦାସ ପ୍ରକାଶ କରିଛନ୍ତି l ଏହି କେନ୍ଦ୍ର ଟି ଅନ୍ତେବାସୀ ଙ୍କୁ ସମ୍ପୂର୍ଣ ଦେୟମୁକ୍ତସେବା ଯୋଗାଇ ଆସୁଛି l ଏହି କେନ୍ଦ୍ର କୌଣସି ସରକାରୀ ସୁବିଧା ପାଇ ନାହିଁ l ଚୌଦ୍ୱାର ଅଞ୍ଚଳ ରେ ଏହି ଭଳି ଉଦ୍ଧାର ଫାଉଣ୍ଡେସନ ସଂଗଠନ ପରି ଏକ ସାମଜିକ ସଂଗଠନ ଦ୍ୱାରା ପରିଚାଳିତ "ପରିବର୍ତନ" "କିଶୋର ନିଶା ମୁକ୍ତି ଓ ପୁନର୍ବାସ କେନ୍ଦ୍ର" ର ଉଜ୍ୱଳ ଭବିଷ୍ୟତ କାମନା କରି ଚୌଦ୍ୱାର ର ବୁଦ୍ଧିଯିଵୀ ତଥା ଉପଦେଷ୍ଟା ମଣ୍ଡଳୀ ଙ୍କ ମଧ୍ୟରୁ ଶିକ୍ଷାବିତ ଶ୍ରୀଯୁକ୍ତ ସୁକାନ୍ତ କୁମାର ମହାନ୍ତି,ଆଇନୀଜିବି ମନ୍ଦାକିନୀ ଜେମା, ବସୁନ୍ଧରା ନିର୍ଦ୍ଧେଶିକା ଶୈଳ ବେହେରା, ଚୌଦ୍ୱାର ହିନ୍ଦ ସେବକ ସଙ୍ଘ ର ସଭାପତି ଦାମୋଦର ସାହୁ, ଉତ୍କଳ ସେବକ ସମାଜ ନିର୍ଦେଶକ ଅମୀୟ କୁମାର ବିଶ୍ୱାଳ ଓ କ୍ଲାପ ଆଇନି ସେବା ସଂସ୍ଥା ନିର୍ଦେଶକ ବିକାଶ ଦାସ ଓ ଉଦ୍ଧାର ଫାଉଣ୍ଡେସନ ଅଧ୍ୟକ୍ଷା ଭାରତୀ ଦାସ ପ୍ରମୁଖ ଧନ୍ୟବାଦ ଜଣାଇ ଥିଲେ ଲ
Read More ...
Read More ...
ବୁଲୁ ପଟ୍ଟନାୟକଙ୍କ ବାଇକ୍ ଶୋଭାଯାତ୍ରାରେ ଦୁଲୁକିଲା ଭଦ୍ରକ ସହର |
କଟକ (ଉତ୍କଳ ନ୍ୟୁଜ ) ୨୨-୦୪-୨୦୨୪ : ବୁଲୁ ଓରଫ୍ ଅସିତ ପଟ୍ଟନାୟକଙ୍କୁ ସ୍ୱାଗତ କରିବା ଲାଗି ଆୟୋଜିତ ବାଇକ୍ ଶୋଭାଯାତ୍ରାରେ ଦୁଲୁକିଲା ଭଦ୍ରକ ସହର । ହଜାର ହଜାର ସମର୍ଥକଙ୍କ ସୁଅ ଛୁଟିଥିଲା । ମାତ୍ର କେଇ ମିନିଟ୍ରେ କିଏ କେଉଁଠୁ ଏତେମାତ୍ରାରେ ଆସିଲେ ତାହାର ହିସାବ କାହାରି ପାଖରେ ନଥିଲା । ଜନସମର୍ଥନରେ ଜନସମୂଦ୍ର ପାଲଟିଥିଲା ପୁରା ଭଦ୍ରକ ସହର ଆଉ ଟ୍ରାଫିକ୍ ଜାମ ମଧ୍ୟ ହୋଇଯାଇଥିଲା । କଂଗ୍ରେସ ଦଳର କର୍ମୀଙ୍କ ବ୍ୟତିତ ଶହଶହ ସମର୍ଥକ ନିଜକୁ ଯୁଗଳ ପଟ୍ଟନାୟକଙ୍କ ଲିଗାସି ବୋଲି ନାରା ଦେଉଥିଲେ । ଏହି ସମୟରେ ଏକାଧିକ ଆମ୍ବୁଲାନ୍ସ ମଧ୍ୟ ଅଟକି ରହିଥିଲା । ଯାହାକୁ ନେଇ ସାଧାରଣ ଲୋକେ ପ୍ରଶାସନ ବିରୋଧରେ ଅସନ୍ତୋଷ ବକ୍ତ କରିଥିଲେ । ପୋଲିସ ବି ବାଟ ପାଇଲେନି ନିୟନ୍ତ୍ରଣ କରିବାକୁ । କିଛି ଘଣ୍ଟା ପାଇଁ ପଥିକ ଠାରୁ ଆରମ୍ଭ କରି ସାଧାରଣ ଲୋକେ ଯାତାୟତ କରିବା କଷ୍ଟକର ହୋଇଯାଇଥିଲା । ପୁରୁଣା ବଜାର, କଚେରୀ ବଜାର ଓ ଚରମ୍ପା ଆଡୁ ଅସଂଖ୍ୟ ସମର୍ଥକ ବାଇକ୍ ଯୋଗେ ଆସି ଗୋଶାଳା ନିକଟରେ ଏକତ୍ରିତ ହୋଇଥିଲେ । ବୁଲୁ ପଟ୍ଟନାୟକଙ୍କ ବାସଭବନ ନିକଟରୁ ବାହାରିଥିବା ବାଇକ୍ ଶୋଭାଯାତ୍ରା ନୂଆ ବସଷ୍ଟାଣ୍ଡରେ ଅଟକିଥିଲା । ଚାରିଆଡୁ ସମର୍ଥକମାନେ ଆସିବା ପରେ ତାରିଣୀ ଛକରୁ ମିଳିତଭାବେ ଶୋଭାଯାତ୍ରା ଆରମ୍ଭ ହୋଇଥିଲା । ଏକ ଖୋଲା ଗାଡିରେ ବୁଲୁଙ୍କ ସମେତ ଭଦ୍ରକ ସାଂସଦ ପ୍ରାର୍ଥ ଅନନ୍ତ ସେଠୀ, ଧାମନଗର ପ୍ରାର୍ôଥ ନିରଞ୍ଜନ ପଟ୍ଟନାୟକ, ଜିଲ୍ଲା ସଭାପତି ଅଶୋକ ଦାସ, ଯୁବ ନେତା ନଲିନୀକାନ୍ତ ମହାନ୍ତି, ପ୍ରକାଶଜ୍ୟୋତି ମହାକୁଡ, ସୁବ୍ରତ ଦାସ ଓ ଦଳିତ ନେତା ରାଜେନ୍ଦ୍ର ଜେନା ପ୍ରମୁଖ ସାମିଲ ହୋଇଥିଲେ । ଆଗ ପଛରେ ଶହସ୍ରାଧିକ ସମର୍ଥକ ସେମାନଙ୍କୁ ପାଛୋଟି ନେଇଥିଲେ ପୁରୁଣା ବଜାର ଆଡକୁ । ବଜାର ପରିକ୍ରମା କରିବା ସମୟରେ କଗ୍ରେସ ତାର ନିର୍ବାଚନୀ ଇସ୍ତାହାର ସମ୍ପର୍କିତ ନାରା ଦେଇଥିଲା । ଫେରିବା ପରେ କଂଗ୍ରେସ କାର୍ଯ୍ୟାଳୟରେ ବୁଲୁଙ୍କ ଭବ୍ୟ ସମ୍ବର୍ଦ୍ଧନା ପ୍ରଦାନ କରିବା ସହିତ ବିଜୟୀ କରିବାକୁ କାର୍ଯ୍ୟକର୍ତ୍ତାମାନେ ସଂକଳ୍ପ ନେଇଥିଲେ । ତେବେ ଭଦ୍ରକରେ ମେଡିକାଲ କଲେଜ ଓ ବିଶ୍ୱ ବିଦ୍ୟାଳୟ ଖୋଲିବା ସହିତ ସାଳନ୍ଦି ସଂସ୍କାର ଉପରେ ପ୍ରାଧ୍ୟାନ୍ୟ ଦେବେ ବୋଲି ବୁଲୁ ପଟ୍ଟନାୟକ ପ୍ରତିଶୃତି ଦେଇଥିଲେ । ଅନ୍ୟପଟେ ବିଜେଡି ପ୍ରାର୍ôଥ ପ୍ରଫୁଲ ସାମଲ ବରପଦା ଇଞ୍ଜିନିୟରିଂ କଲେଜ ବିବାଦରେ ଛନ୍ଦି ହୋଇଥିବା ଏବଂ ବ୍ୟାପକ ଦୂର୍ନୀତି ନେଇ ଅର୍ଥନୈତିକ ଅପରାଧ ଶାଖା ଦ୍ୱାର ବାରମ୍ବାର ତଦନ୍ତର ସାମନା କରୁଥିବା ଏବଂ ବିଜେପି ପ୍ରାର୍ଥି ଜଣେ ମଦ ମାଫିଆ ଏବଂ ଘରେ ଘରେ ମଦୁଆ ତିଆରୀ କରିବା ତାଙ୍କର ମୂଳ ମନ୍ତ୍ର ଯାହାକୁ ଭୋଟରମାନେ ଉଚିତ୍ ଦେବେ ବୋଲି ପ୍ରତିକ୍ରିୟାରେ ପ୍ରକାଶ କରିଥିଲେ । ଉକ୍ତ ଶୋଭାଯାତ୍ରାରେ ହଜାର ହଜାର ସମର୍ଥକଙ୍କ ସମାଗମ ରାଜ୍ୟ ରାଜନୀତି ପାଇଁ ଏକ ବିଶାଳ ଝଲକ ବୋଲି କୁହାଯାଉଛି । ଏଠାରେ ସୂଚନା ଥାଉକି, ପୂର୍ବତନ ମନ୍ତ୍ରୀ ଯୁଗଳ କିଶୋର ପଟ୍ଟନାୟକଙ୍କ ପୁଅ ହେଉଛନ୍ତି ବୁଲୁ ଓରଫ୍ ଅସିତ ପଟ୍ଟନାୟକ । ବିଗତ କିଛି ବର୍ଷ ହେବ ଏହି ପରିବାର ବିଜେଡିର ସକ୍ରିୟ ସଂଗଠକଭାବେ କାର୍ଯ୍ୟ କରିଆସୁଛନ୍ତି । ୨୦୧୯ରେ ଦଳୀୟ ଟିକେଟ୍ ପାଇଁ ଆଶାୟୀ ଥିଲେ ବୁଲୁ । ଟିକେଟ୍ ମିଳିନଥିଲେ ମଧ୍ୟ ବିଜେଡି ପ୍ରାଥିଙ୍କୁ ଜିତାଇବାରେ ସହଯୋଗ କରିଥିଲେ । ପୂନଶ୍ଚ ଚଳିତ ବର୍ଷ ପାଇଁ ଆଶାୟୀ ଥିଲେ ମାତ୍ର ଦଳ ପକ୍ଷରୁ ପ୍ରତ୍ୟାଖାନ କରାଯିବାରୁ ସେ କିଛି ଦିନ ପୂର୍ବରୁ ନିଜର ଶହଶହ ସମର୍ଥକମାନଙ୍କ ଗହଣରେ କଂଗ୍ରେସରେ ଯୋଗଦେଇଥିଲେ ଏବଂ କଂଗ୍ରେସ ତାଙ୍କ ଉପରେ ବିଶ୍ୱାସ କରି ଟିକେଟ୍ ଦେଇଛି । ଉଭୟ ଅସିତ ଓ ଯୁଗଳଙ୍କ ପକେଟ୍ ଭୋଟ ରହିଛି ସେମାନେ ଯଦି ସମର୍ଥନ କରନ୍ତି ତେବେ ତାଙ୍କ ବିଜୟ ସହଜସାଧ୍ୟ ବୋଲି ଚର୍ଚ୍ଚା ହେଉଛି । ତେବେ ଆଗକୁ ଭୋଟର କାହା ମୁଣ୍ଡରେ ସୁନ କଳସ ଢାଳିବେ ତାହା ଏବେ ଠାରୁ କହିବା ବାହୁଲ୍ୟ ।
ଭଦ୍ରକରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଧାମନଗରରେ ନିର୍ବାଚନୀ ବାତାବରଣ ସରଗରମ |
