More News
ଘରେ କେହିନଥିବା ବେଳେ କଳାକନା ବୁଲାଇଲେ ଦୁର୍ବୁତ୍ତ |
କଟକ (ଉତ୍କଳ ନ୍ୟୁଜ ) ୧୩-୦୪-୨୦୨୪ : ଘରେ କେହିନଥିବା ବେଳେ କଳାକନାବାହା ବୁଲାଇଲେ ଦୁର୍ବୁତ୍ତ । ଏଭଳି ଅଭିଯୋଗ ଆସିଛି ଭଦ୍ରକ ଜିଲ୍ଲା ପୀରହାଟ ଥାନାଧିନ କମାରିଆର ଗାଁରୁ । ଭଦ୍ରକ-ଚାନ୍ଦବାଲି ରାଜ୍ୟ ରାଜପଥ ନିକଟସ୍ଥ ଶରତ କୁମାର ପଣ୍ଡାଙ୍କ ଘରୁ ବ୍ୟାପକଭାବେ ଚୋରୀ ହୋଇଛି । ଆସବାବପତ୍ର ସମେତ ଅଳଙ୍କାର ଏପରିକି ପିଲାଙ୍କ ଖେଳନା ପର୍ଯ୍ୟନ୍ତ ଚୋରୀ ହୋଇଛି । ଏହି ଚୋରୀରେ ଲକ୍ଷାଧିକ ଟଙ୍କାର ସାମଗ୍ରୀ ଓ ନଗଦ୍ ଟଙ୍କା ମଧ୍ୟ ଚୋରୀ ହୋଇଛି । ୬ଟି ଆଲମିରା ଭାଙ୍ଗିବା ସହିତ ୮ଟି ତାଲା ଭଙ୍ଗାଯାଇଛି । ଘରର ମୁଖ୍ୟ ଫାଟକ ନଭାଙ୍ଗି ବାଡ ଡେଇଁବା ପରେ ମୁଖ୍ୟ ଦ୍ୱାରର ତାଲା ଭାଙ୍ଗି ପ୍ରାୟ ୪ଟି ଗୃହର ତାଲା ଭାଙ୍ଗି ଚୋରୀ କରାଯାଇଛି । ଚୋରୀର ପ୍ରମାଣ ନଷ୍ଟ କରିବା ଲାଗି ସିସିଟିଭି ଫୁଟେଜ୍ ମେସିନକୁ ଭାଙ୍ଗି ନେଇ ଯାଇଛନ୍ତି ଦୁର୍ବୁତ୍ତ । ଶରତ ତାଙ୍କ ପରିବାର ସହ କୋଲକାତାରେ ରୁହଁନ୍ତି । ୧୩ ତାରିଖ ସକାଳେ ଆସି ଦେଖନ୍ତିତ ଏପରି ଚୋରୀ ହୋଇଛି । ଏନେଇ ସେ ପୀରହାଟ ଥାନାରେ ଏତଲା ଦେବା ସହିତ ଅଭିଯୁକ୍ତମାନଙ୍କୁ ଧରିବା ଲାଗି ଦାବି କରିଛନ୍ତି । ପ୍ରାଥମିକ ସ୍ତରରେ ପୋଲିସ ତଦନ୍ତ ଆରମ୍ଭ କରିଥିବା ବେଳେ ସନ୍ଧାନୀ କୁକୁର ଜରିଆରେ ଅଧିକ ତଦନ୍ତ କରାଯିବ ବୋଲି ସୂଚନା ମିଳିଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଚୋରା ମଦ ଜବତ, ୨ ମହିଳା ସମେତ ୪ ଗିରଫ୍ |
କଟକ (ଉତ୍କଳ ନ୍ୟୁଜ ) ୪-୦୪-୨୦୨୪ : ଭଦ୍ରକ ଜିଲ୍ଲା ତିହିଡ଼ି ଅବକାରୀ ଥାନା ପକ୍ଷରୁ ପୀରହାଟ ଅଞ୍ଚଳରେ ଚଢ଼ଉ କରାଯାଇ ଦେଶୀ ଓ ବିଦେଶୀ ମଦ ଜବତ କରାଯିବା ସହ ୪ ଜଣଙ୍କୁ ଗିରଫ କରାଯାଇଛି । ୩.୬ ଲିଟର ବିଦେଶୀ ମଦ, ୧୧.୮୫ ଲିଟର ବିଅର ଓ ୫.୪ ଲିଟର ଆସ୍କା ଫୋଟି ମଦ ଜବତ କରାଯାଇଥିବା ବେଳେ ସାହାପୁରର ରେବତୀ ମହାଳିକ, ଟୁଭିର ଦିବାକର ମହାନ୍ତି, ହରିପୁରର ବାସନ୍ତୀ ମହାନ୍ତି ଓ ବାହାବଳପୁରର ମାନସ ସାହୁଙ୍କୁ ଗିରଫ କରାଯାଇଛି । ସୂଚନା ଯୋଗ୍ୟ, ତିହିଡ଼ିର ବିଭିନ୍ନ ସ୍ଥାନରେ ଚୋରା ମଦ ବ୍ୟବସାୟ ଉଦବେଗ୍ଜନକ ଭାବେ ବୃଦ୍ଧି ପାଇଛି । ଆଗକୁ ନିର୍ବାଚନ ଥିବାରୁ ଚୋରା ମଦ ଉପରେ ରୋକ ଲଗାନଗଲେ ପରିସ୍ଥିତି ଅଣାୟତ ହେବା ସହ ଆଇନ୍ ଶୃଙ୍ଖଳା ପରିସ୍ଥିତି ସୃଷ୍ଟି ହେବ ବୋଲି କୁହାଯାଉଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
କୋହ୍ଲ ମେଲଣରେ ପୁରାତନ ଛାତ୍ରଙ୍କ ପକ୍ଷରୁ ପଣା ଦାନ |
କଟକ (ଉତ୍କଳ ନ୍ୟୁଜ ) ୨୯-୦୩-୨୦୨୪ : ଭଦ୍ରକ ଜିଲା ତିହିଡ଼ି ବ୍ଲକ କୋହ୍ଲ ବଡ଼ଦାଣ୍ଡ ଏଗାରସଭା ମେଲଣ ମଙ୍ଗଳବାର ରାତିରୁ ଆରମ୍ଭ ହୋଇ ବୁଧବାର ସନ୍ଧ୍ୟାରେ ଶେଷ ହୋଇ ଯାଇଛି । ଏହି ମେଳନରେ ସ୍ଥାନୀୟ ଅଞ୍ଚଳର ସହସ୍ରାଧିକ ଶ୍ରଦ୍ଧାଳୁ ଯୋଗଦେଇ ଶ୍ରୀଜୀଉମାନଙ୍କୁ ଅବିର ପ୍ରଦାନ କରିବା ସହ ପରସ୍ପର ମଧ୍ୟରେ ଅବିର ଖେଳିଥିଲେ । ପ୍ରବଳ ଗ୍ରୀଷ୍ମ ପ୍ରବାହକୁ ଲକ୍ଷ୍ୟ କରି କୋହ୍ଲ ହାଇସ୍କୁଲ ପୁରାତନ ଛାତ୍ର ସଂଗଠନ ପକ୍ଷରୁ ଯାତ୍ରୀ ମାନଙ୍କୁ ମେଲଣ ପଡ଼ିଆରେ ପଣା ଦାନ କରାଯାଇଥିଲା । ଏହି କାର୍ଯ୍ୟକ୍ରମକୁ ପ୍ରାବନ୍ଧିକ ବିଭୂତି ଭୂଷଣ ସେନାପତି ମୁଖ୍ୟ ଅତିଥିଭାବେ ଯୋଗ ଦେଇ ଉଦ୍ଘାଟନ କରିଥିଲେ । ଏହି ଅବସରରେ ପୁରାତନ ଛାତ୍ର ହରେକୃଷ୍ଣ ଦାସଙ୍କ ପୌରୋହିତ୍ୟରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଶ୍ରୀ ସେନାପତିଙ୍କ ସମେତ ସମ୍ମାନିତ ଅତିଥିଭାବେ ବରିଷ୍ଠ ନାଗରିକ ବିନୋଦ ବିହାରୀ ସାହୁ, ପୂର୍ବତନ ସରପଞ୍ଚ ପ୍ରଦୀପ ସାହୁ ପ୍ରମୁଖ ଯୋଗଦେଇ କୋହ୍ଲ ମେଲଣ ପରମ୍ପରା ଓ ଐତିହ୍ୟ ସମ୍ପର୍କରେ ବକ୍ତବ୍ୟ ପ୍ରଦାନ କରିବା ସହ ପୁରାତନ ଛାତ୍ରଙ୍କ ଏପରି ସେବା ମୂଳକ କାର୍ଯ୍ୟକୁ ଭୂୟସୀ ପ୍ରଶଂସା କରିଥିଲେ । ପୁରାତନ ଛାତ୍ର କ୍ଷେତ୍ରବାସୀ ପାଣି, ସୁଧାଂଶୁ ପାଣି, ପ୍ରଫୁଲ୍ଲ ଦାସ, ସୁବାସ ରଣା, ରାଜେଶ କୁମାର ସେଠୀ, ଅଭୟ କୁମାର ସାହୁ, ନୃସିଂହ ପଣ୍ଡା, ମନୋରଂଜନ ବାରିକ, ହ୍ରିତାଶିଷ ସାହୁ, ଶ୍ରୀଭାଶିଷ ସାହୁ, ମାନସ କୁମାର ପାଣିଗ୍ରାହୀ, ରାଜେନ୍ଦ୍ର ପାଣିଗ୍ରାହୀ, ଲକ୍ଷ୍ମୀନାରାୟଣ ପଣ୍ଡା, ବାବୁନୁ ସେନାପତି, ସତ୍ୟ ସଂଦୀପ ସେନାପତି, ପ୍ରମୁଖ ସମେତ ପୁରତାନ ଛାତ୍ରମାନେ ପଣା ଦାନ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ଡକାୟତ ଗେଙ୍ଗର ୬ ଜଣ ଗିରଫ, ଚୋରୀ ଟଙ୍କା ଓ ଅଳଙ୍କାର ଜବତ୍।
କଟକ(ଉତ୍କଳ ନିଉଜ)୨୪/୧୨/୨୦୨୩ : ଡକାୟତ ଗେଙ୍ଗର ୬ ଜଣ ଗିରଫ, ଚୋରୀ ଟଙ୍କା ଓ ଅଳଙ୍କାର ଜବତ୍। ଭଦ୍ରକ ଜିଲ୍ଲା ସାବରଙ୍ଗ ପୋଲିସ ଏକ ବଡ଼ ଡକାୟତି ଗେଙ୍ଗକୁ ଧରିବାରେ ସକ୍ଷମ ହେବା ସହିତ ସେମାନଙ୍କ ନିକଟରୁ ଚୋରି ଟଙ୍କା ଓ ସୁନା ରୁପା ଅଳଙ୍କାରକୁ ଜବତ କରିଛି। ଗତ ୧୪ ତାରିଖରେ ସାବରଙ୍ଗ ଥାନା ଅଧିନସ୍ଥ ଚଣ୍ଡିଗାଁରେ ଦୁଇ ଜଣ ଲୋକଙ୍କ ଘରେ ଡକାୟତି ହୋଇଥିଲା। ଡକାୟତମାନେ ଟଙ୍କା ଓ ସୁନା ଅଳଙ୍କାର ଲୁଟି ନେଇଥିଲେ। ଏ ସମ୍ପର୍କରେ ସାବରଙ୍ଗ ଥାନାରେ ଅଭିଯୋଗ ହେବାପରେ ପୋଲିସ ସାଇଣ୍ଟିଫିକ ଟିମ୍ ସହିତ ଘଟଣାର ଅଧିକ ତଦନ୍ତ କରୁଥିଲେ। ସୂରାକ୍ ପାଇବା ପରେ ପୋଲିସ ବିଭିନ୍ନ ସ୍ଥାନରେ ଛାନ୍ନଭିନ୍ କରି ଚୋରି ଘଟଣାରେ ମୋଟ ୬ ଜଣଙ୍କୁ ପୋଲିସ ଗିରଫ କରିଛି। ସେମାନେ ହେଲେ ଭଦ୍ରକ ଜିଲ୍ଲା ସାବରଙ୍ଗ ଥାନା ଅଧିନସ୍ଥ ପଗଡ଼ ଗ୍ରାମର ଅଜୁଦାସ, ରାଜୁ ଦାସ, ରାମୁ ଦାସ, କେନ୍ଦ୍ରାପଡ଼ା ଜିଲ୍ଲାର ବଳିଆ ଦାସ, ସାବରଙ୍ଗ ଥାନା ଇତଗଡି ଗ୍ରାମର ଦୁଖା ଦାସ ସମ୍ପୃକ୍ତ ଥିବାଜାଣି ପୋଲିସ ସେମାନଙ୍କୁ କାବୁ କରି ଥାନାକୁ ଆଣି ପଚରାଉଚରା କରିବା ପରେ ଘଟଣାର ଫର୍ଦାଫାଶ ହୋଇଥିଲା। ସେମାନେ ଚୋରି କରିଥିବା ସୁନା ଓ ରୁପା ଅଳଙ୍କାର ସହିତ ସେମାନଙ୍କ ନିକଟରୁ ୩ଟି ମୋଟର ସାଇକେଲ, କଟୁରୀ ଓ ଭୁଜାଲିକୁ ଜବତ କରିବା ସହିତ ଗିରଫ କରିଛି। ପରେ ଏହି ଚୋରି ଜିନିଷ କିଣା ବିକାରେ ସମ୍ପୃକ୍ତ ଥିବା ବାଲେଶ୍ୱର ଜିଲ୍ଲା ସିମୁଳିଆ ଥାନା ବେଗୁନିଆ ଗ୍ରାମର ରମାକାନ୍ତ ସାହୁଙ୍କୁ ପୋଲିସ ଗିରଫ କରିଛି। ତେବେ ଏହି ଡକାୟତମାନେ ପୂର୍ବରୁ କେତେକ ଅପରାଧରେ ସମ୍ପୃକ୍ତ ଥିବା ପୋଲିସ ପକ୍ଷରୁ ସୂଚନା ମିଳିଛି।
ସେମାନଙ୍କୁ କୋର୍ଟ ଚାଲାଣ କରାଯିବା ସହିତ ପୋଲିସ ଅଧିକ ତଦନ୍ତ କରୁଥିବା ସାବରଙ୍ଗ ଥାନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏସଡିପିଓ ପ୍ରକାଶ କରିଛନ୍ତି।
ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନିଉଜ ।
Read More ...
Read More ...
ସେବା ସମବାୟ ସମିତିରେ ଚୋରୀ ସଂନ୍ଦେହେ ଘେରରେ, ଦୁର୍ନୀତିକୁ ଲୁଚାଇବା ପାଇଁ ଷଡଯନ୍ତ୍ର ଅଭିଯୋଗ କଲା ବିଜେପି।
କଟକ(ଉତ୍କଳ ନିଉଜ)୧୭/୧୨/୨୦୨୩ : ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ବିଜୟନର ପଂଚାୟତ ଗୋବିନ୍ଦପୂର ସମବାୟ ସମିତିରେ ଶନିବାର ରାତ୍ରୀରେ ଚୋରୀ ହୋଇଥିବା ଅଭିଯୋଗ ହୋଇଛି। ସମବାୟ ସମିତି ନିକଟରେ ଗହଳି ଚହଳି ସହ ମେଳା ଚାଲୁଥିବା ବେଳେ ଦୁର୍ବୁତ୍ତମାନେ କିପରି ସମବାୟ ସମିତି କାର୍ଯ୍ୟାଳୟରେ ପଶି ଲକ୍ଷାଧିକ ଟଙ୍କାର ଉପକରଣ ଓ ଦରକାରୀ କାଗଜପତ୍ରକୁ ଚୋରୀ କରିଲେ ତାହା ସମସ୍ତଙ୍କୁ ଚକିତ କରିଛି। ଏଥିନେଇ ଚୋରୀ ଘଟଣାରେ ସମିତିର ସମ୍ପାଦକ ଓ ସଭାପତି ଚାନ୍ଦବାଲି ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଅଭିଯୋଗ ଅଧାରରେ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ଅନ୍ୟପଟେ ଏହି ଚୋରୀ ଘଟଣାକୁ ନେଇ କୋଟି କୋଟି ଟଙ୍କାର ଦୁର୍ନୀତିକୁ ଲୁଚାଇବା ପାଇଁ ଏହା ଏକ ଷଢ଼ଯନ୍ତ୍ର ବୋଲି ଅଭିଯୋଗ କରିଛିନ୍ତି ବିଜେପି ନେତା ଗୌରହରି ରାଉତ । ତେବେ ଏହି ଚୋରୀ ଘଟଣା ଆଗକୁ କି ମୋଡ଼ ନେଇଛି ତାହାତ ସମୟ କହିବ ହେଲେ ପୋଲିସ ସଠିକ ତଦନ୍ତ କରି ଅଭିଯୁକ୍ତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟନୁଷ୍ଠାନ ପାଇଁ ସମିତି ମେମ୍ବର ଓ ଚାଷୀମାନେ ଦାବି କରିଛନ୍ତି।
ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନିଉଜ ।
Read More ...
Read More ...
ଅବକାରୀ ବିଭାଗ ପକ୍ଷରୁ ଚଢ଼ାଉ ମଦ ଜବତ, ୩ ଗିରଫ |
କଟକ (ଉତ୍କଳ ନ୍ୟୁଜ ) ୮-୧୧-୨୦୨୩ : ଭଦ୍ରକ ରେଞ୍ଜ ଇନିସ୍ପେକ୍ଟର ଅନୀତା ପ୍ରଧାନଙ୍କ ନିର୍ଦ୍ଦେଶକ୍ରମେ ତିହିଡ଼ି ଅବକାରୀ ଥାନା ଭାରପ୍ରାପ୍ତ ଅଧିକାରିଣୀ ସନ୍ଧ୍ୟାରାଣୀ ଦାସ ଓ କର୍ମଚାରୀମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ୍ ଦ୍ୱାରା ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା । ଅବକାରୀ ଥାନା ଅଧୀନ ଦୋଳସାହି, ହାଟୁଆରୀ, ନୂଆନନ୍ଦ ଇତ୍ୟାଦି ଗ୍ରାମରେ ଚଢ଼ାଉ କରାଯାଇ ୬୦ ଲିଟର ଦେଶୀମଦ ଜବତ କରା ଯାଇଛି । ଏହି ଚୋରାମଦ କାରବାରରେ ସମ୍ପୃକ୍ତ ଥିବା ହାଟୁଆରୀ ଗ୍ରାମର ମିକୁ ମଳିକ, ନୂଆନନ୍ଦ ଗ୍ରାମର ମଧୁସୂଦନ ମହାଳିକ ଓ ଓମ୍ପ୍ରକାଶ ପତିଙ୍କୁ ଅବକାରୀ ସ୍ୱତନ୍ତ୍ର ଟିମ୍ ଗିରଫ କରିଛନ୍ତି । ଏହି ଚଢ଼ାଉରେ ଏସଆଇ ରବି ବେହେରା, ସନ୍ଦିପ ପାଢ଼ୀ, ଏସଆଇ ଦୀପକ ରାଉତ, ରଶ୍ମୀରେଖା ଜେନା, ସନ୍ତୋଷ ଦାସଙ୍କ ସମେତ ବିଭାଗୀୟ କର୍ମଚାରୀମାନେ ସାମିଲ ଥିଲେ। ଅବକାରୀ ଥାନାରେ ଏନେଇ ୯୦, ୯୧ ଏବଂ ୯୨/୨୩-୨୪ରେ ତିନିଟି ପୃଥକ୍ ମୋକଦ୍ଦମା ରୁଜ୍ଜୁ କରାଯାଇଛି ।
ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ମହିଳାଙ୍କ ମୃତ ଦେହ ଉଦ୍ଧାର, ହତ୍ୟା ସନ୍ଦେହ।
କଟକ (ଉତ୍କଳ ନ୍ୟୁଜ ) ୦୬-୧୧-୨୦୨୩ : ମହିଳାଙ୍କ ମୃତ ଦେହ ଉଦ୍ଧାର, ହତ୍ୟା ସନ୍ଦେହ। ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅଧିନସ୍ଥ ନପଙ୍ଗ ପଞ୍ଚାୟତ କଵିସାହି ଅଧିନ ଚଣ୍ଡିମାଆ ପଡିଆ ନିକଟରୁ ଉଦ୍ଧାର ହୋଇଛି ଏପରି ମୃତ ଦେହ। ମୃତା ମହିଳା ହେଲେ ମଣିନାଥପୁର ଗାଁ ତପସ୍ୱିନୀ ଦାସ। ବର୍ଷେ ତଳେ ସେ ବିବାହ କରିଥିଲେ ନପଙ୍ଗ ଗାଁର ସିପୁନ ଦାସଙ୍କୁ । ସିପୁନ ଦାସ ପୂର୍ବରୁ ଜଣଙ୍କୁ ବିବାହ କରିଥିଲା ବେଳେ ତପସ୍ୱିନୀଙ୍କୁ ଭଲ ପାଇ ବିବାହ କରିଥିଲେ। ବିବାହର ଏକ ବର୍ଷ ଭିତରେ ତପସ୍ୱିନୀଙ୍କୁ ବିଭିନ୍ନ ସମୟରେ ମାନସିକ ଓ ଶାରୀରିକ ନିର୍ଯାତନା ଦେଉଥିଲେ ସିପୁନ ଓ ତାଙ୍କ ପରିବାର ଲୋକେ ବୋଲି ମୃତା ତପସ୍ୱିନୀଙ୍କ ପରିବାର ଲୋକେ ଅଭିଯୋଗ କରିଛନ୍ତି। ତେବେ ହଠାତ୍ ଚଣ୍ଡିମାଆ ପଡିଆ ନିକଟରେ ସନ୍ଦେହ ଜନକ ଭାବେ ତପସ୍ୱିନୀଙ୍କ ମୃତ ଦେହ ପଡ଼ିଥିବା ଲୋକେ ଦେଖିବାକୁ ପାଇଥିଲେ। ପରେ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣା ଯାଇଛି। ତେବେ ତପସ୍ୱିନୀଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।
ଭଦ୍ରକରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...
Read More ...
ବ୍ୟାଟେରୀ ଚୋରି ଅଭିଯୋଗରେ ୪ ଗିରଫ।
କଟକ (ଉତ୍କଳ ନ୍ୟୁଜ ) ୦୧-୧୧-୨୦୨୩ : ଭଦ୍ରକ ଜିଲ୍ଲା ତିହିଡ଼ି ଥାନା ଅଧୀନରେ ବିଭିନ୍ନ ସ୍ଥାନରୁ ଗତ କିଛି ମାସ ଧରି ବ୍ୟାଟେରୀ ଆଦି ଚୋରି ହେଉଥିବା ଘଟଣାରେ ତିନି ଜଣଙ୍କ ସମେତରଫ କରାଯିବା ସହ ଚୋରି ସାମଗ୍ରୀ କ୍ରୟ କରିଥିବା ଅଭିଯୋଗରେ ଆଉ ଜଣେ ବ୍ୟକ୍ତି ଏହିପରି ୪ ଜଣଙ୍କୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି । ତିନି ଚୋରଙ୍କ ଘର ହେଉଛି କାଁପଡ଼ା ପଞ୍ଚ।।ୟତ ଅଧୀନ ମଠସାହି ଗ୍ରାମର । ଚୋରି କରିଥିବା ଯୁବକମାନେ ହେଲେ କାଁପଡ଼ା ମଠସାହି ଗ୍ରାମର ବିଦ୍ୟାଧର ଦାସଙ୍କ ପୁଅ କର୍ମକାନ୍ତ ଓରଫ କୁନା ଦାସ, ସୀତାକାନ୍ତ ମଳିକଙ୍କ ପୁଅ ସମର ଓ ପଞ୍ଚାନନ ମଳିକଙ୍କ ପୁଅ ପ୍ରଦୀପ । ସେହିପରି ଚୋରି ଜିନିଷ କ୍ରୟ କରିଥିବା ଅଭିଯୋଗରେ ତିହିଡ଼ି ବଜାରରେ ବ୍ୟାଟେରୀ ଦୋକାନ କରିଥିବା ହିଞ୍ଜିଳିକାଟୁ ଥାନା ଅଧୀନ ସାପୁଆବରି ଗ୍ରାମର ବିଦେଶୀ ଓରଫ ବାବୁ ସେଠୀଙ୍କୁ ମଧ୍ୟ ଗିରଫ କରାଯାଇଛି । ସେମାନଙ୍କ ନିକଟରୁ ବହୁ ସଂଖ୍ୟାରେ ବ୍ୟାଟେରୀ, ମୋଟର, ଇନଭର୍ଟର ଆଦି ଜବତ କରାଯାଇଛି । ଏ ନେଇ ତିହିଡ଼ି ଥାନାରେ ୩ ଗୋଟି ମାମଲା ମଧ୍ୟ ରୁଜୁ କରାଯାଇଛି । ଅଭିଯୋଗ ଅନୁଯାୟୀ, ରାସ୍ତା ପାଶ୍ୱର୍ରେ ରହୁଥିବା ଗାଡ଼ି, କାର୍ଯ୍ୟାଳୟ ଗୁଡ଼ିକରେ ଥିବା ଇନଭର୍ଟର ଓ ମୋଟର ଆଦିକୁ ଏହି ଯୁବକମାନେ ରାତ୍ରିରେ ଚୋରି କରିନେଉଥିଲେ । ଏହାକୁ ନେଇ ସେମାନେ ବିଭିନ୍ନ ଜାଗାରେ ବିକ୍ରୟ କରିଦେଉଥିଲେ । ଏ ନେଇ ତିହିଡ଼ି ଥାନାରେ ବାରମ୍ବାର ଅଭିଯୋଗ ହୋଇଆସୁଥିଲା ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...
Read More ...
ମତୋରେ ୧.୯ କିଲୋଗ୍ରାମ ଗଞ୍ଜେଇ ଜବତ, ଜଣେ ଗିରଫ।
କଟକ(ଉତ୍କଳ ନିଉଜ)୨୮/୦୮/୨୦୨୩ : ଭଦ୍ରକ ଅବକାରୀ ଅଧିକ୍ଷକ ପ୍ରଦୀପ୍ତ କୁମାର ଦାସଙ୍କ ନିର୍ଦ୍ଦେଶକ୍ରମେ ଓ ଅବକାରୀ ନିରୀକ୍ଷକ ଦିଲ୍ଲୀପ କୁମାର ନାୟକଙ୍କ ନେତୃତ୍ୱରେ ଜିଲ୍ଲା ଅବକାରୀ ବିଭାଗ ପକ୍ଷରୁ ଭଦ୍ରକ ଜିଲ୍ଲା ଚାନ୍ଦବାଲି ଅବକାରୀ ଥାନା ଭାରପ୍ରାପ୍ତ ଅଧିକାରୀ ଅଭିଳାଷ ପାଲ ଓ ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଦ୍ୱାରା ଚାନ୍ଦବାଲି ଥାନା ଅନ୍ତର୍ଗତ ମତୋ ବଜାରରେ ଚଢ଼ାଉ କରାଯାଇ ୧.୯ କିଲୋଗ୍ରାମ ଗଞ୍ଜେଇ ଜବତ କରିବା ସହିତ ଏଥିରେ ସମ୍ପୃକ୍ତ ପାଟଣାସାହି ଗ୍ରାମର ମହେନ୍ଦ୍ର ବାରିକଙ୍କୁ ଗିରଫ କରା ଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୦ ହଜାର ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ ସୂଚନା ଦେଇଛି l ଉକ୍ତ ଚଢ଼ାଉରେ ଏ.ଏସ୍.ଆଇ ଦୀପକ ରାଉତ କନେଷ୍ଟବଳ ଅନବାଦିତ୍ୟ ବାରିକ, ଉମେଶ କୁମାର ମହଲା, ରାମଚନ୍ଦ୍ର ନାୟକ, ସଞ୍ଜୟ ପାତ୍ର, ସତ୍ୟରଞ୍ଜନ ସେଠୀ, ଖଗେଶ୍ୱର ଜେନା, ରାଜଲକ୍ଷ୍ମୀ ଦତ୍ତ ପ୍ରଭୃତି ସାମିଲ ଥିଲେ । ଏନେଇ ଚାନ୍ଦବାଲି ଅବକାରୀ ଥାନା ପକ୍ଷରୁ କେସ ନଂ: ୭୧/୨୪ ମୂଳେ ଏକ ମାମଲା ରୁଜ୍ଜୁ କରା ଯାଇଛି।
ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନିଉଜ |
Read More ...
Read More ...
ଓଡିଆ ସଂସ୍କୃତିର ନିଆରା ପରମ୍ପରା ସପ୍ତାପୂଜା |
ତିହିଡି, ୧୫.୦୬: ଓଡିଆ ସଂସ୍କୃତିର ନିଆରା ପରମ୍ପରା ସପ୍ତାପୂଜା । କଳିଯୁଗର ସାକ୍ଷାତ ଦେବତା ପ୍ରଭୁ ଶ୍ରୀ ଜଗନ୍ନାଥଙ୍କ ମୃଣ୍ମୟୀ ବା ଦାରୁ ମୂର୍ତ୍ତୀ ଗଢାଯାଇ ଗାଁ ଗଣ୍ଡାରେ ପୂଜାର୍ଚ୍ଚନା କରାଯାଇଥାଏ । କେତେକ ସ୍ଥଳରେ ପ୍ରଭୁ ଶ୍ରୀ ଜଗନ୍ନାଥଙ୍କ ସହ ବଡଭାଇ ବଳଭଦ୍ର ଓ ଭଉଣୀ ସୁଭଦ୍ରାଙ୍କୁ ମଧ୍ୟ ପୂଜାର୍ଚ୍ଚନା ମଧ୍ୟ ଚାଲିଛି । ଚାଷ କାମ ଆରମ୍ଭ ପୂର୍ବରୁ ଚାଷୀ ଭଗବାନଙ୍କ ଶରଣାପନ୍ନ ହେବା ନେଇ ଏକମାତ୍ର ମାଧ୍ୟମ ଗାଁ ଗଣ୍ଡାରେ ଏହି ସପ୍ତାପୂଜା । ଯାହା ଭକ୍ତଙ୍କ ମାନସିକ ପୂରଣ କରିବାରେ ସହାୟକ ହୋଇଥାଏ ବୋଲି ଶାସ୍ତ୍ର ମତ ରହିଥିବା ବେଳେ ଏହା ମଧ୍ୟ ପୂର୍ବ ପୁରୁଷରୁ ବିଶ୍ୱାସ ରହି ଆସୁଅଛି । ସପ୍ତାହଯାକ ପ୍ରଭୁ ଜଗନ୍ନାଥଙ୍କ ଭାଗବତ ପାରାୟଣ ଶ୍ରବଣ କରି ରଥକୁ ବିଜେ କରନ୍ତି ବୋଲି ମଧ୍ୟ ଶାସ୍ତ୍ର ମତ ରହିଛି । ଏହି ପରମ୍ପରା କେଉଁ ଆବାହମାନ କାଳରୁ ପ୍ରଚଳିତ ହୋଇ ଆସୁଅଛି । ରଜ ପର୍ବରେ କଳସ ଅଭିଷେକ କରାଯିବା ସହ ବିଗ୍ରହ ପୂଜା ଆରମ୍ଭ ହୋଇଥାଏ । ପ୍ରତ୍ୟେହ ଭାଗବତ ପାରାୟଣ ସହ ଭଜନ ସଂଧ୍ୟା ଅନୁଷ୍ଠିତ ହେଉଅଛି ।୧୮୬୭ ମସିହାରୁ କୁବେରା ପଞ୍ଚାୟତ ଅଧିନ କୁବେରା ଗ୍ରାମର ଜଗନ୍ନାଥ ମନ୍ଦିରରେ ଏହି ପୂଜା ଯଥାବିଧିରେ ପାଳିତ ହୋଇ ଆସୁଅଛି । ଏହି ପୂଜା ୧୧ ଦିନ ଧରି ଚାଲିବ ବୋଲି କମିଟି ପକ୍ଷରୁ ସୂଚନା ମିଳିଛି । ପ୍ରଭୁଙ୍କ ନାମରେ ଥିବା ଜମିବାଡିର ଆୟ ତଥା ଭକ୍ତ ଓ ଗ୍ରାମବାସୀଙ୍କ ସହଯୋଗରେ ବରଷକର ଏହି ଗୋଟିଏ ପର୍ବ ପାଳିତ ହୋଇଥାଏ । ଏହି ପୀଠର ବହୁ ମାହାତ୍ମ ରହିଛି । ଏହି ପୂଜା ପାଳନ କରାଯିବା ସହ ଗାଁର ଏକ ପ୍ରକାର ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । ବିଦ୍ୟାଧରପୁର କଣ୍ଟାବଣିଆରେ ବିଗତ ୩ ପୁରୁଷ ଧରି ସପ୍ତାପୂଜା ପାଳିତ ହେଉଅଛି । ଏଠାରେ କେବଳ ଜଗନ୍ନାଥଙ୍କ ବିଗ୍ରହ ପୂଜା କରାଯାଇଥାଏ । କମିଟିର ସଭାପତି ଜଗନ୍ନାଥ ନାଥ, ସମ୍ପାଦକ କୃପାସିନ୍ଧୁ ଦାସ, ପ୍ରସନ୍ନ ସାହୁ, ଗଦାଧର ନାୟକ, ହୃଷିକେଶ ସାହୁ, ରତ୍ନାକର ପାଣିଗ୍ରାହୀ, ବାବାଜୀ ଦାସ, ହୃଷିକେଶ ନାୟକ, ଜୟକୃଷ୍ଣ ସାହୁଙ୍କ ସମେତ ପୂଜକ କରୁଣାକର ତ୍ରିପାଠୀ ଓ ପ୍ରଦ୍ୟୁମ୍ନ ହୋତା ପରିଚାଳନା କରୁଛନ୍ତି । ଦୈନିକ ଭକ୍ତମାନଙ୍କ ସମାଗମ ଓ ପ୍ରସାଦ ସେବନରେ ମନ୍ଦିର ପରିସର ଉତ୍ସରମୁଖର ହୋଇଥାଏ । ସେହିପରି ସିନ୍ଦୋଳ ପଞ୍ଚାୟତ ଅଧିନ ଇନ୍ଦିରିଆ, ଆରୁହା, ଦୋଳସାହି, ତିହିଡି, କୋହ୍ଲ, କମାରିଆ, ସୟା ଆଦି ସ୍ଥାନରେ ସପ୍ତାପୂଜା ଚାଲୁଥିବା ଜଣାଯାଇଛି । ଦୈନିକ ଭାଗବତ ପାଠ, ବୈଠକ, ପ୍ରଭୁଙ୍କ ଋତିନିତି ସହିତ ଭୋଗ ଲାଗିଥାଏ । ଏହି ପରମ୍ପରାରେ ଗଁ ଗଣ୍ଡାରେ ଆଧ୍ୟାତ୍ମିକ ପରିସର ହୃଷ୍ଟି ହୋଇଥିବା ବେଶ ବାରି ହୋଇଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ।
Read More ...
Read More ...