କଟକ (ଉତ୍କଳ ନ୍ୟୁଜ ) ୨୦-୦୪-୨୦୨୪ : ଆସନ୍ତା ସାଧାରଣ ନିର୍ବାଚନ ପରିପ୍ରେକ୍ଷୀରେ ଧାମନଗର(ସଂରକ୍ଷିତ) ଆସନ ଲାଗି ୩ ପ୍ରମୁଖ ଦଳ ବିଜେପି, ବିଜେଡି ଓ କଂଗ୍ରେସର ପ୍ରାର୍ଥୀ ଘୋଷିତ ହେବା ପରେ ଏଠାକାର ରାଜନୀତି ବେଶ ସରଗରମ ହୋଇଉଠିଛି । ଏଥର ନିର୍ବାଚନରେ ଏଠାରେ ତିନି ଯୁବ ଚେହେରାଙ୍କ ମଧ୍ୟରେ ଲଢେଇ ହେବ । ଏଥିଲାଗି ୩ ପ୍ରମୁଖ ଦଳର ନେତା ଓ କର୍ମୀମାନେ ବେଶ ଉତ୍ସାହର ସହିତ ନିର୍ବାଚନ ମୈଦାନକୁ ଓହ୍ଲାଇଛନ୍ତି । ଏହି ଆସନ ଲାଗି ବିଜେପି ପକ୍ଷରୁ ବର୍ତ୍ତମାନର ବିଧାୟକ ତଥା ଯୁବ ମାନସର ପ୍ରତୀକ ଇଂ.ସୂର୍ଯ୍ୟବଂଶୀ ସୂରଜଙ୍କୁ ଦଳ ପୁଣି ଥରେ ଟିକେଟ ଦେଇଥିବା ବେଳେ ବିଜେଡି ଡା.ସଞ୍ଜୟ ଦାସଙ୍କୁ ଓ କଂଗ୍ରେସ ରଞ୍ଜନ କୁମାର ବେହେରାଙ୍କୁ ଏଠାରେ ଟିକେଟ ଦେଇଛି । ଧାମନଗର ବ୍ଲକର ୩୧ଟି ଓ ତିହିଡି ବ୍ଲକର ୧୩ଟି ମୋଟ ୪୪ଟି ପଞ୍ଚାୟତ ଓ ଗୋଟିଏ ଏନଏସିକୁ ନେଇ ଏହି ନିର୍ବାଚନ ମଣ୍ଡଳୀଟି ଗଠିତ ହୋଇଛି । ପ୍ରାର୍ଥୀ ଘୋଷଣା ହେବା ପରେ ବିଜେପି ପ୍ରାର୍ଥୀ ସୂର୍ଯ୍ୟବଂଶୀ ସୂରଜ ନିଜ କର୍ମୀ ଓ କର୍ମକର୍ତ୍ତାଙ୍କୁ ନେଇ ଜନ ସଂପର୍କ ଅଭିଯାନ ଆରମ୍ଭ କରି ଦେଇଛନ୍ତି । ଗତ ୨୦୨୨ରେ ଏଠାକାର ବିଧାୟକ ତଥା ବିଜେପିର ଜନପ୍ରିୟ ନେତା ବିଷ୍ଣୁ ସେଠୀଙ୍କ ଅକାଳ ବିୟୋଗ ପରେ ଅନୁଷ୍ଠିତ ଉପ ନିର୍ବାଚନରେ ତାଙ୍କ ପୁତ୍ର ସୂର୍ଯ୍ୟବଂଶୀ ସୂରଜ ବିଜେଡି ପ୍ରାର୍ଥୀଙ୍କୁ ପରାଜିତ କରି ଏଠାରୁ ନିର୍ବାଚିତ ହୋଇଥିଲେ । ସେହିଦିନ ଠାରୁ ସେ ନିର୍ବାଚନମଣ୍ଡଳୀର ବିଭିନ୍ନ ସମସ୍ୟାକୁ ନେଇ ବିଧାନସଭାରେ ସର୍ବଦା ସ୍ୱର ଉତ୍ତୋଳନ କରି ଆସୁଥିବା ବେଳେ ଏଠାରେ ବିଭିନ୍ନ ଉନ୍ନୟନ କାର୍ଯ୍ୟ ସର୍ବୋପରି ବେକାର ଯୁବକଯୁବତୀଙ୍କ କର୍ମ ନିଯୁକ୍ତି ତଥା ରାସ୍ତାଘାଟ ନିର୍ମାଣ ନେଇ ଅନେକ ପଦକ୍ଷେପ ନେଇଛନ୍ତି । ବିଶେଷକରି ଯୁବ ଭୋଟରଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିବା ସୂରଜ ଅଳ୍ପ ବୟସର ଯୁବକ ହେଲେ ବି ସାଙ୍ଗଠନିକ କ୍ଷେତ୍ରରେ ବେଶ ଦକ୍ଷ ଓ ପରିପକ୍ୱ । ଇତିମଧ୍ୟରେ ସେ ବିଭିନ୍ନ ପଞ୍ଚାୟତ ଗସ୍ତ କରି ଦଳୀୟ କର୍ମୀ ଓ ସାଧାରଣ ଭୋଟରଙ୍କ ସହ ସଂପର୍କ ରକ୍ଷା କରିବା ସହିତ ବିଭିନ୍ନ ପଞ୍ଚାୟତରେ ମିଶ୍ରଣ ପର୍ବ ମାନ ଆୟୋଜନ କରି ଅନ୍ୟ ଦଳର କର୍ମୀଙ୍କୁ ନିଜ ଦଳରେ ମିଶାଇ ସଙ୍ଗଠନକୁ ମଜବୁତ କରିବାରେ ଲାଗି ପଡିଛନ୍ତି । ସେହିପରି ବିଜେଡି ପ୍ରାର୍ଥୀ ଡା. ସଞ୍ଜୟ ଦାସ ନିଜ ଡାକ୍ତରୀ ଚାକିରିରୁ ଇସ୍ତଫା ଦେଇ ରାଜନୀତିକୁ ଓହ୍ଲାଇଥିବା ବେଳେ ଦଳ ତାଙ୍କୁ ଏଠାରୁ ପ୍ରାର୍ଥୀ କରିଛି । ତେବେ ତାଙ୍କୁ ଏଠାରୁ ପ୍ରାର୍ଥୀ କରାଯିବା ନେଇ ଡା. ଦାସ ପୂର୍ବରୁ ଦଳୀୟ ପ୍ରତିଶ୍ରୁତି ପାଇବା ପରେ ଏଠାରେ ବିଭିନ୍ନ ସାଙ୍ଗଠନିକ କାର୍ଯ୍ୟକ୍ରମରେ ଯୋଗ ଦେବା ସାଙ୍ଗକୁ ସ୍ୱାସ୍ଥ୍ୟ ସେବା ଶିବିର ମାନ ଆୟୋଜନ କରି ଦଳୀୟ କର୍ମୀ ଓ କର୍ମକର୍ତ୍ତାଙ୍କ ଆସ୍ଥାଭାଜନ ହେବାକୁ ପ୍ରୟାସ କରି ଆସିଛନ୍ତି । ଦଳର କର୍ମୀ ଓ କର୍ମକର୍ତ୍ତାଙ୍କ ସହଯୋଗ କ୍ରମେ ଦଳୀୟ ସଙ୍ଗଠନକୁ ମଜବୁତ କରି ଆଗାମୀ ନିର୍ବାଚନ ବୈତରଣୀକୁ ପାରି ହେବାକୁ ସେ ମନରେ ଆଶା ରଖିଛନ୍ତି । ତେବେ ଧାମନଗରରେ ବିଜେଡିରେ ତିବ୍ର ଗୋଷ୍ଠୀ କନ୍ଦଳ ଲାଗି ରହୁଥିବା କାରଣରୁ ଡା. ଦାସଙ୍କ ନିର୍ବାଚନୀ ପ୍ରଚାର ଏତେଟା ପ୍ରଭାବୀ ଓ ସରଗରମ ହୋଇ ପାରୁନଥିବା ଜଣା ଯାଇଛି । ଅନ୍ୟପକ୍ଷେ କଂଗ୍ରେସର ସଙ୍ଗଠନ ଏଠାରେ ଅତି ଦୁର୍ବଳ ଅବସ୍ଥାରେ ଥିବାରୁ ଦଳର ନିର୍ବାଚନୀ ପ୍ରଚାରରେ ସେତେଟା ସରଗରମ ଦେଖାଯାଉନାହିଁ । ଦଳର କିଛି