ଡ୍ରଗ୍ସ ସେବନ ଅଭିଯୋଗରେ ଦୁଇ ଯୁବକଙ୍କୁ ଗିରଫ କଲା ପୁଲିସ।
କଟକ (ଉତ୍କଳ ନ୍ୟୁଜ ) ୧୫-୦୫-୨୦୨୩ : ଡ୍ରଗ୍ସ ସେବନ ଅଭିଯୋଗରେ ଦୁଇ ଯୁବକଙ୍କୁ ଗିରଫ କଲା ଭଦ୍ରକ ଜିଲ୍ଲା ତିହିଡି ପୁଲିସ। ଅଭ୍ୟାସଗତ ଭାବେ ଉଭୟ ଡ୍ରଗ୍ସ କିଣି ସେବନ କରିଥାନ୍ତି ମାତ୍ର ପବ୍ଲିକ ପ୍ଲେସରେ ସେବନ କରିବାକୁ ପ୍ରସ୍ତୁତ ହେଉଥିବା ବେଳେ ଗ୍ରାମବାସୀଙ୍କ ହାବୁଡରେ ପଡିଥିଲେ। ଖବର ପାଇ ପୋଲିସ ଘଟଣା ସ୍ଥଳରୁ ସେମାନଙ୍କୁ ଧରି ପଚରା ଉଚୁରା କରିବା ପରେ ସୋମବାର ସେମାନଙ୍କୁ କୋର୍ଟ ଚାଲାଣ କରିଛି। ଅଭିଯୁକ୍ତ ପାଳିଆ ଗାଁର କମଳାକାନ୍ତ ସେଠୀ ଓ ରାଜେନ୍ଦ୍ର ପାତ୍ର ବୋଲି ଥାନା ସୂତ୍ରରୁ ସୂଚନା ମିଳିଛି। ଏହି ବ୍ଲକ ଅଧିନ ପାଳିଆବିନ୍ଧା, ନୂଆନନ୍ଦ, ଦୋଳସାହି, ଅଚକ, ଭାଟପଡ଼ା ଆଦି ପଞ୍ଚାୟତରେ ଡ୍ରଗ୍ସ ସେବନ ବୃଦ୍ଧି ପାଉଥିବା ବେଳେ ଏହାକୁ ପ୍ରତିହତ କରିବା ପାଇଁ ନୂଆନନ୍ଦ ପଞ୍ଚାୟତରେ ମୁରବୀମାନେ ଏକ କମିଟି ଗଠନ କରିଛନ୍ତି । ଯେଉଁମାନେ ଡ୍ରଗ୍ସ ଖାଉଛନ୍ତି ବା ଚାଲାଣ କରୁଛନ୍ତି ସେମାନଙ୍କୁ କିପରି ଖୋଜି ବାହାର କରାଯିବ ତାହାହିଁ ସେମାନଙ୍କର ଲକ୍ଷ୍ୟ ରହିଛି । ତେବେ ଶନିବାର ରାତ୍ରିରେ ପାଳିଆବିନ୍ଧା ପଞ୍ଚାୟତର ଦୁଇ ଜଣ ଯୁବକ ଡିଆସିଲିରେ କିଛି ପୁଡ଼ିଆ ରଖି ଅନ୍ୟ ଜଣକୁ ବିକ୍ରି କରୁଥିବା ଖବର ପାଇଁ ନୂଆନନ୍ଦ ପଞ୍ଚାୟତର ଏହି କମିଟିର ସଦସ୍ୟମାନେ ଘଟଣା ସ୍ଥଳରେ ପହଂଚିଥିଲେ । ତେବେ କମିଟିର ଅଭିଯୋଗ ଅନୁଯାୟୀ ଡ୍ରଗ୍ସ ନେବାକୁ ଆସିଥିବା ଗୋରାମାଟି ଅଞ୍ଚଳର ଯୁବକ ଜଣକ କୌଶଳରେ ଦୌଡ଼ି ପଳାଇଥିବା ବେଳେ ସଂପୃକ୍ତ ଦୁଇ ଯୁବକଙ୍କୁ ସେମାନେ କାବୁ କରିନେଇଥିଲେ । ଏ ନେଇ କମିଟି ପକ୍ଷରୁ ଅଭିଯୋଗ କରାଯିବା ପରେ ତିହିଡ଼ି ପୁଲିସ ଘଟଣାସ୍ଥଳରେ ପହଂଚି ଅଧିକ ଜେରା କରିବା ପାଇଁ ଉଭୟ ଯୁବକଙ୍କୁ ଥାନାକୁ ନେଇ ଆସିଥିଲା । ତେବେ ଏହି ଯୁବକ ଦୁଇଜଣ ଥାନାରେ ଯେଉଁପରି ଅଭାବନୀୟ କାଣ୍ଡ ଘଟାଇଲେ ତାହା ପୁଲିସ ପାଇଁ ମୁଣ୍ଡ ବ୍ୟଥାର କାରଣ ପାଲଟିଥିଲା । ଡ୍ରଗ୍ସ ବ୍ୟବସାୟ କରିବା ପାଇଁ ନୁହେଁ ବରଂ ଡ୍ରଗ୍ସ ଖାଇବା ପାଇଁ ସେମାନେ ସଂପୃକ୍ତ ନିରୋଳା ସ୍ଥାନକୁ ଯାଇଥିବା ବେଳେ ଗ୍ରାମ୍ୟ କମିଟି ହାତରେ ଧରା ପଡ଼ିଥିଲେ ବୋଲି ପୁଲିସ ଜେରା ସମୟରେ ଜାଣିବାକୁ ପାଇଥିଲା । ବିଶେଷ ସୂତ୍ରରୁ ମିଳିଥିବା ଖବର ଅନୁଯାୟୀ ଡ୍ରଗ୍ସ ଖାଇଥିବା ବା ଖାଇନଥିବା କାରଣରୁ ଥାନା ଭିତରେ ଏହି ଦୁଇ ଯୁବକଙ୍କ ମାନସିକ ଓ ଶାରିରୀକ ଅବସ୍ଥା ଦେଖିବା ପରେ ପୁଲିସ ସେମାନଙ୍କୁ ଥାନା ପରିସରରେ ଅଧିକ ସମୟ ଅଟକାଇ ନଥିଲା। ସୂଚନା ଯୋଗ୍ୟ, ଚୋରା କୋଇଲା ମାଫିଆମାନେ ସ୍ଥାନୀୟ ଯୁବକଙ୍କୁ ଡ୍ରଗ୍ସ ଦେଇ ନିଜ ଅଧୀନକୁ ଆଣୁଛନ୍ତି ଓ ପରେ ସେମାନଙ୍କୁ ଚୋରା କୋଇଲା ବ୍ୟବସାୟରେ ନିୟୋଜିତ କରୁଛନ୍ତି । ଡ୍ରଗ୍ସ ଖାଇବା ପାଇଁ ଯାହା ଅର୍ଥ ଆବଶ୍ୟକ ତାହା ଚୋରା କୋଇଲା ବ୍ୟବସାୟରୁ ମିଳିଯାଉଛି । ଆଖପାଖ ଗ୍ରାମରେ ବହୁ ଯୁବକ ଡ୍ରଗ୍ସ କବଳରେ ଫସିଯିବା ପରେ ସେମାନଙ୍କୁ ସଠିକ ରାସ୍ତାକୁ ଆଣିବା ପାଇଁ ପାଇଁ ନୂଆନନ୍ଦରେ ଆଣ୍ଟି ଡ୍ରଗ୍ସ କମିଟି ଗଢ଼ାଯାଇ ନିଜ ଅଞ୍ଚଳର ଯୁବକମାନଙ୍କ ଉପରେ ତୀକ୍ଷ୍ଣ ନଜର ରଖା ଯାଇଛି । ପୁଲିସର କ୍ଷମତା ସୀମିତ ଓ ସେମାନେ ବିଭିନ୍ନ କାର୍ଯ୍ୟ ନେଇ ଅଧିକ ଭାରାକ୍ରାନ୍ତ ରହୁଥିବା କାରଣରୁ ଧଳା ଜହର ବ୍ୟବସାୟକୁ ନିରୁତ୍ସାହିତ କରିବା ପାଇଁ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀମାନଙ୍କର ମଧ୍ୟ ଭୂମିକା ଗୁରୁତ୍ୱପୂର୍ଣ୍ଣ । ନୂଆନନ୍ଦ ପରି ଅନ୍ୟ ପଞ୍ଚାୟତରେ ଯଦି ଏହିପରି କମିଟି ଗଠନ କରାଯାଇ ଡ୍ରଗ୍ସ ବ୍ୟବସାୟ ଓ ଖାଇବା ଉପରେ ନଜର ରଖାଯାଇ ପାରନ୍ତା ଯୁବକମାନେ ଅଧିକ ପଥଭ୍ରଷ୍ଟ ହୁଏନ୍ତେ ନାହିଁ ବୋଲି ମତ ପ୍ରକାଶ ପାଉଛି।
ତିହିଡିରୁ ସଂଜୟ ଦାସଙ୍କ ରିପୋର୍ଟ।
Read More ...
Read More ...
କଳା ପଲସରରେ ଛିନତାଇ ଆତଙ୍କର ପର୍ଦ୍ଦାଫାସ, ଅଭିଯୁକ୍ତ ନାବାଳକକୁ ସୁଧାର ଗୃହକୁ ପ୍ରେରଣ, ପଲସର ଓ ୬ ମୋବାଇଲ ଫୋନ ଜବତ।
କଟକ (ଉତ୍କଳ ନ୍ୟୁଜ) ୧୫-୦୪-୨୦୨୩ : ବିଗତ ଏକ ସପ୍ତାହ ଧରି ଭଦ୍ରକ ଜିଲ୍ଲା ତିହିଡ଼ି ଥାନାଧିନ ବିଭିନ୍ନ ସ୍ଥାନରେ ଛିନତାଇ କରି ଆତଙ୍କ ସୃଷ୍ଟି କରିଥିବା ଗୋଷ୍ଠୀର ପର୍ଦ୍ଦଫାସ କରିଛି ପୋଲିସ। ତେବେ ଏହି ଗୋଷ୍ଠୀର ନୂଆନନ୍ଦ ଅଞ୍ଚଳର ଜଣେ ନାବାଳକୁ ପୁଲିସ ଧରିଥିବା ବେଳେ ଏହି ଗୋଷ୍ଠୀରେ ଅନ୍ୟ ଦୁଇଜଣଙ୍କ ସମ୍ପୃକ୍ତି ଥିବା ପୁଲିସ ଜାଣିବାକୁ ପାଇଛି । ସେମାନଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ଚାନ୍ଦାବାଲି ଏସଡିପିଓ ଦେବୀଶଙ୍କର ପ୍ରତାପ ସୂଚନା ଦେଇଛନ୍ତି । ସୂଚନା ମୁତାବକ, ତିହିଡ଼ି ଥାନାଧିନ ସତସଙ୍ଗ ବିହାର, ଆଇଟିଆଇ, ରାଣୀପୁର, କଲେଜ ଛକ-ହରିପୁର ରାସ୍ତା, କୁବେରା, ବଉଳପାଳ- କାଳୀମେଘା ରାସ୍ତାରେ ନିରୋଳା ସମୟରେ ଦୁର୍ବୁତ୍ତମାନେ ଏକ ସପ୍ତାହ ମଧ୍ୟରେ କଲେଜ ଛାତ୍ରୀଙ୍କ ଠାରୁ ବହୁ ମୋବାଇଲ ଫୋନ ଓ ସେମାନଙ୍କର ବ୍ୟାଗ ଛଡ଼ାଇନେଇଥିଲେ । ମୋବାଇଲ ଫୋନରେ କଥା ହେଉଥିବା କେତେକ ବ୍ୟକ୍ତି ବିଶେଷଙ୍କୁ ମଧ୍ୟ ସେମାନେ ଟାର୍ଗେଟ କରି ସଫଳ ହୋଇଥିଲେ । ଦୁର୍ବୁତ୍ତମାନେ ମୁହଁରେ କପଡ଼ା ବାନ୍ଧି ଛିନତାଇ କରିବା ପରେ ଯେଉଁ ବେଗରେ ଗାଡ଼ି ଚଳାଉଥିଲେ ସେଥିରେ ସାଧାରଣ ଲୋକେ ଭୟଭୀତ ହୋଇ ଯାଉଥିଲେ । ଲଗାତାର ଛିନତାଇକୁ ନେଇ ଜନସାଧାରଙ୍କ ମଧ୍ୟରେ କ୍ରମଶଃ କ୍ଷୋଭ ବୃଦ୍ଧି ପାଉଥିବା ବେଳେ ପୁଲିସ ପାଇଁ ମଧ୍ୟ ଏହା ମୁଣ୍ଡବ୍ୟଥାର କାରଣ ସାଜିଥିଲା । ତେବେ ତିହିଡ଼ି ଥାନା ଭାରପ୍ରାପ୍ତ ଅଧିକାରୀ ମହମ୍ମଦ ହାଫିଜଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ଉ କରାଯାଇ ମଙ୍ଗରାଜପୁର ଛକରୁ ସଂପୃକ୍ତ ନାବାଳକକୁ ଧରା ଯାଇଥିଲା । ତେବେ ତାହା ସହ ଉପସ୍ଥିତ ଥିବା ଅନ୍ୟ ଜଣେ କୌଶଳ କ୍ରମେ ଖସି ଯାଇଥିଲା । ନାବାଳକ ଠାରୁ ତଥ୍ୟ ହାସଲ କରି ଜଣେ ମୋବାଇଲ ଦୋକାନୀକୁ ମଧ୍ୟ ପଚରା ଉଚୁରା କରାଯାଇଛି । ଆହୁରି ମଧ୍ୟ ଛିନତାଇ କରିଥିବା ଏକ ବ୍ୟାଗରୁ ମିଳିଥିବା ଏକ ଏଟିଏମ କାର୍ଡ଼ରୁ ଦୁଇ ହଜାର ଟଙ୍କା ଉଠାଇଥିବା ନାବାଳକ ସ୍ୱୀକାର କରିଥିବା ପୁଲିସ ସୂତ୍ରରୁ ସୂଚନା ମିଳିଛି ।
ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...
Read More ...