ପୁରୁଖା କର୍ମୀଙ୍କୁ ବାଦ ଦେଲେ ଦଳ ପ୍ରତି ବର୍ତ୍ତମାନ ପୀଢିର ଯୁବକ ଯୁବତୀଙ୍କ ଆଗ୍ରହ ପରିଲକ୍ଷିତ ହେଉ ନଥିବା ଜଣାଯାଇଛି । ତେବେ ଏଠାକାର ଭୋଟର ବେଶ ସଚେତନ ଥିବା କାରଣରୁ ପ୍ରତିଦ୍ୱନ୍ଦିତା କରୁଥିବା ୩ ଯୁବ ପ୍ରାର୍ଥୀଙ୍କ ମଧ୍ୟରୁ ସେମାନେ ଜଣେ ଦକ୍ଷ, ଯୋଗ୍ୟ ଓ ପରିପକ୍ୱ ଯୁବ ପ୍ରାର୍ଥୀଙ୍କୁ ଏଠାରୁ ନିର୍ବାଚିତ କରିବାର ସମ୍ଭାବନା ଥିବା ବେଳେ ତିହିଡି ବ୍ଲକର ୧୩ ପଞ୍ଚାୟତ ଏଥିରେ ନିର୍ଣ୍ଣାୟକ ଭୂମିକା ନେଇପାରେ ବୋଲି ଆଶା କରା ଯାଉଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ରେଳଧାରଣାରୁ ଇଆରଏସ ଚାବି ଚୋରି ଅଭିଯୋଗରେ ଦୁଇ ଗିରଫ |
କଟକ (ଉତ୍କ ନ୍ୟୁଜ ) ୨୦-୦୪-୨୦୨୪ ; ଭଦ୍ରକ ଜିଲ୍ଲା ତିହିଡ଼ି ଥାନା ଅଧୀନ ଧାମରା ରେଳଧାରଣାରୁ ଇଆରଏସ ଚାବି ଚୋରି କରିବା ଅଭିଯୋଗରେ ଦୁଇ ଜଣଙ୍କୁ ଗିରଫ କରିଛି ପୋଲିସ । ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଛି । ସୂଚନା ଅନୁଯାୟୀ, ରେଳଧାରଣାକୁ ଧରି ରଖିବା ପାଇଁ ଇଆରଏସ ଚାବି ଲଗାଯାଇଥାଏ । ସୁରକ୍ଷା ଦୃଷ୍ଟିରୁ ଏହି ଚାବିର ବହୁତ ଗୁରୁତ୍ୱ ଥିବାବେଳେ ବହୁ ସମୟରେ ଦୁର୍ବୁତ୍ତମାନେ ଏହାକୁ ଖୋଲିନେଇ ବିପଦଜ୍ଜନକ ପରିସ୍ଥିତି ସୃଷ୍ଟି କରୁଛନ୍ତି । କୌଣସି ସୂତ୍ରରୁ ଖବର ପାଇ ତିହିଡ଼ି ପୁଲିସ ୪୦ଟି ଇଆରଏସ ଚାବି ଜବତ କରିଛି । ଗିରଫ ହୋଇଥିବା ଯୁବକ ଦୁଇଜଣ ଅଚକ ପଞ୍ଚାୟତ ନନ୍ଦପୁର ମୁସଲିମ ସାହିର ତମିଦ ସାହାଙ୍କ ପୁଅ ମୁରାଦ୍ ଓରଫ ଅଲି ମୁରାଦ ଓ ହୋସେନ୍ ସାହାଙ୍କ ପୁଅ ଚନୁ ଓରଫ ତମିଦ ସାହା ବୋଲି ଥାନା ସୂତ୍ରରୁ ସୂଚନା ମିଳିଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...
Read More ...